الحد عبد الرحمن : جميله دقي علو اخوانك وشوفي متو يجون وانا ابوك
جميله : ابشر يبه
دقت جميله على ماجد وبعد مده رد
جميله : الو سلام عليكم ماجد : هلا وغلا وعليكم السلام جميله : ماجد ابوي يسال وينك
ماجد : ابد خمس دقايق وانا عندكم تبون شي احيبه معي ؟
جميله : سلامتك مشكور ما تقصر
سكرت جميله المكالمه وقالت يبه الحين محمد ما وده يرجعه يستقر في نجد وش موديه الشمال ؟
الجد :والله كلمته كثير ويقول شغل ويلا يقدر يتركه
________
معلومه سريعه محمد له سنتين ونص في الشمال تحديدا حائل ويزور اهله في الاجازات عبد الرحمن ساكن في الرياض وتبعد عن ديره جده ساعتين ونص تقريباً اما بطلنا نجم واخته تالا فا هم مع ابوهم وامهم في حائل
_________
بعد فتره دخل ماجد مع زوجته امجاد وبنته نجد ودخلو وسلموا والكل يرحب فيهم وبعدها بكم دقيقه دخل سطام مع زوجته وعياله وسلموا. وجلسو الكل يسولف ونتظرون دخول محمد عليهم لان له سنتين ما جاهم بسبب ضغط الشغل عليه وجاء قلهم انه نقل وبيرجع يسكن مهم بعد ما تقاعد من سخغلع بحكم كبر سنه وانه ماعد يقدر
وماهي الى ساعات وجاء محمد وكان الترحيب حار لجته غاب عنهم سنتين ونص والكل مشاقين له ولاهله
وبدو يسولفون ويضحكون وسال محمد : اقول عبد الرحمن ما بيجي ؟؟ ويننه هوو
جميله : بيجي بيجي بس مو اليوم بكره ان شاءالله الهنوف كلمتني انه ما يقدرون اليوم
الجد : ايه الله يحفظهم اهم شي يجون وكونون بخير
هنى نجد راحت جلست بحنب جدها قالت جدي اشتقتلك مرره حضنها الجد من جنب وقال : والله اني فاقدك وفاقد حسك
ماجد : يبه كانك سحبت علينا من جت نجد !!
الجد شهر ما شفتها اكيد بشتاقلها هذي بنتي واغلا بناتي
جميله : يعني يبه تحبها اكثر مني ؟؟
محمد : الغيره حتى لو ان الشخص كبير هههه تغير من بنت اخوك
جميله : مر غيره ياخي بس انه جحدني
الجد : ما جحت احد احبكم كلهكم واغليكم كلكم بس نجد غييير
نجم : يا جد ودي اطلبك طلب وانا طالبك ما تردني ؟
الجد: اطلب وانا ابوك والله انه تم. من الحين !
فرح نجم كثييير وقال : ودي بكره نكشت من زمان عن الكشتات ونجلسلنا يوم او يومين هناك الاجواء حلوه والله يبيلها كشته يا يبه ( يقصده في يا يبه هو الجد نجم ينادي جده يبه ) . الجد : تم وانا ابوك من بكره الصبح نطلع للبر ونكشت الكل فرح وقالت نجد الحين رعد باقي موجود يا جد ولا بعته ( رعد هو الحصان حق الجد الي كانت تحبه نجد وهي صغيره وهي الي سمته رعد ) الجد : لا باقي موجود صار معه اصدقاء نجد : لفت تناظر جدها : صدق صار فيه كثير غير رعد . الجد : فيه فيه اسطبل كامل
نجم: والله يا جد لو ما قلت اسطبل كان قلت من رعد ومن الي صارو كثير . ( نجم ما يعرف رعد ابدا هو يعرف ان جده كان عنده حصان بس ما يعرف اسمه وقابله بس مره وحده عشان كذا ما يعرفه )
جميله : نجم جدك كان ييجب الخيول كثيرر وكان عنده خيل جابه وهو صغير هو ال يرباه وعلمه كل شي ويوم جابه نجد كانت صغيره وقالت انا اسمه والكل قالت تم وسمته رعد لان وقتها كان فيه مطر .
نجم : جاني فضول اشوف رعد
ماجد : ابد اذا شفته ماعاد تروح عنه خذها نصيحه من عمك انا ما كنت ابعد عنه وكنت اوح عنده وانام مراح عنده ههه والكل اتفق علو حب رعد اولنا نجد من اول ما جابه ابوي وهي متعلقه فيه وكل ما طفشت قالت خل نطلع للبر ونعرف انها تبي رعد
الكل ضحك وقالت نجد وهي تضحك: الحين صدق رعد احسه غير عن الكل احسه يفهم اكثر منها وعرف اذا قد الواحد زعلان او لا
نجم صح اني ما اميل للخول كثير بس اعرف ان الحصان اقرب لمشاعر الانسان ويفهم عليهم وحس فيهم
الجد : صدقت يا نجم ما فيه احس من صداقه الخيل اذا صادق انسان
الجده: الحين بدال ذي السوالف خل نقوم نرتب لبكره عشان نقضي بسرعه ( نقضي : نخلص ).
قامو الحريم يرتبون الاغراض الي يحتاجونها وتالا و رهف ونجد في الغرفه يرتبون الفعاليات وملابسهم واغراضهم ودقو على الهنوف وعلمها انه بيروحنو البر وكمل. سواليف معها
________
اخر اليل كان نجم و فيصل و فهد وفارس سهرانين بالحرش ويشربون شاهي وسولابف وضحك
نجم كان مفهي ومو معهم فيصل : ولد نجم وين وصلت في هواجيسك
نجم : اعتدل في جلسته وقال يا عيال انا تهت في عيونها ياخي احس مشاعري تبخبطت !!
الكل ناظر فيه فارس الي كلن يصب شاهي منزل البرادي والبياله وقال منهي الي تهت في عيونها ؟
نجم قال :
رميت نفسي بين السهوم
ما دريت ان السهوم عيونك .
فيصل وفارس في وقت واحد : صح لسانك .
بس من هي ذي الي لعبت فيك كذا
فهد الي كان مصدوم ويقول معقوله قصده حب الطفوله
نرجع ايام للطفوله نجم كان يحب نجد والوحيد الي يعرف فهد لانه كان كاشفه ويعرف كل شي وكام يوقله ترا بكره تكبر وتناسها وكبر نجم وكبر حبه معه
نرجرع فعد قال: قومو خلص نرقد بحره ورانا قومه بدري
قامو العيال وراحوا نامو اما عند نجم فاا كان يفكر في نجد هل هي تحبه هل هي تفكر فيه زيه
نام وهو يفكر فيها
_________
سلام عليكم كيفكم اتمنى تعجبكم الروايه
اول روايه لي وان شاءالله تحبونها
اعتذر اذا كان فيه اخطاء املائيه اتمنى تدعموني
ولا تنسون النجمه والتعليق رايكم مهم ‼️
