part 3
؟؟: ياسمين انتى بتعملى ايه هنا و مين ده
ياسين نزل ياسمين بسرعة و ياسمين اتوترت و قالت: هه... داااا... داااا... انااا...
فتحية: هو ايه اللى ده و انا ما تردى عليا مين ده
ياسمين: وطى صوتك بس يا دادة و انا هقولك
فتحية: ادينى وطيت صوتى مين ده بقى
ياسمين خدت فتحية على جنب و قالت بصوت واطى: نعم يا دادة
فتحية: مين ده يا ياسمين و كان شايلك ليه و كمان مش انتى قولتى انك هتنامى بتعملى ايه هنا
ياسمين بتنهيدة: ده حبيبى يا دادة
فتحية: حبيبك ازاى يعنى و كمان بيعمل ايه هنا
ياسمين: عايز يفسحنى يا دادة عشان انا متدايقة لإن بابا منعنى اخرج و كدة فهو جه عشان يفسحنى
فتحية: مش انتى قولتى انك هتنامى
ياسمين: ايوة بس انا كنت... كنت... كنت بكدب يا دادة عشان اعرف اخرج معاه و هو جاب حبل و نزلت من البلكونة
فتحية: بس يا ياسمي....
ياسمين بمقاطعة: دادة انا بحبه و مأمناله متقلقيش عليا و صدقينى لما ارجع هحكيلك على كل حاجة بس انتى حاولى بقدر الامكان متخليش اى حد يطلع اوضتى عشان متكشفش عشان خاطرى يا دادة
فتحية بتنهيدة: طب هترجعى امتى
ياسمين: متقلقيش مش هنتأخر آخرنا مثلا 3 ساعات بالكتير اوى و هكون هنا ان شاء الله
فتحية: طيب يا حبيبتى متتأخريش
ياسمين: حاضر
فتحية مشيت و ياسمين رجعت تانى لياسين
ياسمين: كويس انى قدرت اقنعها اننا نخرج و دلوقتى بقى هنعمل ايه
ياسين: هشبكك و تنطى السور
ياسمين: هو انت ليه محسسنى ان انا حرامية
ياسين بضحك: هههههه معلش ما هو مفيش طريقة غير كدة
ياسين شبك ايده فى بعض و ياسمين طلعت عليها و ياسين رفعها شوية و هى مسكت فى السور و بعد كدة رفعت نفسها و نطت و بعد كدة ياسين نط بعدها
ياسين: افففف الحمدلله كدة خرجنا
ياسمين: طب هنروح فين
ياسين: تعالى هخليكى تجربى حاجة عمرك ما اكيد جربتيها قبل كدة
مسك ايديها و فضل يجرى شوية لحد ما وصل لموتوسيكل اسلام
ياسين ركب و قال: يلا اركبى
ياسمين: اركب ايه موتوسيكل
ياسين: اركبى و مش هتندمى صدقينى
أنت تقرأ
ياسين مجنون ياسمين 🌚🦋
Romansaيحبها كثيرا و لكنه من عائلة متوسطة و هى من عائلة غنية جدا فهل سيجمعهم القدر ام ان له رأى آخر؟ قصة قصيرة بالعامية المصرية اتمنى تعجبكم ♥
