الماسةٌ زُمرُديه

الجِزء الثامن

طبعاً أسفة على التأخير بس حاولت أخلي البارت طويل 🗿💔
وأحسه مو طويل نفس الي ردته بس يلا تمام
استمتعوا حبايبي إنتوا

-

گعدت زُمرُد قبل الماسه .. الساعة ٨ الصبح
ولأول مرة بحياتها كلها تگعد بهيچ وقت وتحس نفسها نوعاً ما ، شبعانة نوم
راحت للمطبخ وشافت ما أكو احد أبداً لأن حالياً قسم من العائلة بـ دوام الشغل والقسم الآخر بـ دوام الجامعة والأطفال بـ المدرسة
إرتاحت ، وفتحت أغنية إختاري لـ كاظم الساهر
وصارت تتمايل وتحضر الأكل إلها ولالماستها ، وتتذكر اعترافهم لبعض وتخجل بين الحين والآخر
غطست في بحر الأشعار بكامله
إنتظرت الشاي يغلي
وحضرت ورقتها وقلمها
ـ
اليومُ ها أنا بِجانِبَها ، أنتظِرُها لتَجلِس وتُصحصِح مِن نَومِها ، وأتخَيلُ إنني أتلقى الطَعامَ مِن يَديها ، وتحتضِنُ خَدايَ بـِ لُطفٍ وتقولُ أنتِ الماستي الزُمرُديه أنتِ قلبي وروحي وجميعَ أشيائي التي تَخصُني ، أريدُ تَقبيلَها وألخجَلُ قليلاً مِنها فـَ إنني لا أستَطيعُ تَحمُل جميعَ غزلِها وأشعرُ بِـِ أنني جبلٌ لا يتهَدم أمامها خارِجياً ولكِنني داخلياً أشعرُ بالإنهيار التام مِنَ الحُب والخجَل وأشعرُ بـِ إني أريدُ أن أختبِئ في مكانٍ ما حتى لو كانَ هذا المَكانُ أحضانَها ولكِن المُهِم أن لا تَتلاقى أعُينَنا فـَ إنني أتوترُ وكثَيراً عِندما تَتلاقى الأعُين ، ولكِن فقَط أرَيدُها بِـ جَميعِ ما بِها وبـِ جَميعِ ما بي
لِتغلق دفترَ أشعارها بِسبب غَلي الشاي وقطِع لحظَتها المُفضلة التي هيَ خَجولة بِها الآن وجداً !

ومِن ثُمَ أكملت زُمرُد الفُطور وقررت ان تَذهب لإيقاظ الماستها

زُمرُد"بصوت خفيف" : حبيبي يلا كعدي
الماسه : امممم
زُمرُد : يلا حبيبي كومي
بدأت الماسه فَي الاستيقاظ وَنظرت ألى زُمرُدها وقالت :
صباح الخَير رويحتي
رَدت زُمرُد" بخجل" : صباح النور حبيبي
الماسه : جني سمعت اغنية لو متوهمه؟
زُمرُد : لا ما متوهمه ويلا كومي غسلي لين جنت اسوي ريوك ومشغلة اغنية
الماسه : اها الحلو اليوم بقمة السعادة لو شنو الوضع؟
زُمرُد *بخجل* : هو يعني .. انچبي الماسسستي گومي خلي نتريگ وثانياً البيت فارغ ماريد نتريگ وأكو احد غيرنا موجود
الماسه : زين دلوعتي يلا
بحركة سريعة وغير استيعابيه لـ زُمرُد الماسه شالتها!
زُمرُد *بعصبية قليلة* : لو اعضچ هسه أحد يگلي ليش! شنو هالهبطة إلي هبطتيني ياها بربچ گلتلچ گومي ماگلتلچ شيليني
الماسه : يلا مشيها لو ماشلتچ اشيل منو وهو انا احبل اجيب غيرچ؟
زُمرُد *وهي تضرب بالآخرى* : الماسه وداعة عيونچ هذن راح تحصلين فد عضة اندمچ على حچيچ مو عيب تحچين هييييچ!
الماسه : ياداده زين يلا خلي نمشي
زُمرُد : أحچي بصراوي مو بغدادي ترا اعضچ همين
الماسه : كله بالعض يتعاملون الحلوين لو شنو بس إلي عندي تتعامل هيچ؟
زُمرُد : انچبي امشي خلي نتريگ شوفي صارلنا بالربع ساعة واگفين🔪
الماسه : زين يا ام عيون حلوة نسمع كلامچ سمعاً وطاعةً
زُمرُد تخجَل وتحاوِل ماتبين خجلها أبداً
بعد خروجهُم لاحظت الماسه دفتر ما أمامها
كان نوعاً ما جميل شكلياً
فتحته لتلتقي أمامها أسمُ مَحبوبتها ..
الماسه " فدوة إلها ولإسمها خلي اقرأ شوي "
فتحت أول ورقة
-
فقط أنتِ ..
مَن أُريدُكِ ، مَن أحتاجُكِ
فقط أنتِ ، أنا مِلكُكِ وأنا كُلي بـِ أسمكِ ولكِ
أخسرُ ذاتي لإجلكِ وأربحُكِ
-
قاطعها دخول زُمرُد وهيَ تشوفها تقرأ بإشعارها إلي جامعه كل مشاعرها بيها
زُمرُد : الماستي ..
الماسه *تنتبه* : روحها ؟
زُمرُد : ممكن ماتكضين هالدفتر ، لأن بيه أشيائي الخاصة
الماسه *بغصة قليلة* : اوه بيناتنا اشياء خاصة؟
زُمرُد *بتوتر داخلي يبين على ملامحها وحركات يدها* : لا حبيبتي ما أقصد هيچ بس .. هالدفتر بيه كل مشاعري وما أحس بهالسرعة أحب اخلي أحد يقرأه
الماسه : .. بس أنا مو أي أحد زُمرُدتي ، أنا حبيبتچ !
زُمرُد *بمحاولة تغيير الموضوع والجو المتوتر* : يلا ريوگ تعالي خلي نتريگ مجهزه كل شيء أنا
الماسه : ليش تحاولين تغيرين الموضوع جاوبيني انا حبيبتچ لو لا ؟
زُمرُد : حبيبتي ، بس أريد اتعود أكثر عليچ وأكثر علمود أراويچ كل شغلة تخصني وراح تكون تخصچ صدگيني بس اتمنى تبقين وياي
الماسه : شنو هالكلام أكيد ابقى وياچ
زُمرُد : أحبچ الماستي وشنو اسمه يلا ريوگ تعالي
الماسه : أخليچ بحضني وأريگچ؟
زُمرُد *تتجول عيونها بكل مكان ماعدى انها تروح على عيون الماستها* : بكيفچ يعني ما أدري إلي يعجبچ
الماسه: جا يلا خل اكعدج بحضيني
خلت الماسه زُمرُدها بحُضنها وبدت تاكل وتوكل زُمرُدها
الماسه : زُمرُدي سؤال
زُمرُد : جواب حبيبي
الماسه : ليش كلتي اتمنى تبقين وياي؟
زُمرُد *بقليل من التوتر* : هو يعني .. ما أعرف بس راح اصارحچ
أنا دخلت بعلاقة قبل وچنت ساهية عن كل شيء وكل بالي يم إلي أنا وياها بعلاقة
ويعني هو ، چنه نفس الدوام نداوم سوه
هي شايفه هالدفتر إلي بيه أشعاري وشوي من الشغلات إلي احب اطلعهن من گلبي واكتبهن بهالدفتر
شاركت صديقاتها ووحدة منهم أجت گالتلي وإستهزئت بيه
بسبب هيچ صرت مو كلش أثق بالناس وتتذكرين شلون چان إسلوبي وياچ بأول تعارفنا وشلون چنت متردده التقيچ
الماسه : بس انا قريت شوي وحيل عجبني السرد والكتابه ، وبعدين اكيد عدها نقص بشخصيتها لذالك صارت تستهزء
شوفي زُمرُدي لتتعلقين ب اشخاص وتتعمقين وياهم قبل متعرفين شنو طينتهم لين مو كل البشر زينين ، اكو الزين واكو الشين
زُمرُد : أنا ما أقصد على السرد او الكتابة الماستي .. أنا أقصد أنه شيء يخصني مو بسهولة اشاركه وخصوصاً بعد الي صار وياي ، ويعني أنا وهي تقريباً سوه سنتين مو أقل وأگول ميخالف
وحالياً أنا ماتعلق بأحد بهالسرعة بس يعني .. چنت قبل اثق واتعلق بس تعلمت
قررت الماسه تتجاهل علاقة زُمرُد لكن حست بغصة بداخلها وحاولت تتجاهلها وتغير الموضوع
الماسه : عاشت ايدج على الريوك يجنن نفس السواه ءء شسمه زُمرُدي عادي ادخن جكارة؟
زُمرُد : شبيچ ليش تغيرت ملامحچ حبيبي؟
وترا تدرين ما أقبل وفوگها تسألين ..
شوفيلچ بديل غير الجگاره
الماسه : مممم جا جيبي شفايفج
زُمرُد *وهي تحاول تغير الموضوع* : أحم شسمه گومي خلي نغسل المواعين
الماسه : بوسة وحدة بداعة الغوالي
زُمرُد *بخجل* : أحم گومي گلتتتت ليش ماتسمعيننن
حاوطت الماسه خُصر زُمرُد وكالت : هاي عليمن تصيحين ولج؟
زُمرُد *بعناد وملامح بريئة* : عليچ ليش أكو مانع حبيبي؟
الماسه : لا بويه ماكو ، ولو اكو اشربه الج
زُمرُد : زين مابيه حيل اگوم گوميني علمود نغسل المواعين
الماسه : عليمن اكومج؟ خوب اشيلج
شالت الماسه زُمرُدها وكعدتها على الميز
الماسه : حبيبي خلي انا اغسلهم
زُمرُد : أحم تمام ، بس أنا شنو أسوي إذا راح تغسلينهم أنتِ؟
الماسه : تشوفين نداره حبيبتج
زُمرُد : أريد شغلة أسويهااا
الماسه : تعالي كدامي واصير وراج واغسلهم
زُمرُد *كعادتها من تخجل ماتحط عيونها بعيون إلي گدامها* : أحم تمام بس شنو اسمه .. لاتسوين شغلات عيب!
الماسه*بنبرة ما تطمن* : ممم تعالي تعالي
زُمرُد : هو أنا ماتطمنت من نبرة صوتچ بس تمام راح اثق ادري بيچ ماتسوين شيء
الماسه : اي اي تعالي
وگفت زُمرُد وبدت تغسل بالمواعين وصفنت الماسه على رقبة زُمرُد وقررت ان تبوسها
باست الماسه رقبة زُمرُد واستمرت تبوس بيها وحاوطت خُصرها وحصرتها عل مغسلة
زُمرُد : الماسه .. خلي أكمل غسل مواعين شوي وخري ماجاي احس براحة بحركتي
قررت الماسه عدم الرَد على زُمرُدها وأستمرت في تَقبيل زُمرُد
زُمرُد *بتردد تام إنه تطلع شخصيتها الثانية لالماسه* : الماستي بس شوي ...
الماسه : اممممم زُمرُدي
زُمرُد : روحها لزمردچ ..
الماسه*بصوت خدران* : مداتحمل شكلج .. احس مداكدر اوكف
زُمرُد : الماسه ابتعدي شوي مو وكته گلتلچ
الماسه : اذا هسه مو وكتها جا يمته وكتها؟ ليش تحرميني من هلنعيم
زُمرُد : الماستي .. انطيني مهلة شوي بس
الماسه *وهي تباع لشفايف زُمرُدها* : شمحلاه اسمي وبياء التملك ومنج ...
باست الماسه شفايف زُمرُد بشكل خفيف
زُمرُد : أحبچ .. يلا نكمل مواعين وعلمود نطلع شوي اريد اشتريلي شغلات ترا
أبتسمت الماسه وكالت : احبج ومنج؟ خب انا اهيمج واعشقج واتنفسج ، صار من عيوني
زُمرُد : حيل أحبچ الماستي ، اروح فدوة لعيونچ
الماسه : اهيمج يا حيلها ، اسم الله عليج
خلصت زُمرُد المواعين ..
زُمرُد : يلا الماستي راح ابدل واجيچ
تبدلين هسه؟
الماسه : اي ابدل بس انداري شوي خل البس
زُمرُد *بخجل مخفي* : يعني أكيد راح ادور لأن مايصير أشوف عيب
دارت زُمرُد وخلصت التبديل هيَ والماستها ..
زُمرُد : خلصت يلا نطلع؟
الماسه : يلا زُمرُدتي ، اني هم خلصت
زُمرُد : مامتعودة عليچ تحچين بغدادي وأدري أصلچ من بغداد بس المشكلة تعودت على البصراوي عليچ
الماسه : نحجي بعدين بهالموضوع هسه يلا نطلع زُمرُدتي
زُمرُد : يلا حبيبي امشينه