رواية💍💕#حب_وعناد💍💕
🎋الحلقة الاولى🎋
Hăbošh. للكاتبة🌹
🔥❣️❣️❣️❣️❣️❣️❣️❣️❣️❣️🔥
الضهر نساوين وبنات العيلة ايحوسن في المطبخ والسور اللي اطيب في الغداء واللي دوبهن ايعولن للعشاء للمعازيم
والشبابات في منهن ايغلفن في الحلو و الفاكهة وفي منهن ايعولن ع السلاطات
الكل لاهي و الحوش زاحم بالاقارب والمنضومة والعة 💃 🎼 درت عليه اكبيدة 🎼 يادرت عليه اكبيدة🎼 درت عليه اكبيدة طلعت كل الناس اتريده🎼 اه درت عليهاكبيدة الغالي 🎤😁😅 جبتوها
اما في الدار داخل 👇
رهف/عيطت... وااااك عليااا هذا شنووو حرام عليكن 😭
بسمة/ ضمي فمك لينا ساعة نتصارعوا معك شن الهم 😠 ...
رهف/ وااااه لالااا والله معش نقدر خلاص وقفي... وقعدت تمسح بيدها وتتوجع
بسمة/ شبحتلها بغضب... تعرفي خليكي هكي احسن باهي... وصبت
خولة/ تضحك... دوري توا من ايديرهالك يا غبية
رهف/ وسعي بالك بسومتي خزي عليك اني مانحبش حد ايديرهالي كان هذا راهو جبت امراء وريحتك
بسمة/ بنضرة ع جنب... انتي يا بلوة لو تقعدي اتعيطيلي قسم بالله انفوتك ااايوه 😠
رهف/ بعيون ذابلة... باهي بس خلي يدك خفيفة وشوية شوية😣
بسمة/تنهدت... هيا خفي روحك مزال ياما وراك ... و رجعتلها
رهف/ ياحليلي منك اني من عندي غيركن انتي و خولة ربي يحفظكن ليا 😁
خولة/ ايي زلبحي علينا توا انشوفوك بعد اسبوع العرس ان شاءالله بس تتذكري عندك صاحبات
بسمة/ اتحط في شمع...اديرها الحيوانة...
رهف ماسكة عيطتها اتعض على اشفافها و بسمة تلصق وتنحي بالشمع وما حوتك تحملت بالاول وبعدين صبت تنقز
رهف/ واااه عليااا طييييح سعدك خلاص هاااتي اندير ااابروحي
بسمة/ صبت اتعارك... يرزيني فيك ان شاءالله شن ااااديريه ابرررروحك ياااهمي راااك عررروس
رهف/ لالا مايخصنيش هاتي جاي
... و زاد النقاش بصوت عالي والباب ايدق فتحت خولة خشت عمة رهف
فيروز/ تشبحلهن... خيركن شن صاير
بسمة /معصبة... هالفرخة طلعت روحي ماتبيش تقعد بني ادمة كيف الناس وتخليني انشوف شغلي كل شوية نقزتلي
رهف/ عيطت عليها... خلاااص انتي ارررتاحي اااني نعرف شن ااااندير
بسمة/ 😠عينك والله مانك ديرتها بروحك
فيروز/ شهقت... اااايي قصدك مزلتي يا رهوفي راهو وراءك الحنة ضروري اتكملوا قبل العصر حبيبتي
