_انا عاوز أسأل سؤال شاغلني!!
=أتفضل أسأل
_هو يعني إيه: اللهم "صلِّ" على النبي!! هو ربنا بيصلي إزاي؟!
=أقولك أنا: صلاة ربنا على النبي يعني يكتب عليه الرحمة، ويذكره بالخير للملائكة ويمدح فيه ويعرفهم قد إيه هو بيحبه وغالي عنده...
_طيب قول لي يا شيخ...النبي ﷺ قال: من صلى عليَّ صلاة، صلى عليه الله عشر صلوات...دا إزاي برضو؟؟
=أفهمك أنا: يعني مثلًا لما حد يقول: اللهم صلَّ على النبي...ربنا هيصلي عليه عشرة أضعاف...هيذكره بالاسم للملائكة، ويمن عليه بالرحمة، ورحمته باختصار إنه يكتبله التوفيق في الدنيا، والجنة ونعيمها في الآخرة، وياما ناس وسطنا دلوقتي اسمها بيذكره ربنا عشرة وعشرين ومليون مرة لأهل السماء...لدرجة إنهم حفظوه، ومن هنا خرجت المقولة الشهيرة: فكم من مشهورٍ في الأرض مجهول في السماء، وكم من مجهولٍ في الارض مشهورًا في السماء.
=فهمت ياجميل؟
_اااه تمام كدا وصلت.
طيب يلا بقى خد شهرتك في السماء وسيبك من الأرض دي خالص. وأكثر من صلاتك على حبيب الله....صلى الله عليه وسلم 🕊❤️
.
.
.
-منقول- اعتذر لعدم تحويلها للفصحى، أظن أن اللهجة المصرية سهلة☺️😅
أنت تقرأ
معًا للأفضل
Non-Fiction• من يريد مشاركتنا في هذا العمل الخير فأهلًا بك معنا. يمكنك مشاركة الأحاديث والمواضيع وإرسالها لي حتى أقوم بنشرها هنا. الكاتبة ومصممة الغلاف: ميّ خالد مليحة.
