شقة وانهيدا

البارت الثاني

فضلو عالحال دا لمده سبع سنين حصل فيها تغيرات ضخمه ف الاسره اللطيفه دي يعني مثلا حازم كسب ف شغله جدا وحالتهم الماديه بقت فوق المتوسطه بعد ما كانو ف خط الفقر ويزن كبر وبقا عنده 7 سنين والمفروض يخش المدرسه بس خافو يقدمولو ف المدرسه ويحصل زي اللي حصل في الحضانه
.
فلاش باك
.
امل بغضب:انتي ازاي كمديره حضانه ترفضي ابني وتطرديه من الحضانه
المديره:الطفل دا مش طبيعي يا استاذه
امل:دا اللي هو ازاي يعني؟
المديره:مبيكلمش مع حد وواخد جمب وبيتعامل بعنف اوي نقدر نقول توحد بس انا اصلا دكتوره فيه اعراض توحد وعلامات تانيه تخوف
امل:انتي بتقولي اي كلام
المديره:حضرتك تقدري تشوفي اللي تشوفيه بس انا مش هقدر اخده ف الحضانه عندي
امل دخلت للولد الفصل بتاعو لقت الميس بتاعتو بتضربو
امل دخلت خدتو واتعصبت عليها
امل:انتي ازاي تمدي ايدك عليه دا طفل
ميس دعاء:وهو طبيعي انه يضرب صاحبه ويعورو؟
امل:يبقي نفهمه براحه ان دا غلط
ميس دعاء :مليش ف التفاهم والله يهانم
امل خدت ابنها ومشيت بس تاني يوم حصل حاجه غريبه اوي
لقو في خبر ان الحضانه ولعت كلها وكل اللي فيها كويسين الا اتنين وهما المديره واتصابت ف وشها اتحرقت وميس دعاء ماتت
اتخضو من الخبر دا وخافو جدا بس مكلموش حد فيه
.
باك
.
يزن بقا بيتعلم من البيت وطلع شاطر جدا بس مبيتعاملش مع حد نهائي وعدواني ضد اغلب الناس عدا اهله ومع انهم راحو لكذا دكتور توحد و دكتور نفسي بس هو كان اول ما يخش باب العياده بيبقي طبيعي جدا ففقدو الامل ف الطب عامه وبقو يحاولو يعلموه هو وكانو بيشترولو كتب للسنه الدراسيه اللس هو فيها ويذاكرولو وبيروح عالامتحانات
فضلو عالحال دا لغايه ما جه يوم 10/11 قبل عيد ميلاد يزن بيوم والكل كان بيجهز للحفله ولعيد ميلاده ويعلقو الزينه ويحجزو التورته لغايه الساعه 12 بليل كان خلاص اليوم خلص هما كانو مجهزين التورته والشمع واحتفلو معاه وبعدين لمو كل حاجه وقعدو يتفرجو علي فلم وبداو يجهزو عشان ينامو الا يزن اللي حس انه مش جايلو نوم وان اليوم دا مختلف
امل وحازم كانو نايمين ف اوضتهم بس صحيو مفزوعين علي صوت صويت يزن اللي مكانش طبيعي ابدا
جريو عليه لقو يزن واقع من ع السلم ودماغو مفتوحه فجريو بيه علي اقرب مستشفي واتخيطت وبقت فل بس لما سالو عاللي حصل قال كلام غريب اوي
حازم: ممكن افهم اي اللي حصل؟
يزن خاف من طريقه ابوه فمتكلمش
امل:يزن حبيبي فهمني اي اللي جرا
يزن:كنت بجري عالسلم فوقعت
حازم:وانت تجري عالسلم ليي
يزن:عادي
امل:قول يحبيبي انا لما شفتك واقع لقيتك بتبص وخايف من حاجه انت كنت بتجري من اي يحبيب ماما
يزن بحزن وخوف :بجري من عمو
امل:عمو مين؟
يزن:......

كتابه : toxic roma+🖤Night-son🖤