💞💍رواية💞#حب_و_عناد💍💞
💕الحلقة الحادية عشر والاخيرة💕
Hăbošh للكاتبة🌹
🔥❣️❣️❣️❣️❣️❣️❣️❣️❣️❣️🔥
وصلوا احمد ورهف للفندق حجز سويت
دار وصالة وحمام
خشت رهف بسعادة بعد ما رجعتلها فرحتها و ضحكتها هي صح اللي مرت بيه مش ساهل وصعب تنساه وتتشافى منه بسهولة لاكن حريتها من سعيد و خلاصها من كابوس عبدو خلاها ترجع للحياة
احمد/ حط الشنطة... شنو توا ان شاءالله كويسة
رهف/ بهدوء... اييه الحمدلله
احمد/ باهي الحمدلله شنو تحبي نطلبوا ع العشاء
رهف/ ابتسمت... اي حاجة راهو نحس ليا سنة ماكليت
احمد/ ضحك... شهية مفتوحة مالا
رهف/ بغصة... ربي يحفظك ويخليك ليا مش عارفه من غيرك شن كان صارلي
... ونزلت دموعها
احمد/ قرب منها... توا علاش الدموع
خلاص انسي اللي فات انتي توا حرة و اهم حاجة صحتك رجعتلك
رهف/برضى... الحمدلله... ومسحت دموعها
احمد/ حط ايديه ع كتوفها... خشي اغسلي وجهك و خليني نطلب حاجة ناكلوها والله جعان ليا ايام ماتهنيت في لقمة
رهف/ ابتسمت... هيا باهي... ومشيت للحمام واحمد اتصل بخدمة الغرف وطلب وجبة عشاء و اتصل بخوه محمود وهدرزله
وخبره ان غدوة طيارتهم
و بعد لحظات دق باب السويت و دخل موظف الغرف ايجر في عربة نزل العشاء ع طاولة اللي في صالة الجناح تعشوا احمد ورهف و هدرزوا بضحك و غيرلها جوها
احمد/ خذا تلفونه ... اووف نسيت نتصل على بسمة ونطمنها توا شن ايخلصني من اللسانها .. و دار اتصال
رهف/ تضحك... اعطيهالي انكلمها الاول
احمد/ اايه خوذي استلميها انتي ...ومدلها تلفونه و فتحت رهف ع اسبيكر
بسمة/ بغضب... باااهي اللي تذكرتني
رهف/ ماسكة ضحكتها ويدها ع فمها واحمد يسمع معها ويضحك
بسمة/ الووووو اااحمد خيرررك ماترد
رهف/ غيرت في صوتها... احمد مش فاضي بيش ايرد عليك
بسمة/ بنزعاج... اانتي من و ااااحمد ووينه
رهف/انفجرت بالضحك ... اااهو قاااعد يامهبلة ههههههه
بسمة/ ضحكت بتفاجى... رررهف؟
حيوااانة والله الا اانتي..
. وقعدت تبكي ورهف تبكي معها وقريب خمس دقائق ع الخط امغير اعياط
احمد/ بصوت عالي... خلاااص انتي وياها ساد ابكاء الزح اتكملوا رصيد... وشد تلفون من رهف... هيا عاد اسكتي...و رد ع بسمة
