حِيْثُ الحُسِيْنُ لُقَانَا .

البَارت الـ ٥

حسن :
_ المريضة فارقت الحياة
كممت وجهي مكسور راحت دكتورتنا الصغيرة المحبوبة
طلعت منزل راسي تلگاني علي
علي : بشر حسن ؟
حسن : البقاء بحياتكم ...
وصار الصريخ ماله والي امها اغمى عليها وابوها يبجي خواتها يصرخن واخوانها يبجون
هاي كبيرتهم وسندهم وراحت هيج بسبب شخص سافل ..
علي : لا لا مستحيل انت تشاقى مو ؟؟
ودخل يركض وعواطف وراه تبجي بصوت عالي ومرتضى لازمها
علي : جيب جهاز الصدمات
حسن : علي ...
_ جيببب جهاززز الصدماتتتت
ظل يسوي الها انعاش قلبي
علي : يارب يارب ياربي
فاطمةة ولجج فاطمة عليج الحسين لا ترحين لا تعوفيني فاطمة !
انكطع نفسه وخر شويه ورجع
علي : يلا فطيم يلا نجمتي يلا كعدي كعدي
جابوا جهاز الصدمات واخذه
علي :1 2 3 ياربي ، ها ؟
_ ماكو نبض
عواطف تبجي وتعاتبها
عواطف : ولج فطيممم مو گلتي ما اعوفجج فاطمهه حبيبتي
علي : صعده 300
_ تم
علي : 1 2 3 ها ؟
_ رجععع رجعع النبض
علي : دريت بيجج ما تعوفينيي ادريي بيججج ما تعوفين عواطفف واهلجج نجمتي
حسن : خل نطلع الرصاص علي اطلع
علي : لا راح ابقى هنا
المهم بقى واگف هو واحنه استخرجنا الرصاص الحمدلله ما جايه بگلبها بس البرجلها صعبه ...
المهم خيطنا مكان الرصاص وخلال ساعة او اكثر طلعناها والتموا اهلها
ابوها يحجي وياها (ابوها اسمه علي حسن مو تخربطون ! )
علي حسن : بنيتي القويةة عفيةة حبيبتي
_ حجي وخرهم خل ناخذها
_ تمام
وخرهم واخذناها لغرفة الانعاش وضعها صعب
توقعنا تدخل غيبوبة وللاسف توقعنا جان بمكانه
ما استفاقت لمدة اكثر من المتوقع
وبقت على هالحال لمدة يومين وعلي ما فاركهاا
طبعا فاطمة حتى بهالاحوال ذكية جانت تدري بـ احمد يراقبها ومتصلة عالشرطة گالت الهم بس تسمعون صوت اطلاق نار تعالوا يعني نفذ وعده
وصح والله بس صاير اطلاق نار هو مهزوم وكاضينه لان چانوا محاصرين بيتهم ...
--------
علي :
دخلت فاطمة غيبوبة يومين وهاليومين جانن اسود ايام بحياتي ...
گاعد يمها ما اريد اطلع استوعبت اهلها ما يدرون بقصتنا بس ما اهتميت اهم شي فاطمة ..
طلعت بالحديقة مختنگ من شفت شكلها وجهها اصفر وجسمها چنه جثة هامده ما اتحملت اشوفهه لگيت ابوها بالحديقة ورحتله
علي : السلام عليكم
علي حسن : وعليكم السلام وليدي
علي : انا ادري بيك ما تعرفني انا مساعد فاطمة وما اجذب عليك راح احجي كلشي
انا و فاطمة التقيت بمكان التطوع جنت من المطبرين وهي عالجتني بقت بنتك ببالي من جمال اخلاقها و تعاملها و عفتها صعب تلگى بنية مثلها هسه
انا سابقا امي بيها ورم وما جنت اعرف فاطمة هي دكتورتها تعرفت عليها وحبيتها وقبل الحادثة هذي بـ يومين كتلها وما ردت عليه من خجلها
انا بنتك رايدها بالحلال واحبها حب والله ما يتوصف
حاليا ما اكدر ادخل لغرفتها اشوف شكلها هيج انهار
وبجيت بصوت
هو خطية ما قصر شبگني
علي حسن : شوف انا اعرف بنيتي لذلك من شفتك منهار توقعت بينكم شي وكلت فاطمة ما تسويها
علي : والله العظيم ما حجت وياي كلمة زايحة
وانا نفس الشي بنتك حبيتها على اخلاقها قبل لا اعرف شي عنها ...
علي حسن : احنا عشنا حياة صعبة وليدي
وخصوصا فاطمة تعبت حيل بدراستها رادت بس تعينا ظلت تتعب وكل صف تتأذى أكثر ...
بـ سادس ابتدائي طلعت معدل 93 وبالاول متوسط هم طلعت 93 بالثاني متوسط كل يوم تطيح بالصف من المعاناة ورغم هذا طلعت اعفاء عام معدل 89
وبالثالت تعبت تعب ونجحت من دخلت وزراي بمعدل 80 بالرابع هم طلعت اعفاء عام بمعدل 95 والخامس هم اعفاء عام بمعدل 96 بالسادس التعب التعبته ما يتوصف لا نوم لا اكل كل يوم هابطه وداخله علينا تبجي بويه شبيج " انا اسفة ما جبت 100 " والبجي التبجي محد بجه بگده الحمدلله والشكر امتحنت وزاري وطلعت معدل 99،90 وي الاضافة مال الدور الاول صارت 100.90 والاولى على مدرستها
ما تتخيل فرحتنا بيها وشكد فرحنا من انقبلت بـ اعلى جامعة بالعراق الطب العام ...
جنت رافع راسي بيها من الاول الابتدائي جانت كله عشرات وشاطرة ماكو مثل شطارتها بعشيرتنا حبها للمدرسة والدراسة رغم تعبها ما جان ينوصف
اذكر هي بالاول الابتدائي بعدها صغيرة 6 سنوات الجمعة تكعد بـ الستة الصبح تبجي ماما تأخرتت ماما
لحد ما نگلها اليوم عطلة يلا ترجع تنام
تدري شكد متندم على الكسر الكسرته الها بس والله ما جان قصدي بس بـ بعض الصفوف اخذت درجات بـ 60 وما قبلت بيهن لان ما متعود عليها تجيب درجة اقل من 85 ما متعود
ما جنت اعرف بيها مرض بالقلب جنت متوقع هبطات لا اكثر طلع بيها خفقان ...
ويبجي
علي : كافي عمي كافي لا تبجي فاطمة راح تضوج من تشوفك تبجي امشي خل نشوفها بلكي كاعده
علي حسن : ما اتحمل اشوفها نايمة بهالشكل
علي : امشي امشي
أخذته وسندته عليه ومشينا وما خاب توقعي لكيتها كاعده
راح عليها يركض
علي حسن : بنيتي بنيتي فطيم الحمدلله على السلامة
فاطمة : بااابااا اااالله ييييـ يسلمكك رجللييي باااابااا ماااا اححسس بيهههااا
علي حسن : هاا هاا علي تعال
دخلت اركض فحصت رجلهااا اضربها ب ابره و ما حست ردت انجلطط
فاطمة : والله ااا ماااا اااحسس بيههااا علييي عليي
علي : عيونه عيونه لا تخافين هاي مؤقتةة والله مؤقتة
فاطمة : عليك الحسين الشهيد مؤقتة ؟
علي : والله مؤقتة والحسين
تنهدت براحة وظلت تبجي
شبگها ابوها
علي حسن : بويه ليش تبجين ؟ لخاطري لا تبجين لخاطري
فاطمة : ما اريد انشلل بويةة ما اريدد انشلل اريد اشتغل واسافر وامشي طبيعي ما اريدد
علي حسن : والله ما يصير شي والله ما تنشلين بحيل الله و محمد وال محمد ما تنشلين مو علي ؟
علي : ان شاء الله ان شاء الله لا تبجين عيوني انت
هودت شويه
فاطمة : اريد ماي
شربها ابوها وصاحت
فاطمة : السلام عليك يا ابا عبدلله طبتم وطابت الارض التي دفنتم بها السلام على الحسين وعلى علي بن الحسين وعلى اولاد الحسين وعلى اصحاب الحسين
اختنكت بعبرتي وطلعت للحديقة
ابجي واجه كضني مرتضى و شبگني
مرتضى : لا تبجي عضيدي لا تبجي ربي يساعدها وما يعوفها بحالها
علي : ان شاء الله ان شاء الله
مسحت دموعي واخذني للمغاسل غسلت وجهي ورجعت الها لگيتها كاعده لوحدها تسمع محمد باقر
تقرا وياه وتبجي
أبُو فَاظِل خُوِيَه
کُلشِي مُو مِثل غَلاتِك ... مَا بِالدِنِيا صِفَاتِك
الغِيرَة مِن عِيُونك نبِعهَا
مُو مَاي أنَا عطشتَك انتَ ... مُو هِينَة وأکدَرأنسَاك !
وِين ؟ عگبَگ وَطن يأمِن أهلِي ! وِين ؟
علي : نجمتي لا تبجين فدوة لخاطري لا تبجين
فاطمة : ما اكدر علي ما اكدر
علي : حبيبتي لا تبجين والله شي طبيعي والله
أجيت يمها كعدت على السدية مسحت دموعها
احاول اهديها بس ماكو الحجي يدخل من اذن ويطلع من الاذن الثانية ...
علي : هفففف فاطمة كافي فدوة كافي
فاطمة : يلا يلا سكتت
مسحت ادموعها بايدها وباوعت عليه ونظراتها مكسورة  ...
----------
زينب :
دخل علينا ابويه فرحان
علي حسن : يلا گوموا فاطمة كعدت تريدكم
زينب : صدككك ؟
علي حسن : ايي والله
گمنا كلنا بدلنا وطلعنا للمستشفى لكيناها كاعده على حيلها وعلي يمها
دخل أبوي يتحمحم
علي حسن : احم احم
فز علي وگام من يمها
علي : ها السلام عليكم جنت اقنعها تسكت صار ساعة تبجي
علي حسن : وعليكم السلام على شنو تبجي ؟
علي : عالگة محمد باقر وتبجي
علي حسن : اهووو هم محمد باقر بوية بيا حال انت صدرج مزروف من الطلقة ورجلج هم وگاعده تسمعين ملا محمد عوفي بابا
فاطمة : هيج اشتاقيت لصوته صار فترة ما سامعته
راحت امها عليها شبگتها واثنينهن بجن
علي حسن : شوف هاي اجت تكحلها عمتها
فاطمة : يمههه مشتاقتلج هواييي
زينب : وانا ما مشتاقتليي ؟
فاطمة : تعايي ولجج مشتاقتلكمم كلكمم
شبگتني وبجت
ام محمد (ام فاطمة هاي ) : كافي يمه لا تبجين
مسحت فاطمة وجهها وابتسمت
فاطمة : حمودي تعال سونيتي حساني تعالوا
شبگت اخواني الصغار وتشم بيهم
فاطمة : افيشش فدوة لهالريحة الحلوة مشتاقتلكم زعاطيطي
حسين : فاكمة ليش نايمه هنا ؟
فاطمة : عيون فاكمة ما بيه شي تعبانة
حسين : صدك الحغامي كاكج ؟ (الحرامي طاكج )
فاطمة : ايي بعد لا تطلع برا لا يطكك انت هم
حسين : لا لا بعد ما اكلع بغا (اطلع برا )
فاطمة : فديت كلامك يا بعد عيوني
وباسته
علي حسن : وخروا منها خل ترتاح شويه
فاطمة : لا بابا عوفهم مشتاقتلهم هواية وانت هم تعال مشتاقتلك
علي حسن : وانا هم مشتاقلج بنيتي الكبيرة
شبگته وبجت ووخر منها باسها من رأسها ومسح عيونها
علي حسن : يا ريتني متت وما شفت عيونج هاي الحلوة تجري
فاطمة : اسم الله عليك بوية جعل يومي قبل يومكم كلكم بحق محمد وال محمد
علي حسن : اسم الله عليج
اباوع على علي وجهه احمر واضح كاتم العبرة خله وطلع
ثواني واجت عواطف
عواطف : فطيم حبيبتي
ودخلت تبجي
فاطمة : عطوفييي ولجج تعايي
شبگتها ووخرت مسحت فاطمة دموعها
فاطمة : لا تبجين بعد عيني لا تبجين عطوفيي
عواطف : والله ما توقعته يسويها ما توقعته حسبي الله ونعم الوكيل
فاطمة تغمز الها وتعض شفتها
علي حسن : منو ؟
فاطمة : هاا هيجج بويه
علي حسن : تعرفين الرماج مو ؟
فاطمة : ايي جان دكتور ويانا
علي حسن : دكتور وهيج يسوي ؟
فاطمة : بي حالة نفسية صار مجرم من فقد كل عائلته وطردوا من شغله
عواطف : بس لا تخاف لزمته الشرطة من مساع كضوا متلبس بالجريمة ولجج فطيم شلون دريتي بي يراقبج وخابرتي الشرطة ؟
فاطمة تغمز الها وهاي تحجي اخر شي ضربتها على ايدها
فاطمة : ولجج سكتي نعله عليج
علي حسن : تدرين بي ؟
فاطمة : ادري بي ما يخلف وعده خابرت الشرطة كتلهم حاصروا المكان وصدك اجه شفته انهزم من صوب عليه والظاهر كاضينا الحمدلله
علي حسن : وما تكولين ؟
فاطمة : بابا انا وين شفتك حتى اكلك وما احب احجي بهيج مواضيع بالتليفون++بنفس اليوم الوعدني يكتلني كتلني وين الحگ اكلكم ؟
نزل رأسه متألم ورجع رفعه اتدنى عليها باسها من راسها وكعد يمها كاض اديها
علي حسن : بعد ما اخلي واحد يضرج بنيتي
فاطمة : ما تقصر باباتي ...
---------
علي :
كتلني الخوف على فاطمة اريد ادخل بس استحي من عائلتها ما گدرت رأسًا دخلت
علي حسن : ها وليدي ؟
علي : ها بس ردت اتطمن على فاطمة
فاطمة تضحك تدري بيه استحي من اهلها وگالت
فاطمة : هذا علي مساعدي وو
علي : عمي انا يشرفني اطلب ايد بنتك على سنة الله ورسوله وال بيته الطاهرين
علي حسن : وانا يشرفني شخص مثلك ومثل اخلاقك بس خل نشوفها موافقة ها بابا ؟
نزلت راسها وانا اباوع عليها رفعت راسها مطنكره انوب ضحكت وكالت
فاطمة : موافقة
وارتفع صوت الفرح ....
علي حسن : امشوا احنه خل نطلع
وطلعوا كلهم بقيت بس انا يمها توجهت للسدية كعدت يمها وهي تباوع مبتسمة بخجل
فاطمة : علي احمد انا احبك
ضحكتت فرحانن طايررر
علي : انا هم احبجج فاطمةة علي نجمتيي العزيزة احبجج اموتت بيجج والحسن
تضحكك وطلعت تلفونها دخلت للسناب
فاطمة : اريد صورة لهاللحظة
ابتسمنا وأخذنا صورة سوا حملتها وخلتها خلفية لتلفونها ..
علي : دزيها الي خل انا اهم اخليها
فاطمة : تمام
دخلت لـ الانستا تابعتني ودزتها الي
وانا هم نزلتها وخليتها خلفية للتلفون
علي : اكلج
فاطمة : كول اسمعك
علي : شنو صار بالضبط ؟
فاطمة : نزلت من الباص طلعت توجهت لباب البيت ردت اطلع مفتاح البيت واجه من وراي
ها فاطمة ها احمد
كتله شسوي سوي بس انت تدري بيه صديقة سارة المفضلة تعتقد مـ راح تضوج اذا كتلتني ؟ گال لا وسرعان ما صوب طلقة على رجلي و راد يروح صحت وراه احمد ما اريد انشل اكتلني لا تعوفني هيج كال تدللين من عيوني وصوب طلقة على صدري فززتني و حسيت بگلبي نبضاته اضطربت وقلت شوية شوية اجه ابويه وشافني شالني ودخلني جوا وصار الصريخ وصيتهم ما اريد عزاء ولا تبجون علي اتشاهدت وبعد ما اذكر شصار ...
علي : تدرين شصار بحالي من شفتجج غاركة بدمج ردت انجلط من تتعافين اراويج تسجيل الكامرات
ومن وگف كلبج حسيت روحي تخبلت
فاطمة : وگف گلبي ؟
علي : ايي من دخلوج للعمليات گلبج واگف سوو الج انعاش وما فاد طلع حسن کال البقاء لله دخلت لغرفة العمليات اصرخ عليج سويت الج انعاش وهم ما رجع اصيحح عليهم جيبوا الجهاز جابوا وصعقتج مرتين يلا رجع نبضج
فاطمة : امم يعني انت نقذتني للمرة الثانية
علي : ما يعتبر انجاز غير حبيبتي انت
فاطمة : حبيبتك ؟
علي : ها ؟؟ تمام
فاطمة : لا تصيحني حبيبتي صيحني نجمتي
احب هالاسم من صوتك
ضحكت عليها
علي : ما تبطلين مزعطتج ؟
فاطمة : تؤ تؤ
علي : يلا يلا نجمتيي اكلجج
فاطمة : ها ؟
علي : تدرين كاتب عليج شعر ؟
فاطمة : جذببب بالله اقراه
علي :
أفَاطِمٌ قَد خَلت لئلئةً وأنِي
لمسحُورًا بِـ تلكَ الفِضتِينِ
عِينَاكِ تِلكَ أمْ تُرَانِي
جُنِنتُ بـِ نُورُ القمرِيّنِ
يَا نجمتِي المُضيئةُ أتُراكِ
تَركتِنِي بحالَة المُريّن ...
فاطمةة : اححححح ولككك شنهايي طلعتت شاعرر
بس لا تخاف ما اعوفك بحالة المريّن ابقى وياك عالحلوة والمرة
علي : هواي عندي هوايات منهن الشعر
فاطمة : احمد ربك انا هم
علي : صدكك ؟
فاطمة : ايي والله بس اكتب على الائمة اكثر شي
علي : اقريلي واحد بالله
فاطمة :
انا ذاك العجب بيكم ... يشجعان
وهذاك الگطع جفوفه ... يشجعان
طاح من المهر وسفه ... يشجعان
صاح ادركني خويه من المنية
علي : يا ابو فاظل ولجج حلوو
فاطمة : غير انا ما احجي
علي : هاا ؟
فاطمة : والله چا شعبالك ؟
ضحكت على سوالفها
علي : ما ادري بيج نرجسية
فاطمة : لا هاي للشقى مو نرجسية انا
علي : وحتى لو نرجسية بكل صفاتج احبجج
ابتسمت الي وگالت
فاطمة : علي
علي : عيونه نجمتي ؟
فاطمة : شخبار خالة اسراء ؟
علي : زينة بس ضايجه عليج هوايه
فاطمة : امشي خل اشوفها
علي : لا خل يخلص المغذي
شلعت المغذي وگالت
فاطمة : يلا امشي
علي : تخبلتي ؟
فاطمة : لا بس كافي انترست ترس مصل ما اريد كافي
علي : ديلا تمام
اخذتها سندتها عليه وطلعنا لكيت عواطف واگفه
عواطف : ها وين ؟
فاطمة : اريد اشوف خاله ام علي مشتاقتلها
عواطف : هن يومين ما بقى واحد ما مشتاقتله !
فاطمة : وخري فدوة عطوف خل اروحلها
عواطف : روحي روحي كاضتج ؟
اجه مرتضى يتمشى
مرتضى : ها فطمطم الحمدلله على السلامة
فاطمة : الله يسلمك الشاخط
مرتضى : جرحتي احاسيسي
فاطمة : ههههه ولكك ما اكدر اضحك اخخ علي
كضت جرحها
علي : هاا هاا ؟
وخرت ايدها كلها دم باوعت عليه وطاحت
علي : فاطمةةةة فاطمةةةة روححح اركضض صيحح دكتورر حسننننن روححح
عواطف : فاطمةةة ولججج فاطمةةة تسمعينيي ؟
علي : فطيممم فطيممم ولجج نجمتيي شبيجج ؟
خليت ايدي على ساعدها اتحسس نبضها مضطرب
علي : نبضهااا نبضهااا ولككككك حسنننننن
اجه حسن يركضض
حسن : شبيهاا شبيهاا ؟
علي : انفتحت خياطاتهاا ولكك بسرعةة بسرعة
شلتهاا وهو يصيحح
حسن : لغرفةة العملياتتت علييي بسرعةةة
واركض لغرفة العمليات مدوهن ما اعرف شسوي
بسرعةة بسرعة خدروها وبدوا يخيطون وانا حاير راح انجلطط بقى خيط والحسن ما اتحمل اذا صار بيها شي ما اتحمل
دخلوها وانا انتظر واحسب الثواني ثانية ثانية صارت هالساعة مية سنة مو ساعة على الرعب هذا المهم طلعوها فاقده ورا شويه ورجوعها لغرفة الانعاش رجعوا ركبوا المغذي الها ردت ادخل وما خلاني حسن
حسن : خويه عوفها ترتاح مكان الجرح خطير اي حركة ينفتح عوفها اذا تحبها
علي : تمام تمام
بقيت اضرب اخماس بـ اسداس من الخوف وعواطف تدعي
عواطف : يارب عدي هالمحنة على خير ياربي والله ما نتحمل بعد ربي انت گلت بكتابك الكريم
{ سَيَهْدِيهِمْ وَيُصْلِحُ بَالَهُمْ }
وكلت هم ‏﴿ وَبَشِّرِ الصَّابِرِينَ ﴾‏ يارب خلص هالفترة على خير يارب العالمين
بقيت انتظر وادعي بيني وبين رب العالمين
ربي فرجها علينا يارب
بين الساعات كعدت فاطمة تباوع وبوجهها قناع التنفس رفعت ايدها سوت اوكي عود ما بيه شي
سويت الها قلب وابتسمت اندارت على عواطف باوعتلها شافتها عواطف وغمتها وظلت تضحك وتگح كاضه جرحها
علي : حسبي الله عليك احمد هيج خليتنا نشوف الوجع بـ اعز ناسنا حسبي الله عليك
عواطف : حسبي الله ونعم الوكيل
---------
بعد مرور اسبوع ...
فاطمة :
الحمدلله جروحي طابت ورجلي الحمدلله ما بيها شي انطوني عطلة لمدة اسبوع وجاي احضر اغراضي اريد اطلع اندك الباب فتحته طلع واحد مغطي وجهه بـ بوكية ورد باوعت بفضول
فاطمة : علي مو ؟
علي : سبرايز لـ احلى دكتورة سبشل بالعالمم
فاطمة : شهالجمالل ؟
واخذت منا البوكية اشم بيها جان ورد طبيعي ريحته تجنن
علي : ورد للورد نجمتي
طكيتها بضحكة وهو مستغرب يباوع عليه
علي : شني شبيج ؟
فاطمة : ذكرت غسان اسماعيل من يصيح ورد للورد ورد للورد
اضحك وكاضه جرحي بـ ايدي يوجعني من اضحك
علي : ها ؟
فاطمة : لا ماكو شي بس جرحي يوجعني من اضحك
علي : الله كريم
طلعنا من المستشفى وطبگت كدامنا سيارة سودة
فاطمة : هذا منو ؟
نزل الشباك طلع مرتضى
فاطمة : ها رضيو
علي : هاي سيارتي
فاطمة : ها چا ليش مسجل ويانا بالباص ؟
علي : على مود ما افاركج
ابتسمت وصعدنا احنا ونزل مرتضى
اصلا هذا اليوم صادف الاوف مالنا
توجهت لمكان الموكب وهي متفاجئة
فاطمة : وين رايحين ؟
علي : هسه تعرفين
مشينا وصلنا للمكان التعرفنه بيه
فاطمة : علي ليش اجينا هنا ؟
ركعت على ركبتي وگلت
علي : فاطمة تتزوجيني ؟
----------
النهاية
اتمنى هالبارت يعجبكم
شوفوا للتنويه البارتات قصيرة لان القصة قصيرة اصلا وانا اريد اسويها على الاقل 20 بارت بس اتوقع ما تصير فـ القصة يجوز حـ انهيها بالبارت الـ 10 و يجوز اسوي جزء ثاني ...
ويجوز اسحب و انهيها الكم واسوي قصة ثانية اذا
اجتني افكار ...
لا تنسون التصويت ومشاركة القصة
و رأيكم وتوقعاتكم مهمة
هل فاطمة راح توافقق او لا ؟
هذا البارت نزلته الكم رغم انا بـ بيت خالتي والهوسة گايمه يمي
اكو احداث بهالبارت حقيقة صارت وياي أنا مال الصفوف صارت وياي بتفاصيلها
ومرض الخفقان صدكك بيه
لذلك دوم اتخيل فاطمة انا واكتب ردة فعلي الخاصة ...
مع السلامة
دمتم بخير احبتي
أفَاطِمُ ألزَهِرَاء ... 🎀🥹