لاتـنسون التصويت+مُتابـعة الحساب ✨
بسم الله
'''''''''''''''
ـ واكفـه بنـُص الحديقة وأفتر والمطر يزيد اكثر واكثر اسمع صوت بيبي وهي ترزل وتصيح من الشباك
ـ دخلت لجوه اركض وشعري يقطر مَـي وملابسي تبللو
بديعة: اخخ منج ولا تسمعين الكلام، فوتي غيري ملابسج لاتتمرضين
ـ بيبي شبيج احب المُطررر
بديعة: دروحي بدلي وتعاي شربي جاي دافي
ـ سبحت وبدلت ملابسي واخذت المشط ورحت اركض لـبوبو تمشطلي شعري
بديعة:شعرج بعد لا تكصي حرامات
ـ احبه قصير احلى، هسه صاير لأكتفي عبالي اقصره اسوي لحد ركبتي
بديعة: لاتكصي عوفيي يطول يلوكلج
ـ احس القصير يلوكلي اكثر
بديعة: بالحالتين انتِ تخبلين، كملت شعرج بس خلي ينشف
فدوة لايدج اروح، امي وابويه انتِ
بديعة: الله يرحمهم بهذا اليوم المُبارك
ـ الله يرحمهم يارب
بديعة: باجر عندج شغل؟
ـ لا باجر عطلتي
بديعة: يُمه ليش ماتبطلين مو احسن
ـ بيبي ! كم مره حجينه بهذا الموضوع؟ كتلج ماابطل خليني اعتمد ع نفسي، وبعدين منين نصرف ها؟
بديعة: ارجع للخياطة اني وانتِ اكعدي
ـ الخياطة مَتجيب مصرف كافي ! انتِ تحتاجين دواء الج، مَصرف للبيت وللاكل شلون نعيش ولو اموتت مااخذ من احد فلس
بديعة: شلون مااهتم يمه خايفه عليج اني، شغلتين تشتغلين بالمحل، وهذا الرسم كاسره ظهرج عليه ولبستي نظارت بسببه
ـ لاتخافين عيوني انتِ مااتعب بالمحل بس كاعده و الرسم هوايتي مُستحيل اعوفها !!
بديعة: ارجعي لدوامج وللمَدرسة
ـ يادراسة؟ عمري 19 صار 4 سنين من تركتها
وماريد اداوم عوفيني هيج
بديعة: اكدر لعنادج ولسانج اني ماكدر
ـ كومي دنام مشتاقه انام بحضنج
بديعة: غيري السالفه غيريها ماعجبتج
ـ ههههههههه لا بس نعست والله
...
كعدت الصبح ع صوت وَرد يلعلع بالبيت كمت غسلت وطلعت لكيتها كاعده يم بيبي تسولف
ـ شعندج جايه من الصبح تلعلعين
ورد: ياصبح هذا عيني ساعة 12ونـُص
