غرور عاشق وكبرياء متيمة

البارت الرابع

استيقظت ليل من نومها اخذت حماما سريعا وصلت الضحي ثم ارتدت ملابسها ونزلت الجامعة
في الجامعة كانت تجلس سمر مع روان أحدي صديقاتها
روان : هي ليل اخبارها أية
سمر بحزن : زي ما هي والله من ساعة وفاة مامتها وباباها وهي وحدة تانية
روان بحزن : فين ليل الي بتهزر وتضحك والضحكة مش بتروح من علي وشها ربنا يصبرها يارب
سمر بدعاء : امين يا رب اهي جت
ألقت ليل عليهم السلام وجلست معهم استأذنت روان لتذهب الي محاضرتها
سمر بحزن : انتي لسة زعلانة مني
ليل : أنا مش زعلانة منك يا سمر أنا خايفة عليكي انتي متعرفيش أية الي ممكن يحصلك من ورا الولد دا الجامعة كلها عارفة أنه مش كويس وبيتسلي مينفعش الي انتي بتعمليه دا
سمر بحزن : بس أنا بحبه وهو بيحبني يا ليل
ليل باعتراض : لا مش بيحبك ولو كان بيحبك كان حافظ عليكي واجي اتقدملك يا حبيبتي حافظي علي مشاعرك للي يستاهلها مش الي بيلعب بيها طب قوليلي كدا هو هيجي يتقدملك ازاي وهو عارف انتي ممكن تكوني كلمتي غيره زي ما كلمتيه  هو هيأمنلك علي بيته ازاي وانتي مش أمينة علي نفسك انتي خونتي ربنا وخونتي نفسك وخونتي اهلك فكرتي اهلك لو عرفوا ممكن يحصلهم أية
سمر : هما ميعرفوش ....
قاطعتها ليل: طب وربنا ....اهلك ميعرفوش بس ربنا يعرف تخيلي انك وانتي بتكلميه وبتداري من اهلك كدا أن ربنا شايفك.. شايفك وانتي بتعصيه  انتي بتبصي يمين وشمال وتشوفي اهلك واقفين ولا لا وبتنسي تبصي فوق سمر قربي من ربنا وانتي هتلاقي كل حاجة كويسة فكري في الكلام الي قولتهولك قومي يلا علشان نصلي الظهر
★★★★★★★★★★★★★★★
في شركة حسام
زياد : أية يا حسام كل دا جوعتنا
حسام : معلش الطريق كان زحمة
شادي : طب يلا علشان حصل حاجة عاوز احكيلك عليها
حسام باستغراب : خير حصل أية ؟
مراد بمرح : كريم شانتيه ههههههه
حسام بغيظ : خف يلا
مراد بمرح : خلاص يا عم ما متزوقش
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
في القسم
ادم بعصبيه  : يعني أية مش لاقينه هو انا مشغل معايا شوية عيال
الضابط : يا آدم باشا احنا دورنا عليه في بيته ومش لاقينه
ادم بعصبيه : دور عليه في أي مكان تاني عند أخته عند أصحابه اي داهية
الضابط برسميه : امرك يا فندم
ادم : اتفضل
ادي التحيه وانصرف
دخل الرائد عمر بعده : ايه يا ابني صوتك جايب اخر القسم في أية
ادم بغضب : يا عمر الواحد عنده ضغط شغل وهما بيهزروا ماهو اكيد مش في بيته اكيد هرب
عمر : طب اهدي بس قدامك قد أية وتخلص
ادم : يعني نصاية كدا
عمر : طيب الواد محمد عاوز يشوفنا خلص وتعالي نروحله
ادم : ماشي
خرجوا من القسم وتوجهوا الي الجامعة لاصطحاب صديقهم حيث أنه  يعمل دكتور في كليه تجارة
وفي نفس الوقت خرجت سمر وليل من باب الكلية وكانت ليل تتحدث مع سمر ثم اصتدمت بشاب
ليل وهي تجلب هاتفها من الأرض : اسفة معلش مخدتش بالي
ادم : ولا يهمك يا انسه
انصرفت ليل مع سمر
سمر بمرح : لا بس الواد مز  ..مز بجد
ليل بحدة :اتلمي يا سمر همشي بقي علشان اتاخرت
سمر : هتروحي علطول
ليل : لا هروح لعمو
سمر : ماشي يا حبيبتي سلمي علي ميرنا كبير
ليل : الله يسلمك

نهاية البارت الرابع
طولت البارت اهو معكوش حجة
اعملو فوت وكومنت ومتابعة

I love you my fans ❤️♥️
باي 😘
غرور عاشق وكبرياء متيمة ❤️❤️
بقلم شهد النجار 😘💋