شقة وانهيدا

البارت السادس

امل: يلا يحبيبي عشان النهارده اول يوم ف المدرسه
يزن:يماما حاضر سيبيني انام شويه بقا
امل:يحبيبي كل اطفال الدنيا اول يوم ليهم ف المدرسه بيبقو متحمسين وفرحانين الا انت كسلان
امل هزت يزن جامد فصحي وبصلها:يماما بقا انا بحب انام هعمل اي انا بالمدرسه وانا م نايم كويس؟
امل:والله يبني معاك حق نام نام
امل سابت ابنها ينام وراحت تنام لقت حازم صحي عشان معاد شغله
حازم:الواد لبس ولا لسه؟
امل:واد مين
حازم:الواد يزن ي امل مالك
امل :يعم نام يعم
حازم بصدمه:يعني المفروض النهارده اول ليه ف المدرسه ويقولك عاوز انام فتسيبيه نايم كدا عادي؟
امل: مهو يحازم الواد اقنعني بصراحه
حازم:اقنعك ازاي
امل:قالي هعمل اي بالمدرسه وهتنفعني باي وانا عاوز انام
حازم:كدا اقتنعتي؟
امل:اه يحبيبي مهو الكلام مقنع جدا اهو
حازم:لا دانتي مفيش فايده فيكي انا هروح اصحيه انا
حازم راح صحي يزن وراح يوديه المدرسه ف طريقه

يزن قضي يومه طبيعي وحازم جابو معاه ف سكته ويزن كان فرحان جدا
.
اول ما دخلو البيت يزن جري علي مامته
امل:ها يحبيبي عملت اي النهارده احكيلي شكلك مبسوط
يزن :انا مش هسمع كلامك تاني
امل:لي يحبيبي
يزن:عشان انتي كنتي هتسيبيني انام بس بابا وداني المدرسه والمدرسه دي طلعت مكان حلو اوي
امل:طب مانا كنت بدور علي راحتك دا اهم حاجه ف الدنيا دي النوم
يزن:لا المدرسه احلي كتير
امل:ماشي يعم انا مش هسيبك بعد كدا تنام وهخليك تروح المدرسه بالغصب
يزن:ماشي يستي
امل:يعني مش هتتعبني ف انك تصحي بقا وتفضل تقولي عاوز انام وبتاع
يزن:ماشي
امل:وعد؟
يزن:وعد
امل ويزن قعدو يلعبو مع بعض وحازم قعد يلعب معاهم وقعد يضحك علي منظرهم
.
.
.
ف طرابلس ليبيا
.
ميرنا دخلت علي وانهيدا لقتها سرحانه وشكلها بتفكر ف حاجه كبيره ودا كان حالها بقالها اسبوع من وقت حاله الصرع اللي جتلها
ميرنا قعدت جمبها:ممكن تفهميني مالك؟
وانهيدا:بفكر بس ف حاجه شويه وهبقي كويسه
ميرنا: طب اعتبريني هوا وفكري بصوت عالي
وانهيدا:في اي؟
ميرنا:عاوزه اطمن عليكي بقالك اسبوع من وقت ما جالك صرع وانتي مش ف الدنيا خالص وانا مش مرتاحه
وانهيدا اتنهدت بتعب
ميرنا:احكيلي اي اللي بيدور جوا دماغك
وانهيدا :حلمت بحاجه وقت الصرع دا والجني اللي حضرته اكدهالي
ميرنا :اي هي؟ اخر حاجه قولتيهالي انه قالك تدوري ف الماضي... في اي ف ماضيكي ؟
وانهيدا:انا كنت طريقه يفتحو بيها واحده من اكبر المقابر الفرعونيه
ميرنا بصدمه:اي؟!
وانهيدا لسه هتتكلم وتحكي لقت مساعدها ف الشركه اللي بتملكها دخل فجاءه وهو مخضوض               (الشركه دي هي واحده من اكبر الشركات حول العالم)
المساعد (مالك) :سوزان هانم الحقي!
وانهيدا :في اي يمالك وازاي تخش من غير اذن كدا؟!
مالك:انا اسف جدا بس في مشكله كبيره ف الشركه لازم تشوفيها بنفسك
وانهيدا:انجز يا مالك واحكي في اي
مالك:في واحده من اكبر الصفقات خسرناها بسبب واحد شكك ف حضرتك عالنت
مالك وراها فيديو فيه شاب بيقول : سوزان محمد البكري واحده من اكبر مؤسسين الشركات ف الوطن العربي والعالم كله مش حاسين ان في حاجه غريبه حواليها يعني مثلا ناجحه بشكل ملحوظ واسمها يرن ف ودن اي حد زي السيف وبيعملولها الف حساب مش حاسين ان سلسله الشركات دي كلها مجرد ستاره لحاجه اكبر ومرعبه اكتر؟
الفيديو قفل ووانهيدا عنيها كانت بتطق شرار وقالت لمالك يصور فيديو دلوقتي حالا وفعلا فتح فيديو وهي بدات تتكلم :اهلا وسهلا انا سوزان .. سوزان محمد البكري معتقدش اني مثلا ظهرت فجاءه او مش شاطره ف شغلي عشان كل الكلام دا يتقال عليا انا بنيت نفسي بنفسي وتعبت اوي عشان ابني سلسله الشركات دي وخدت من عمري سنين وسنين كتير اوي مش قليله فمعتقدش انك ياللي بتشكك فيا مستفيد حاجه غير الشهره واذيتي من غير سبب لاني حتي معرفكش معرفه شخصيه بالعكس انا اول مره اعرف انك معانا عالكوكب هو من الفيديو بتاعك وطلعت رديت عليك بس عشان انت اذيتني جامد ف شغلي وخسرتني فلوس اكتر مما تتخيل فانا مش مسامحاك وشكرا ليكم انكو سمعتو الفيديو
قفلت الفيديو وومالك خرج وميرنا ابتدت تتكلم تاني
ميرنا:.......

كتابه : toxic roma+🖤Night-son🖤