💞💍رواية💞#حب_و_عناد💞💍
💕الحلقة التاسعة💕
Hăbošh للكاتبة🌹
🔥❣️❣️❣️❣️❣️❣️❣️❣️❣️❣️🔥
خش طارق بعد مازاد عطر و ساوى حوايجه
سلم على الحاج مصطفى وعمها سالم و خش داخل استقبلاته امه و مشي سلم على عروسته وباركلها قعمز جنبها و جابتله امه الطاقم لبسهولها و قعد قريب ربع ساعة وطلع للمربوعة لين مشيوا المعازيم و اهله وهو قعد عاد مرته ويبي ايهدرز عليها ابروحهم 😍❤❤
عمها سالم استاذن ومشى لحوشهم وقعد الحاج مصطفى وطارق صبي الحاج خش على ميساء و حناها و بنات عمها و مرته حتى هنا قعدات بيش ايلفوا الحوسة
ح مصطفى/ الف مبروك يا بنتي ان شاءالله بهناك
ميساء/ مسكت يده باستها... الله ايبارك فيك يا بوي و يخليك لنا ويطول بعمره
ح مصطفى/ هيا سلم بنتي خشي لراجلك قاعد في المربوعة يبي ايسلم عليك... 😁 متحشم عاد
ميساء/ انحرجت ونزلت راسها... حاضر يابوي
ح مصطفى/ ايحضرلك الخير ان شاءالله... ومشى خش لداره
و ميساء شعورها ملخبط بين الفرحة والرهبة شجعنها البنات و صلنها لعند باب وهن يضحكن و يتمسخرن عليها
ميساء / خشت وبصوت هادي... السلام عليكم... والوجه احمر
طارق/ صبى جاء لعندها... وعليكم السلام ورحمة الله وبركاته... ومسك يدها باسها
ميساء / القلب يضرب... شششن ااتحب تشرب ااانوصيلك... قاطعها شدها لعنده
طارق/ حط ايده في شعرها... مانحب شي وانتي معاي... وقرب وجه باس جيبنها
وهي سخنت وثلجت🔥❄ ❤❤
طارق/ مسكها من يدها... تعالي حبيبتي...
ومشى بيها لنهاية المربوعة عاد بياخذ غايته ومايسمعهم حد 😁😁
قعمزها ع الصالون وهو قعمز ع ركابه ع الأرض امقابلها
طارق/ ماسك ايديه ايبوس فيهم
...محلاااك حبيبي... و طلع علبة من جيبه خذا سلسال بحرفه ولبسهولها
و هي ياناري ساخت من قربه و عطره وزادها لما باسها ع شفافها 😍
طارق/ بصوت هادي... ماتحشميش مني انا توا زوجك و حلالك...وقعمز جنبها لاصق فيها... سمعيني صوتك ليش ساكتة
ميساء/ حرارتها اربعين...شششن ااانقول...ورفعت عينها فيه وابتسمت
طارق/ عض ع شفافه...اااخ اني بنموت من رقتك و نعومتك
ميساء/ بخجل... بعيد الشر عليك
طارق/ مسكها جابها في حجره... وأخيراً حبيبي جبتك في حضني من امتي واني نحلم بيها هالحظة... وقعد ايبوس فيها ع شفافها ونزل ع رقبتها وهي البنت ماتت من الرهبة😍😁 وقعدوا ساعة غزل وحب واحضان ❤
