ياسين مجنون ياسمين 🌚🦋

part 1 🌚♥

كتبت ده عوضا عن البارت الاخير من يزن و حبيبة لكن فعلا انا شغالة عليه دلوقتى و هو قيد الكتابة و آسفة لو اتاخرت عليكم فيه اول ما يخلص هنزله على طول ان شاء الله ♥

part 1

تعالوا الاول نتعرف على ابطالنا

ياسين: بطل قصتنا، ولد طموح عنده 25 سنة بيشتغل فى شركة مدير الحسابات، عايش مع اخته منة و والدته فاطمة فى بيت بسيط، والده متوفى و هو اللى ماسك مكانه فى البيت، مرح و بيحب عيلته جدا

منة: اخت ياسين الصغيرة، بنت جميلة و مرحة جدا ، عندها 17 سنة و فى تالتة ثانوى

فاطمة: والدة ياسين و منة، ست جميلة و مش بيبان عليها انها كبيرة، عندها 45 سنة

ياسمين: بطلة قصتنا، بنت غنية و عايشة مع والدها، عندها 23 سنة، بتحب الناس الشعبية اوى و نفسها تعاشرهم، متخرجة من كلية صيدلة و لكن مش بتشتغل، و والدتها متوفية

صلاح: والد ياسمين، ماسك شركة كبيرة و معروفة، عنده 48 سنة، بيخاف على ياسمين من الهوا و عشان كدة مرضيش انها تشتغل ولا حتى تنزل فى مكان غير لما يكون معاها حراسة خوفا من ان اى حد من منافسينه فى الشغل يعمل فيها حاجة

"نبدا قصتنا "

فاطمة: روحى يا بت يا منة صحى اخوكى خليه يقوم يفطر عشان يروح الشغل

منة: هو مفيش غيرى فى البيت ده 😠

فاطمة: قومى يا بت بدل ما اجيلك و ربنا

منة دخلت اوضة اخوها اللى لقته نايم فى سابع نومة كالعادة

منة: ياسين .. يا ياسين ..انت يا عم ..انت يا اللى اسمك ياسين ما تقوم بقى ..... خلاص مفيش غير حل واحد

مسكت كوباية الماية اللى كانت على الترابيزة و هوووب رشتها عليه

ياسين شهق: هاااااااااااا بغرق بغرق

منة فضلت تضحك و هى بتقول: احسن احسن 😂

ياسين: طب و ربنا ل انا موريكى يا منة 😠

ياسين قام و طلع يجرى وراها

منة طلعت تجرى و هى بتقول: عااااااا يا ماماااااععع

فاطمة خرجت على صوتها و قالت: فى ايه يا بنتى بتصوطى كدة ليه

منة استخبت وراها و هى بتقول: عاجبك كدة هتنفخ ياما بسببك قال ايه صحى اخوكى الله يسامحك ياما الله يسامحك 😫 (اتأدبى فى الكلام مع مامتك يا بنت 🙂)

فاطمة لسة هتتكلم لقت ياسين خارج بيجرى على منة و ماسك فى ايده حزام و هو بيقول: انا هوريكى على الحركة اللى عملتيها ده اما طحنتك

منة فضلت تجرى منه فى الشقة و هى بيتقول: خلاص بقى يا ياسو بقى مكانتش كوباية ماية يعنى 😂