💞💍رواية💞#حب_و_عناد💞💍
💕الحلقة السابعة💕
Hăbošh للكاتبة🌹
🔥❣️❣️❣️❣️❣️❣️❣️❣️❣️❣️🔥
في المانيا
سيرين كان عندها دورة لغات وكل يوم الساعة ستة العصر تمشي وطلعت من الحوش وركبت الاصنصير وضغطت على الدور الخامس و مشيت لشقة قيس دقت الباب
كان ع الاب توب صبى فتح الباب
قيس/ باستغراب... سيرين
و خشت بسرعة وصكرت الباب وراها
سيرين/ شبحتله بخبث... خيرك متفاجئ ايي سيرين
قيس/ شن جابك مش عندك أكاديمية
سيرين/ مشيت قعمزت ع الكنبة فى الصالة...ايي عندي بس ماليش جو نمشي ف قلت انجي نهدرز عليك... ورفعت رجليها ع الكنبة
قيس/ مزال واقف جنب الباب... هيا روحي للحوش عندي شغل بنتمه
سيرين/ بدلع... شنو نعتبرها هذه
قيس/ جاء لعندها وبغضب ... اسمعي جو اللي اديري فيه ما يمشيش معاي وعارف على شن ترسمي
سيرين/ صبت قربت لعنده... مالا وفرت عليا هلبا وعلى فكرة ماتخافش مافيش حد ح يعرف بعلاقتنا...
وحطت ايديها حولين رقبته...
قيس/ مسك ايديها بعدهم... اااطلعي يااااسيرين مزلتي صغيرة ع الوسخ هذا....
سيرين/ بغضب... خيررك اااانت ماااديرليش فيهااا شيخ اااانا مش صغيرررة وعارفة شن اندير
قيس/ مشى فتح الباب... هيااا اااطلعي برا ... وقعد واقف ماسك الباب
سيرين/ جت لعنده و بانزعاج... ااااوكي ح نطلع... وقربت منه... مش ح نيأس و ح ايجي يوم اتكون ليا اااني... ابتسمتله بخبث وطلعت
و قيس بغضب خبط الباب وراها
بعد ما نزلت من العمارة تعرضلها ايهم كان يستنى جنب سيارتها عارف بموعد طلعاتها
سيرين/ بتافف... اااووووف شن اتررريد مني لاااحقني خلاااص ياااخي ااااني معش نبي ااانكمل معك
ايهم/ بغضب... كيف كيف ووووشن السبب ااان شاءالله
سيرين/ هديت... اني عطلت ع الكورس فوتني خليني نمشي
ايهم/ انخليك توا تمشي بس بعد ساعة ح تلقيني في الشقة
سيرين/ بملل... باااهي توااا انشوف هيا سلام... و بعداته من كتفه وركبت سيارتها
اما قيس مادورش ولا عدل ع كلامها قعمز كمل شغله ع الاب توب و كان فاتح نت في تلفونه جاه شعار واتس خذا شافه من رقم غريب فتح الرسالة مكتوب فيها 👇👇
( كنت نتمنى اني نوصلك بيش نسألك ليش درت هك و بعد ماوصلتلك معش ينفع توا السؤال لان اليوم بس عرفت انك فعلا قتلتني حسبي الله ونعم الوكيل فيك)
