لعبة الموت "قلب من الظلام"

مقتطفات

بسم الله الرحمن الرحيم

#لعبة الموت

بقلم رماد

لن امر في حياتك مرور
الكرام فلي اثر العاصفة🐺

♡♡♡♡♡♡♡♡♡♡♡

عنوان اللعبة: "قلب من الظلام"

[المشهد الاول].

صوت الضحگ وسوالف الناس جانت قريه بسيطه والكل قلب ؏ قلب الا ذاگ البيت المهجور او يمكن المسكون محدا من اهل  القريه يتجراء يقرب لذاگ  المكان بس يمكن شخص واحد يقدر  يدخل لذاگ المكان.

_زين بس اسمعني يكولون اكو مريه هنا  تاكل جهال

قهقه بصوت عالي استهزاء بحجي صديقه 

_ صدگ انت قشمر  لك هذا حجي يخوفونا بيه بس اني ما اخاف 

_ فدوه خلينا نروح اني خايف 

_انت جبان تريد تروح الله وياگ بس اني اذا ما انام هناگ اليوم ما اتسمى باسمي 

**************

_ ولك جيب ذاگ النغل الشمس غربت 

_ يمه ما يقبل هسا يضوج ويبقى يصيح 

_ويطبه مرض جيبه غصبن عنه

_اني ماروح روحي انتي تعرفين ابنج مايسمع احد 

غميته 

_مالت عليگ ولد عمره 13 سنه يخليگ ترجف هيج 

_اهووو يمه الميت ميتي واعرفه لو رحت انه يبقى يصيح ويفضحنا 

_روح عود مخلفه رجال 

لبست عباتي وطلعت الحوش اصيح ذاگ الحيوان
شفته يلعب ويا ذاگ المسربت صاحبه( تگ وتگ) هيج نسميهم 

:- تعاااالو اكلو يلا 

التفتلي عيونه السود يلمعن وشعره الملفوف نازل ؏ وجه هذا الوحيد بجهالي ذكي وفطن عاف الطوبه بالارض واجا يمشي ؏ كيف 

_ ديلا استعجل ماشي ؏ كيفگ عبالگ شي صاحب المحل لو مسؤول

_شمعرفج ما اصير احسن منهم يمه 

_اي اي سولفها لدبه هاي وين تصير احسن منهم وانت دايما تلعب طوبه برا  لو نايم 

رفع عيونه بغرور
:- بيني وبينج الزمن يمه

********

[المشهد الثاني  ]..

واكف كدام المرايه يتمايز شكله التفت ايدين تلگ الحسناء الجميله التي يقسم جميع من رائها
انها أجمل فتاه تراه العين.
حول جسم ذاگ المغرور البارد  هيه تحبه رغم كل الگلام الذي يقال بحقه  فا الحب اعمى گما يقال

_اممم احنا نسوان ما نصفن قدگ بالمرايه 

ابتسم وبرزت انيابه طك ركبته بخفه يد