شقة وانهيدا

البارت الرابع

الجن كان لسه هيتكلم ف نفس الوقت اللي امل صحيت فيه من النوم مخضوضه وحازم صحي من النوم علي خضه امل 
حازم :في اي يحببتي انتي كويسه؟
امل وهي بتنهج: اه ... اه كويسه بس حلمت بكابوس بس متقلقش
حازم:طب احكيلي طيب
امل: لا لا انا قريت ان مينفعش احكي الكابوس او الحلم
حازم لما لقاها مصره انها متحكيش حاجه راح غير الموضوع
حازم:طب خلاص خلاص تعالي نغير الموضوع عشان تعدي شويه
امل بخوف:اه اه ياريت
حازم:عيد ميلاد ابننا بعد بكرا هنعمل عيد ميلاده ازاي ولا فين ولا هنعزم مين
امل قلبها اتقبض لما افتكرت الحلم وقت ما جاب سيرة عيد الميلاد بس اتكلمت عشان متبينش لجوزها حاجه
امل: اي رايك نعزم قرايبنا اللي ف البلد يشوفو الواد ويشوفهم واهو نكون عملنا صله الرحم بالمره والواد عرف اهله
حازم:طب كدا هنعزمهم من بكرا ويباتو عندنا يومين ولا حاجه
امل:حلو اوي
حازم:خلاص هكلمهم بكرا
امل:هنعملها ف جنينه
حازم:تمام نحجزها هي والتورته برضو
امل:تمام يلا بقا عشان ننام ونقدر نستقبل الضيوف بكرا
حازم وافقها ونامو
.
تاني يوم
.
حازم حجز التورته والجنينه وامل اتصلت بقرايبها وقرايب حازم وعزمتهم وفعلا كانو حضرو كلهم علي بليل وقعدو اتجمعو واتعشو مع بعض وكانو كلهم مبسوطين مع بعض جدا  بس كان كل اما عيد الميلاد يقرب قلب امل يتقبض اكتر بالذات انها خافت تدور علي تفسيرو اصلا
.
يوم عيد الميلاد بليل
.
احتفلو كلهم بالعيد ميلاد وكانو مبسوطين كدا بالذات يزن وامل كان بتتمني الحلم ميتحققش لانها بتخاف علي ابنها خوف مش طبيعي كان مبالغ فيه حبتين بالذات اليوم دا لدرجه ان الكل استغرب حتي حازم اللي كان كل اما يسالها تطمنه وتقولو انها خايفه بس عشان الزحمه وهو كان بيقتنع عادي لغايه ما عيد الميلاد خلص وكل واحد روح علي بيتو عدا قرايبهم اللي جايين من سفر روحو معاهم ونامو ف الاوض الفاضيه عند حازم وامل عشان بيتهم كبير ما شاء الله
امل كانت تقريبا كل شويه تقوم تبص علي يزن ف اوضته من غير ما تحسس حازم بحاجه لغايه ما غلبها النوم والبيت كلو كان نايم وفجاءه صحيو علي صوت صويت وامل قامت جريت عالسلم قبلهم كلهم وصوتت اما شافت يزن واقع من عالسلم ودماغو متعوره جامد وجريو بيه كلهم عالمستشفي واتخيط عادي بس حصل حاجه غريبه جدا
كان بيتكلم طبيعي لغايه ما يجو يفهمو اللي حصل ويسالو بيقوم مصوت بصوت عالي ولما سالو الدكاتره قالولهم دا بسبب الصدمه مش اكتر ويومين بالعدد وهيبقي طبيعي تاني وروحو البيت وامل منطقتش ولا كلمه بس كانت مصدومه ومرعوبه ف نفس الوقت بس نامت جمب ابنها وهدت نفسها شويه وتاني يوم قرايبهم مشيو بعد ما اتطمنو علي يزن انه بقا احسن
.
طرابلس ليبيا
.
ميرنا بخضه وهي بتنده علي حد:.....

كتابه : toxic roma+🖤Night-son🖤