حِيْثُ الحُسِيْنُ لُقَانَا .

البَارت الـ ٢

علي :
_ هذا أبنج ؟
_ ايي يمه شبيج ؟ تعرفينه انت ؟
_ ها ءءأيي مساع انـ ..
شفتها متوترة ومنحرجة رديت على امي :
_ يمه هي وحدة من الدكتورات المتطوعات وهي العالجتني
_ ها رحم الله والديج بنيتي
_ ووالديج بالرحمة والمغفرة انا اطلب الاذن تأخرت عالسايق وهذا الشاي خالة تعذروني جبت 2 ما ادري بيكم حتجون ...
_ لا عادي بنيتي الله وياج
ابتسمت تسليك لـ امي وطلعت
ردت اطلع وراها كضني مرتضى
_ ها وين رايح ؟
_ خل اسألها على امي شوي واجيك
_ احمم احمم
_ وثول
طلعت وراها اتمشى عليها لگيتها تحجي وي روحها بصوت وتنتر بعصبية :
_ شمالني انا شنو شايفة جني هيج گمزت هسه شيگولون ؟ استغفرك ياربي ، رديت عليها :
_ ما يگولون شي
-----
مرتضى :
_ خالة لا تضيعين هاي البنية علي وگع الها ابشرج
واضحك بصوت عالي
_ صدك يمه ؟
_ مدري هيج أحس
_ ان شاء الله احساسك صحيح
_ ان شاء الله
صراحة يلوگون لبعض بس يا ترى راح يحبون بعض وهل راح تقبل بي ؟
------
فاطمة :
طلعت انتر بعصبية ارزل بروحي لحد ما حسيته وراي من حجه :
_ ما يكولون شي
خرعني التفتت علي حسيت ماكو قطرة دم بجسمي
_ ها ؟ اعتذر انا ...
_ لا انا اعتذر خاف احرجناج
_ لا عادي أنا بالغت بالصدمة شوية
شوية !!! شويةة فاطمة !! أردف هو
_ اريد اسألج على حال امي شلون حالتها ؟
اگو أمل تعيش ؟
_ امك الحمدلله ورمها حميد ف حاليا راح انخليها تحت المراقبة ونحاول نصعد فعاليات جسمها حتى متصير اثار جانبية ورا العملية مالتها لان خطرة كونها بالدماغ . بس ان شاء الله راح نگدر نشيل هالورم وترجع الكم سالمة غانمة
_ ان شاء الله شكرا دكتورة تعبتج وياي
_ لا خوية هذا واجبي
ردت امشي وصاح وراي :
_ يعني ما راح تفقد الذاكرة تدريجيا ؟
سمعته و وگفت التفتت عليه وگتله :
_ قصدك قبل العملية لو بعدها ؟
_ لا قبلها
_ لا لا ان شاء الله ما تفقدها
_ مساع من اجيتها انا وصديقي چانت منطية ظهرها للباب صاحت ها بنيتي أجيتي گتلها ها يمه هذا انا جبت مرتضى وياي گالت ها هلابيكم سلمنه عليها وسألتها يمه منتظرة شخص گالت منتظرة دكتورتي راح تجيب شاي توقعتها فقدت ذاكرتها او شي لان ما توقعت هيج بينكم علاقة قوية واصلا اعرف دكتورات العراق اذا مو الكل الاكثرية منهن يحجن بخشومهن وما عاجبهن شي ف شكرا الج على اهتمامج بسلامة امي الصحية والنفسية وهذا الفضل ما راح انساه الج أبـ ..
_ خوية لا تحجي هيج كتلگ هذا واجبي وبالنسبة لبقية الدكاترة هاي حالة الاكثرية صحيح بس مو الكل اكو رحيمات هواية ، وهم شكرا على هذا كلامك
انا فضلي على روحي والحمدلله القدرني وانطاني هالوظيفة وأمني على الناس
_ رغم هذا مشكورة
_ العفو الشكر لرب العالمين
أبتسم وراح وانا بدوري اتوجهت اخذ جنطتي
------
عواطف :
هاي اتصل عليها ماكو والسايق منتظر اتصلت مرة ثانية وجاوبت
_ ها عواطف جايه جايه
وسدته .
ثواني واجت اعتذرت من السايق گالت جان عدها مريضة هستوها خلصت
وكعدت يم الشباك كعادتها خلت الهتفون وتسمع ملا محمد المستشفى كلها تدري بيها تحبه هههه
التفتت اتأمل بيها وطلعت فوني وكعدت اصورها
انتبهت عليه وضحكت
_ ههه لا ولج كعدي
_ بس هاي بس هاي
_ تعاي يمي
اخذنه سيلفي سوى وانا بدوري رجعت لمكاني
ادري بيها تحب تكعد وحدها وما تحب تسولف
بهالاثناء السيارة تمشي و قربنه على بيتهم لان هو اقرب بيت على المستشفى فـ هي اول وحدة يوصلها السايق لـ اهلها قبل لا نوصل لبيتهم گالت ...
------
فاطمة :
وصلنه للشارع الرئيسي المقابل بيتنا گلت للسايق :
_ خويه نزلني هنا
گالت عواطف :
_ شني ليش ؟
_ اريد اتمشى شوي مختنگة
_ تمام انتبهي لنفسج
_ تمام ، مع السلامة
طلعت من الباص اتمشى وصلت لمحل يبيع لفات صاج جبت على عددنا افرح الجهال بيهن
انطاني اياهن دفعت الفلوس ورحت اتمشى للبيت
اشتغلت قصيدة رگب الجلالة هالقصيدة اوفف هالقصيدة
رگب الجلالة *** بـ أهل الرسالة
عايف ديار اهله وحط رحاله بـ أرض السواد
اوفف اوفف ووصل ملا محمد لمقطعي المفضل وگال :
وأبن النبي بروحه ... چم حسرة مذبوحة
تتلاچم جروحة
حسين ... حسين ... حسين
ما باقي كم ليلة ... وتصرخ مداليله
الطايح منو يشيله
حسين ... حسين ... حسين
استمع لباقي الابيات مندمجة ولمحت بيتنا طلعت المفتاح فتحت الباب ودخلت لگيت اهلي ملتمين بالصالة وخالي الصغير يمهم
_ ها خالو حميد هنا
رحت سلمت علي تلگاني بفرحة يضحك
_ هلا بـ دكتورتنا شلونج فطيم ؟
_ الحمدلله بخير وانت شلونك ؟
_ الحمدلله الحمدلله
_ عساك دوم ، شوف حماتك تحبك هههه جبت لفات زايدة اليوم
_ حبيبتي  وضحك على كلامي .
المهم سلمت على اهلي وطلعنا من الصالة انا وامي انطيتها اللفات ودخلت  تعبانة حيل وردت اعدل مزاجي شوي سبحت وسويت عناية بسيطة لبست ملابس مريحة وطلعت اكعد يمهم محتاجة اضحك شوية كعدت وحجه خالي
_ اكلج شفت فيديو على الانستا الج
_ الي ؟ انا ؟
تفاجأت ما ناشرة شي انا
_ ايي شفتج بالجمهورية تخيطين روس المطبرين
_ ها أيي رحنا انا وصديقاتي وچم دكتور وممرض تطوع نعالج الخدام بس يمتى لحگوا يصورون شو ما شفت ؟
_ غير مگلوبة الامة عليكم كلها تمدح بيج صرتي ترند
ضحكت بصوت عالي متفاجئة
_ يجوز واحد من المطبرين صور يلا اكلوا اللفات لا تبرد انا تعبانة شوية خل اروح انام تصبحون على خير
حجوا كلهم وانت من اهله
بس خليت راسي عالمخدة خابرتني عواطف
_ الو ها عواطف
_ ولج فطيم شفتي الفيديوهات ؟
_ ولج يا فيديوهات اريد انام
_ دخلي للانستا وشوفي الاكسبلور
دخلت على الانستا وصدگ لكيت اغلب الفيديوهات عليه وعلى المتطوعين المهم قريت التعليقات اكو يذمون بينه واكو يمدحون
علقت على واحد من الفيديوهات
« شكرا على النشر جزاكم الله خير الجزاء .
بالنسبة للناس الذمتنه معذورين كلكم احنه ما چنه ندري اكو ناس تصورنا لان الاعداد هواي وبالگوه لحگنا نعالجهم + احنه بنفسنا ما صورنا أي فيديو ونشرنا احنه تطوعنه لخدمة سيد الشهداء مولاي الحنين سلام الله عليه ...
وبالنسبة للناس المدحونه شكرا الكم على كلامكم اللطيف وبارك الله بيكم وجعلكم من خدام محمد وال محمد صلوات الله عليهم اجمعين 💙 »
نشرته ونمت ....
----------
في مكان اخر ...
علي :
أگلب بالانستا والفيديوهات كلها عليها للمعلومة فضولي قاتل دخلت اگلب بالتعليقات شفت التعليق المثبت ... جانت هي معلقه على واحد من الفيديوهات ، كلامها شكد لطيف دخلت على حسابها تابعتها وأكلب بحسابها وعيت على نفسي
دقيقة شنو هالسوالف علي ؟ تخبلت انت ؟!!
عفت الفون وحاولت انام ما گدرت تفكيري كله بيها وبقيت ل اذان الصبح گمت توضيت وصليت قريت دعاء العهد ونمت حتى بأجر اروح لـ امي ما دام جمعة ...
-----------
فاطمة :
كعدت على صوت الاذان بتلفوني گمت هم توضيت وصليت وگعدت اقرا دعاء العهد ...
خلصته وشغلت دعاء الندبة بصوت ملا محمد چان راحة نفسية ...
حضرت اغراضي لان نسيتهن من التعب أمس ++ الجمعة الدوام بيها متعب ، وصل ملا محمد لمقطعي المفضل ..
أَيْنَ بَابُ اللهِ الَّذِي مِنْهُ يُؤْتَى ؟ أَيْنَ وَجْهُ اللهِ الَّذِي إِلَيْهِ يَتَوجَّهُ الأَوْلِيَاءُ ؟ أَيْنَ السَّبَبُ الْمُتَّصِلُ بَيْنَ الأَرْضِ وَالسَّمَاءِ ؟ أَيْنَ صَاحِبُ يَوْمِ الْفَتْحِ وَنَاشِرُ رَايَةِ الْهُدَى ؟ أَيْنَ مُؤَلِّفُ شَمْلِ الصَّلاحِ وَالرِّضَا ؟ أَيْنَ الطَّالِبُ بِذُحُولِ الأَنْبِيَاءِ وَأَبْنَاءِ الأَنْبِيَاءِ ؟ أَيْنَ الطَّالِبُ بِدَمِ الْمَقْتُولِ بِكَرْبَلاَء ؟ أَيْنَ الْمَنْصُورُ عَلَى مَنِ اعْتَدى عَلَيْهِ وَافْتَرَى ؟ أَيْنَ الْمُضْطَرُّ الَّذِي يُجَابُ إِذَا دَعَا ؟ أَيْنَ صَدْرُ الْخَلائِقِ ذُو الْبِرِّ وَالتَّقْوَى ؟ أَيْنَ ابْنُ النَّبِيِّ الْمُصْطَفَى وَابْنُ عَلِيٍّ الْمُرْتَضَى وَابْنُ خَدِيجَةَ الغَرَّاءِ وَابْنُ فَاطِمَةَ الْكُبْرَى ؟! بِأَبِي أَنْتَ وَأُمِّي ، وَنَفْسِي لَكَ الْوِقاءُ وَالْحِمَى .
احب هالمقطع كعدت اردد وياه ودخلت امي
_ ها بعدج كاعده ؟
_ لا هستوني كعدت
_ تمام ، صليتي ؟
_ ايي الحمدلله
_ تقبل الله يمه
_ منا ومنكم صالح الاعمال
طلعت وبقيت احضر بجنطتي ...
خلصت تحضير شفتها صار بـ 5 كلت ما تسوى بعد انام خل اروح اسبح
ورحت سبحت طلعت بدلت ومشطت وكعدت اقرا بكتابي اضيع هالوقت ...