الشاب : انسة ليل
ليل : انسة انت تعرفني
الشاب : اه طبعآ.. انا بصراحة معجب بيكي
ليل بدهشة:افندم..أنت مجنون..أنا متجوزة
وهمت لتنصرف ولكن أوقفتها يده التي امسكت معصمها
الشاب :بس هتطلقي لانه مش بيحبك ..اسمعي بس أ......
لم يكمل حيث أنه تلقي لكمة أدت إلي وقوعه علي الارض وصاحب اللكمة لم يكن سوي حسام الذي خرج وراء ليل وسمع كل ما دار بينهم ..سحبه من ياقة قميصه وأوقفه
حسام بغضب :هتطلق من مين يا بن*****
ثم أعطاه لكمة أخري أدت إلي نزول الدماء من أنفه وظل يضربه حتي خلصوه الناس من يده وليل تقف وراءه ترتعش من الخوف ومنظر الدماء..سحبها حسام من يدها بقوة وهو يضغط علي أسنانه أخذها إلي كافيتريا المستشفي وأجلسها أمامه حسام بغضب:عاجبك كدا
ليل بعند:أنا معملتش حاجة
حسام :يعني ايه معملتيش حاجة أمال مين اللي كان واقف بيتكلم معاه
ليل :هو اللي وقفني وقالي إنه معجب بيا
حسام بغضب :هو انتي أي حد يوقفك تقفي كدا عادي
ليل بضيق :وطي صوتك الناس بتتفرج علينا
حسام بغضب أكبر:ما يتفرجوا ولا يولعواا
لمعت العبارات في عينيها وتقوس فمها للاسفل ثم بكت فكانت تشبه
الاطفال
رق حسام لدموعها
حسام بحنان وهدوء:انتي بتعيطي ليه دلوقتي؟!
ليل ببكاء : علشان زعقتلي
حسام بهدوء : طيب مش المفروض انك متقفيش تتكلمي مع حد كدا
اومات برأسها موافقة
حسام : يبقى مين الي غلطان
ليل : انت
حسام بنفاذ الصبر : لا اله الا الله غلطان لية يا بنتي
ليل بعند : علشان زعقتلي
حسام بيأس : الصبر يارب ...طيب متعيطيش
ازداد بكاؤها
حسام بمرح :طب عيطي كدا
ابتسمت
حسام : معلش أنا كنت متعصب
قوست فمها للاسفل مرة أخري علامة علي الحزن
حسام :طب متزعليش وأنا هجيبلك شوكولاتة
كفكفت دموعها وهي تبتسم
ليل بابتسامة طفولية:بجد؟؟!
حسام : ااه بجد
سقفت بيدها
ليل بفرحة اطفال:هيييييه...يلا قوم
حسام بسخرية : انتي مش كنتي بتعيطي من شوية
أحضر لها الكثير من الشوكولاتة والعصائر والبسكوت
ليل : حسام
حسام : نعم
ليل: عاوزة غزل بنات
حسام :غزل بنات!!
ليل : ااه
حسام : طب تعالي نشوف هنا
بعد أن أحضر غزل البنات لها ولاخوته
ليل : حسام
حسام بضيق : يا نععم
ليل : عاوزة قصب
حسام : ما أحنا جبنا عصير
ليل : لا أنا عاوزة القصب قبل ما يتعصر
حسام بضبق : انتي راحة رحلة ...مش هيدخلوكي المستشفي بالحاجات دي
ليل بتذمر طفولي : مليش دعوة انا عايزة قصب
حسام : طيب هجيبلك واحنا نازلين
ليل بابتسامة : ماشي
أنت تقرأ
غرور عاشق وكبرياء متيمة
Lãng mạnوما الحب الا صخرة يتحطم عليها الغرور والكبرياء بفعل المشاعر
