تلاعب اجرامي

بـارت 16

#تلاعب اجرامي

ـ نجمة للبارت ،تعاليقكم الحلوة 💛.

𓍯𓂃𓂃𓂃

ازهار

:- رفيجي يزيد

أندار يزيد رفعت راسي جان الياس باوعلي بسرعة رحت اركض للبيت وكفت يم الباب اجر نفس باوعتلي سُندس حجت

:- وين جنتي لكفج اخوج موو

:- بروح امج وابوج ولي مني

طبيت جوة للبيت اخذت موبايلي ايدية يرجفن

فتحت ماكو شيء باوعت من الشباك جان يزيد واليأس يضحكون ويسولفون واحد يركع الثاني راشدي

ضحكت ودرت وجهي سمعت صوت الياس
:- لك يزودي شنو هـَ الجهرة التلعب النفس

:- انجب لك احسن من راسك جنه ماطور

:- انجب

:- انكلع يلا اتغوسل وتعال

:- لا والله اشو اليوم اجي انام يمك مشتاقلك ابو الزون

:- دمشي لك المعفن

نزلت جوة باوعتلي سُندس بحلكها حجي بس ما تكدر تحجي

عفتها ورحت طب يزيد صاح
:- ازهار تَعي

رحت يمه رفعتلة راسي حجيت
:- ها

:- طالع انه خاف اتاخر بس دكي عليَ اي يحجي وياج لا تصيرين مفهيه خوش بوية

:- اي هاهيه ،وين رايح

:- طالع بشغلة محتاجة شيء

:- سلامتك

باسني وطلع نزلت جوة البيت هدوء رحت للغرفة مال امي اتطمن عليها

لكيتها نايمة سديت الباب عَ كيف وطلعت مرت الايام يزيد يطلع ويرجع متأخر

:- يول ازهار اختاري تكسرن رجليني

:- شبيك ما عجبني هذني

:- اخخ يـ النساوين

رفعت راسي شفت ثوب لون ازرق وبي ورد ناعم وبي حزام قماش من ضمن الفستان

:- الله يزيد شوف شوف اريد

:- وينو يابة

:- هذاك

رحنا يم المحل وكف صفن عليه باوع عليه حجة
:- مو جنه ضيك