Unicode
နှောင်ကြိုးအသစ်ရဲ့ ပထမ အစ .......
ခန်းဝါ အိပ်ယာကနိုးတာနဲ့ မျက်လုံးမဖွင့်သေးပဲ ဘေးသို့ စမ်းလိုက်သည်။ ဘေးမှာမင်းနွေမရှိပါ၊ ချက်ခြင်းထထိုင်လိုက်ပြီး အော်ခေါ်လိုက်သည်။
" မင်းနွေရေ "
တစ်ခန်းလုံးက တိတ်ဆိတ်မှုသာ ကြီးစိုးနေ၏။ ခန်းဝါ လန့်သွားကာ အခန်းပြင် ပြေးထွက်လိုက် တော့ ခေါင်းထဲရိပ်ခနဲဖြစ်သွားသဖြင့် တံခါးဘောင်ကို ကိုင်ထားလိုက်ရ၏။
" မင်းနွေ "
အပေါ်ထပ် ဧည့်ခန်းမှာလဲ မရှိသဖြင့် လှေကားနဲ့အောက်သို့အပြေးဆင်းခဲ့ကာ ပါးစပ်ကလဲ အော်ခေါ်နေသည်။
" မင်းနွေရေ "
ဒုန်း ... ဒုန်း ...
" မင်းနွေ ရေ "
အပေါ်ထပ် လှေကားကနေ တဒုန်းဒုန်းအသံတွေနဲ့အတူ ခန်းဝါ အသံ စူးစူးကို ကြားလိုက်ရသဖြင့် မင်းနွေ မီးဖိုချောင်မှပြေးထွက်လာရသည်။ ထိုအခါ ခန်းဝါက မင်းနွေကို မြင်သွားပြီး အပြေးတစ်ပိုင်းရောက်လာကာ ရင်ခွင်ထဲ တိုးဝင်လျက် ခါးကို တင်းနေအောင်ဖက်တော့သည်။
" မင်းနွေ "
" ဖြည်းဖြည်းဆင်းမှပေါ့ ခန်းဝါ ... ချော်လဲရင်ဘယ်လိုလုပ်မလဲ "
မင်းနွေက အလိုက်သင့်လေး ပခုံးကို ပြန်ဖက်
လိုက်ပြီး စိုးရိမ်စွာပြောလိုက်၏။
" ငါက မင်းထွက်သွားပြီထင်နေတာ "
" မင်းအတွက် ဆန်ပြုတ်လုပ်နေတာပါ "
" နိုးလာတော့ မင်းက မရှိလို့ လန့်သွားတာပေါ့ "
" ငါဘယ်မှမသွားပါဘူး ဆန်ပြုတ်သောက်ရအောင် မျက်နှာသွားသစ်လိုက်အုံး ငါရေနွေး
လုပ်ပေးထားတယ် "
ပြွတ်စ် ....
" မောနီး kiss "
ခန်းဝါက ဖက်ထားရာမှလွတ်လိုက်ပြီး ပါးကို နမ်းကာ နောက်ထဲဝင်သွားတော့သည်။ မင်းနွေက တော့ နွေးထွေးသွားသော ပါးလေးကို ကိုင် ကာ ပြုံးလိုက်မိ၏။ ပြီးတာနဲ့ မီးဖိုချောင်ထဲဝင် ကာ ဆန်ပြုတ်လေးကို ပန်းကန်ထဲ ထည့်ပြီး
ခန်းဝါကိုစောင့်နေလိုက်၏။
YOU ARE READING
နှောင်ကြိုးမဲ့ ~ ဖူးစာ
Romanceဒီနေ့က ကျွန်တော်တို့နှစ်ယောက်ရဲ့ ၅နှစ်ပြည့် မဂ်လာနှစ်ပတ်လည်ပေါ့ ။ ကျောင်းနောက်ဆုံးနှစ်မှာ လက်ထပ်ခဲ့ကြတယ် ခုဆို ၅နှစ်တောင်ကြာခဲ့ပြီ။ Short story Start - 31.7.2024 End -
