هلو عمري شلونكم ❤️
نبدي بسم الله الرحمن الرحيم
اللهم صل على محمد وال محمد
_____________________ابناء النُّهام
"قِناع الدُلسة"
بقلمي :- لـ ارواح💋💥
لطفاً :- تفاعلو بين الفقرات وصوتو حاولو تنشرون القصه حبيباتي 🫂 💞
تابعو حسابي هنا بالتك توك/usrr47963800
تنضمون الى سرب
(چكليتات🍬)
اكو حجي ينتظركم بأخر البارت ضروري
تقرونه
••••••••••}∆{••••••••••
دُرر
بس سمعنا صوتها من نطقت
_ما موافقه
عم الهدوء بالصاله رجع الشيخ يكرر بالسؤال
وهم رجعت گالت
_ما موافقه
استغربنه صارت اصوات عاليه بداخل المطبخ
احنه جنه بالممر انه وعبير مصدومات گامت البنيه بكل ثقه حته ما حطت عيونها بعيون ابوها وتريد تكمل طريقها عايفتهم عله صدمتهم بس جرها خطيبها او الرفضته من ايدها وطلعها غصب عنها ركضت عبير تطلع برا ولحگتها ميران صابني الفضول من وراهن
وتبعتهن طلعت لحديقتهم جانت كلها خضار
وبالنص نافوره اجه اهوَّ يجرجر بيه واحنه لبدنه ورا الشجر من تركها ضربته راشدي قوي
ورفعت اصبعها بتهديد
_يمامه :- وحق الحق ادمرك مره ثانيه المسني وشوف شسوي
عاط بيه متنفرز
_سُهيل :- انتِ صدگ ما تستحين وقليله تربيه
شلون ترفضيني گدام الكل
نترت بعصبيه وكل هذا واحنه گاعدات نتسمع
_يمامه :- الانسان يحصد ثمار اعماله لو نسيت
خل اذكرك بنفس هيج يوم رفضتني گدام الناس عله ابو انه مو شريفه رجعتها الك واعرف زين الشريفه التگعد وياها بالملاهي
لو الحافضت عله شرفها وانتَ تتحارش بيها
رفع ايده يريد يضربها بس هيه سبقته من ضربته راشدي ومشت عنه مو مهتمه بيه
عيوني تبعتها لحد ما دخلت البيت
رجعت انظاري عليه جان معصب وشرار الغضب يطاير من عيونه صار يغلط ويفشر
عله احد بس ما ذكر اسمه جرتني عبير
ورجعنه للبيت صايره هوسه اجتنه بتول وهيه تضحك
_بتول :- ولجن غير سالفه داجه هاي شسوت
بيهم معقولة مجبورة
_عبير :- وين اكو ناس تجبر اولادها بهذا الوكت، ميران روحي سألي يمين نرجع لو لا
أنت تقرأ
أبناء النُّهام "قِناع الدُلسة"
Mistério / Suspenseغريب وعجيب!! كلمتان تصف اصحاب العقول الراقية بين فنايا الثراء الفاحش اسرار مخيفة 🗣️ تأكد انك ستندم على معرفتها 💥
