بيت جِدي

*** ** ***

حواديت عائلة الهلالي، خمسة حكايات عن الحب، الحزن، السعادة، الكسرة، خمس حكاوي لخمسة أبناء، من كبيرهم لأصغرهم، قصةٍ لفراق، قصة نبت فيها زرع العشق، قصة تشتت، قصة لا يتخطي فيها بطلها ماضيه ولا يعيش مستقبله، قصة شفاء، تعافي، قصصًا عن التخلي، عن التمسك، عن الهيام، عن القلوب المكسورة، عن الجروح التي سكنت باطن الجسد.

في قالبٍ لحدوتة سادسة، عاشت فيها تلك العائلة وهي تحاول أن تظل متشبثة ببعضها، عاش فيها أبطالها خلف الابواب المغلقة، يضحكون بأعلي صوتهم، يبكون بهمسٍ لا تسمعه حتي أذانهم، مثل كل القصص بداخل كل شخصٌ عابر تلتقي به، مثل قصص الشوارع والطرق، كانت هناك الكثير من القصص التي دارت مع أبناء تلك العائلة المشتتة.

*** ** ***

شوفتك عرفت انك حبيب كل سنيني الجاية
شوفتك مقدرتش محلمش ببكرة معاك
فجاءة كل حاجه بقت مرتبطة بيك
فجاءة مبقاش في معني لأي شيء من غيرك
انا مش قادر اعيش وانت مش هنا
بس انت مكمل عادي
ولا كأني كنت هناك، معاك وفي حضنك
كأني كنت بالنسبالك مجرد فترة
وعدت

انا مش قادر اتخطاك، مش عاوز اصلا! انا لو عليا عاوز اجيلك واخدك من ايدك لحضني بالعافية، احبسك بين ضلوعي واتنفس هواك، اكسر صوابعك اللي رحت وحطيت فيها الخاتم دا، اكسرك مية حتة لأنك قررت من نفسك انك تنساني، وارجع ارمم جروحك وانت جوا قلبي، بس هما بيقولولي بلاش، وليه بلاش؟ انت كنت بتحبني، لا عيونك ولا كلامك كدبوا عليا، انا لو عليا عاوز اجيبك من شعرك غصب عنك بس خايف.. خايف اجيلك تقولي انت مين

*** ** ***

"انا هوريك أنه الحب مش بيكسر
انا صحيح مقدرتش أحب قبل كده
معرفتش بصراحة
كان بالنسبالي الحب دا شيء ملهوش لازمة
ما انا برضو يا حبيبي مش مثالي
مليان عيوب قد كده
مليان نجاسة وهموم مش علي مقاسي
بس انا عاوز احبك
تسمحلي احبك؟"

*** ** ****

"مش عاوزك تحس إني مثير للشفقة بس
انا عمري ما كنت مبسوط بجد
غير معاك انت
وانا عارف اني ضيعتك من ايدي
واني كسرتك
انا فعلا اسف"

"شوفتك في فرحك علي فكرة
كان شكلك حلو ساعتها
كانت أول مرة اشوفك ببدلة
اتحيلت عليك كتير أنك تلبسها
بس اول ما لبستها قررت تكسرني!
كنت مبسوط، بتضحك وترقص
كنت عامل نفسك مبسوط
ما انا للأسف فاهمك
عمري ما نسيتك ساعتها
متقوليش اسف
متعتذرش
انت عملت ذنبك وانت واعي
فأتحمل نتيجة اخطائك
واوعي تتوقع مني اني ممكن اسامحك
انا عمري ما هسامحك"

*** ** ***

"انا بخاف أحب بجد، دخلت علاقات كتير بدافع تضيع الوقت، منكرش اني حاولت اهرب في البداية أما لمست منك حب حقيقي، منكرش اني بخاف من الحب وانا بدور عنه، منكرش اني مليان عُقد، منكرش اني محتاجك ومحتاج احس بحبك كل لحظة، منكرش اني عندي نقص في مخزون الحب جوايا، منكرش اني بحبك انت وعاوزك انت ومش عاوز غيرك انت حتي وانا خايف منك انت"

*** ** ***

بوس كل جرح في جسمي
امسح كل قطرة دمع في عيوني
خيط جروحي ومتعملش غيرها
متقربش مني وانت مش متأكد
لأنك لو قررت تجرحني، هتقتلني
مش هقدر اتحمل كسرة تانية
انا عاوزك
حابب وجودك
لما ببصلك برتاح
بس انا صعب
انا صعب بطريقة بشعة
هتلاقيني ببعدك
بهرب منك
ساعتها خدني في حضنك
وقرب
متبعدش
حاول معايا
احضني جامد
نسيني معاك كل حاجه وحشة
اضحك في وشي
واهمسلي بكلمة بحبك
واوعدك
إني هحاول احبك!

*** ** ***

رواية مثلية، عامية مصرية، وطبعا +١٨

اخيرا بنزلها، خدت معايا وقت كبير عشان بس اعرف اكتب الكلمتين اللي فوق دول، وهتاخد معانا وقت اكبر في تنزليها وعدد فصولها، الرواية كبيرة بس رايقة، احنا هنعيش تفاصيل حياتهم بهدواة، وكأننا بنتفرج علي مسلسل طويل مليان شخصيات بس

This is not a family show

طبعا خمس ابطال من ضمنهم كذا واحد انتم عارفينه

ايوب حبيب الجماهير

هارون الرجل المنتظر

في تلاتة غيرهم، هنتعرف عليهم مع الاحداث
وطبعا مع كتير من الشخصيات، اسمعوا مني
كتيييير

مفيش هنا بطل رئيسي، كلهم ابطال

لما الرواية تنزل بقي، ابقوا حللوا وقولوا ليا في اعتقادكم مين فيهم صاحب الكلام اللي فوق دا كله، كل الجُمل دي قالها واحد منهم، هستني منكم انكم تفهمو الشخصيات وتعرفوهم.