#مُداهنة_الـروح .
.
طـيبة السوداني🕯️.
.
" سَوف تكون بخيرً ، فالعواصف لاتدوم للأبد"
البارت الخامَس ⛓️.
- ولأول مَــرة بعد أكثر من ثلاث سنوات مؤمل يرد عليَّ و ع رسائلي !!
-مؤمَــل : مَــشتاقلچ يَـبعدي .
رُمشت مرتين متتاليتين ممصدگة
دگات گلبي احسها سُرعت غير المَعتاد
تنُفسي حسيته صار ما مُنتظم كلها بسبب كِلمة منك !! .
- عفواً مؤمل شنو تريد !!؟ .
- مؤمَـل : سلامتچ يَبعدي .
- سالّم أن شاء الله أذا ماكو شيء إترخص .
- مؤمَـل : ماتردين نرُجع مثل قبَل غديري ؟.
- لا ولله ؟، ترا أنتّ العفتني وتركتني بدون أي مُبرّر منطقي .
- مؤمَـل : چان عندي لود وتراكُمات بالدراسة ، انه أسف .
ضحكت باستهزاء صدك يحچي هذا ؟
- بالعباس أنتَ مو صاحي ، مُهم خوية ارجَع لِدراستك محد يفيدك بعّد .
- مؤمَل : خلصتها بعد .
- أي مبروك .
- مؤمَل : شغيييرچ ؟ ماجنتي هيچ أغادير !! .
- مثلاً شنو چنت مّنتظر مؤمل ؟ استقبلك بالاحضان يعني ؟
لو اگلك اي عادي حتى لو عفتني خل نرجع أخوان مَثــل قبل
كُلش عادي ؟ ، شنو چنت منتظر !! .
- مؤمّــل : هاهية فهمت قصدچ اغادير .
- الله وياك .
ذبيت التلفون بحرگة احس عيوني راح يروحن لان
ما أسمحلهن يبچن ، مُستحيل لا ما إبجي البُكاء ممنوع ألان .
رن الـتلفون دليل ع وجود رَسالة فتحتة
وچان مؤمل كاتب " مَـاتردين تعُرفين الحـقيقة الشّنعة؟"
عقدت حاجبي بإستغراب وكُلت
- أي حقيقة تقــصُد ؟ .
- مؤمل : نلتقي وأكُلچ .
فتحت عيوني
- إنتّ بالبصرة صح ؟
- مؤمل : نعم .
- وين نَـلتقي ؟
- مؤمل : ع الكورنيش قريب عليكم .
- تمـام راح أطلع هسة مادام كُلهم نايمين عشر دقايق ما تجي أرجع .
- مؤمل : صايرين .
كمت لبست هاينك وقميص ابيض طويل وبنطرون فِضفاض
وفوگاها قمصلة ورفعت الكبوس ع راسي و طلعت من الغرفة
بهدوء ، من ارجع عود اگل الحَسن طلعت لصديقتي أما امُي
ماتهتم وعمو مسافر .
ولله وصدگ طلعت من البيت وضليت أتمشى
بُّعد الكورنيش علينا شيء تقريبا ربع ساعة أذا مشي
وخمس دقايق بالسيارة، جان البرد قارص والجو لطيف
لابأس به أتنفست بعمُق وأدعي يمر ألامر ع خير !
أنت تقرأ
مداهنة الروح
Mystery / Thriller- رأت أعيُني مُّقتلاً فـ نبت بقلبي أسهمُاً وصاب روحي ألماً الىٰ أن توقف بيَّ الزمـَان أليكَّ فكُنت مثل " مجيئاً مُتاخرةً " لم أندم ع خسارتك بكُّثر ندَمــي عَ معرفِتك أنتَ الـــذي أصَّبت قلبي بأسهُّمك اللاذعةّ مُدعية بحّبك ولكن لم أَكن أعرف الاسهم...
