مداهنة الروح

المُداهنة الرابعة ⛓️.

#مُداهَنة_الروح .
.
طيـبة السوداني 🕯️.
.
"مِسكين الشَمع كُل عُمره حاضن خَيط ... مايدري الِيكتله عايش بروحه !"
.
الـبارت الرابع ⛓️‍💥.

- السهم الحز رُگبتة خلاني اوگع بالكاع مصدومة وآصرخ بعلو صوتي
اليخاف يَـنادي يمة ؟ يَنـادي بوية ؟ ، أنه شنادي اللاثنين مو يمي
واحدهم دفنتة بگلبي وهوَ عايش
وأخرهُم مات ودفنت روحي وياه .

- مؤملل وينك مؤمل هششش وخر مؤمل مؤمل .

مثل الانضرب خيط براسي صُرت أردد
أسم مؤمل رُّغـم أعرف مايجي ولا راح يجي
بس ماچان شيء بالي غير الجَـثتين الي گبالي
سمعت نفس صوت الرجُــل الگال هاي بنت أبو
الهيل من بعيد الظلام مغطي شكلة
يكول : روحي لبيتچ والشفتيه تنسينة ، لايصير مصيرچ مثلهُــم .

گمت ورجلية يرجفن أمشي وأتعثر وأتحسب
ع امُـي العافتني ، أبوية امات ، مؤمل السافر
وحــيدة بنُّص هـلي .

رجعت وجهي شاحب ماعرف شسوي
مو بس سالفة جِثة وخلاص لالا السالفة أكبر
طريقة موتهم !! نحِّر و سهَُم !! .

وصلت لبيتي والباب مقفول أستغربت دگيت الباب
محد يفتحة گعدت بالگاع تعبانة ضليت أشهگ وابچي
ضامة وجهي بين رجلية
- بابا وينك بابا تعبت ولله تعبت .

ضليت أبچي بالنُص ساعة وادك بالباب ماكو

- غديــر ؟؟.

رفعت وجهي وكان الحَـسن نازل من سيارتة و وجهة شاحِب
- الحَسن : ليش طالعة هيچ وقت ؟

غصيت بكلامي
- محد يفتح الباب و و و

ضليت اشهگ واجُّر النفس هو أجة كومني
وگال : ااششش يلا گومي گومي حبيبتي .

گومني وطلع مِفتاح من جيبة وفتح الباب ودخلني
وگال بصوت تعبان
- الحَسن : غدير لاتطلعين هِيچ وقت بعد ، خَـطر .

هزيت راسي أي وگال بندم
- الحَسن : واني أسف ع كلامي الضهر وأعتذُر وحقچ علية وهذا راسچ ابوسة .

قرب من فوگ الشال باس راسي حسيت قطرات نزلت ع شالي
الحسن گاعد يبچي؟ حاجيتة
- لاتضوچ لا تبچي انه ما ضجت منك عادي سامحتك .

- الحَسن : يابعد روح اخوچ باعي أعتبريني اخوچ ماشي حبيبتي أبداً لا تخجلين
مني .

هزيت راسي أبتسم وگال : يلا ع النوم .

- تصبح ع خير .
- الحَسن : وانتِ بالف خير حبيبتي .