تالا: نجد وينك تاخرتي وليه طالعه برا
تجد : حسيت بكتمه وطلعت اشم شوي هوا خل نرجع للبنات سويت القهوه
اخذو القهوه ورجعو عند البنات نجم راح لغرفته بعد الي صار بينهم وسكر الباب انسدح وبدا يفكر بالي صار الين نام
__________
اليوم الثاني :
الكل كان جالس مع الجد ونتضرون الفطور استثناء نجم ونجد الي باقي ما نزلو
الجد : يا عيال وين نجم ونجد
تالا : نجد باقي ما صحت قومتها قبل انزل وقالت شوي وتجي
فهد : نجم قبل انزل توه صاحي اكيد بينزل الحين
الجد : زين بعد دقايق معدوده نزلت نجد
نجد : صباح الخير
الجد : صباح النور ي بنتي! كيفك ؟
نجد : الحمدلله
جميله وامجاد مريم و سحر : تبون الفطور الحين ولا ناخره
الكل : الحين
الحريم : ابشرو
وقامو يجهزون وبدا يسمون
مريم ( ام نجم ) : دحمي ( عبد الرحمن) وين اخوك ؟
عبدالرحمن : باقي يمه ما نزل
ام نجم : لا يكون بوه شي ولا... ماكملت كلامها الى ونجم نازل ويسلم
نجم : سلام عليكم صباح الخير
الكل : وعليكم السلام صباح النور
الجد : نجم وانا جدك بك شي تعبان
نجم : لا ابد يا جد ما فيني شي ليه ؟
الجد : مو من عوايدك تتاخر بنومك الى اذا كنت تعبان
نجم : لا والله بس امس ما نمت بدري وصحيت اليوم متاخر
الجد : زين تعال افطر
وجلسو يفطرون وبعد ماخلصو قامو في الحوش عن البنات
تالا : بنات قربت الدوامات ولا جهزنا شي
رهف : ايه والله خل نروح نجهز باقي ثلاث ايام ولا سوينا شي
نجد : تم بقوم اقولهم
البنات : ايه ايه انتي ما يقولولك لا
راحت نجد عن عمانها وجدها
نجد : سلام
الجد : هلا ومرحبا ارحبي ي قلب جدك
نجد : هلابك ي جدي
ابو نجد ( ماجد ) : هلا ي بنتي بغيتي شي ؟
نحد : هو فيه طلب الصدق
ماجد : اطلبي وتدللي ي قلبي
نجد : تسم بابا بس انا والبنات نبي السوق نبي نجهز للدوامات باقي ثلاث ايام ولا جهزنا شي
الجد : ابشري ما طلبتي شي
نجد : تسلم جدي
ماجد : خلاص المغرب ان شاءالله اوديكم
نجد : شكرا
راحت نجدد للبنات وعلمتهم
_______
العصر في الحوش عن العائله كلها مجتمعه على القهوه
محمد (ابو نجم ) : نجد و تالا ما طلعت تخصصاتكم قربت الدوامات ولا علمتونا
نجد وتالا بنفس الوقت :الى طلعت من زمان بس ما دخلنا قلنا نخلينها قبل الدوامات احسن
نجم : ههه اول مره اشوف احد كذا
نجد : عشان ما نتوتر او شي فااا مهليها قبل عشان كمان يجينا حماس دبل
نجم : حبيت الحماس الى صدق كيف شعوركم وانتو مرحله جديده عالم ثانيي
تالا : حلو والله بس غريب وتوتر الف
نجد : احس متحمسه مررره
الجد : الله يوفقكم
ماجد : شرايكم تدخلون تشوفون طيب
نجد : يبه متوتر ما احس جاهزه اشوف خايفه ما انقبل
تالا : نجد ادخلي انتي اول ما بدخل لين تدخلين هيا نجد
نجد : طيب طيب
وفتحت نجد وصرخت وبدت تبكي فرح
ماجد راحلها : نجد وانا بوك وش بلاك عادي والله كلها من ربي وكلها زينه اذا ما انقبلتي مو مشكله حبيبي
نجد بدموع وفرح : لا يبه دموع فرح فرح انقلت طب يبه انقبلت بتخصص احلامي وحضنت ابوها
ماجد : الحمدلله الحمدالله ربي ما ضيع تعبك
الكل بدا يبارك ل نجد
محمد : توته دورك
تالا : يبه مقدر متوتره. ! نجم ادخل بدالي وشوف
نجم : هاتي
تالا عطت نجم جوالها وهي متوتره وخايفه واقفه جنب نجد الي تهديها
نجم بفرح : الف مبروك توتي
تالا : فرحتك ذي وش وراها وش طلع بسرعه نجم لا تستهبل ترا متوتره
نجم : بتكوني احلا محاميه بعايلتنا
تالا بفرح : نجم احلف لا تستهبل امانه
نجم لف الجوال : والله شوفي بعيونك قانون
تالا بكت وراحت تحضن ابيوها وامها وتبكي
وبدت التبريكات لنجد و تالا
دخلو عبدالرحمن و الهنوف : وش الفرحه ذي فروحنا معكم
نجم : ابد بس راح يصير عندنا محاميه واشر على تالا
وراح يكون عندنا دكتوره واشر على نجد وبس
عبدالرحمن: اخيرا قرررو يدخلون الف مبروك عقبال ما اشوفكم متخرجين
الهنوف : بنات مبروك وربي فرحت دايم تتحلطمون عندي عشان خايفين ما تنقبلون احس انا الي عانيت مو انتو ههه
نجد : الهنوف فضحتينا ههههههه
الكل ضحك وبدو يتقهون
ماجد : بنات ما اشوف انكم تتجهزون ولا بطلتو تروحن السوق ما باقي على المغرب شي
نجد : لا يبه ما نسينا ولا بطلنا يس من الفرح نسينا امفسنا هههه
تالا: ماعليك ي عم الحين نتجهز ونخلص
ماجد : اجي ونمشي تمام
البنات : تمام
نجم : عم انا اقول ريح وانا اوديهم كذا ولا كذا بروح اكمل اغراض ناقصتني واوديهم معي
ماجد : اذا كذا تم خلاص يا بنات روحو مع نجم
البنات : ابشر
فهد : ما تبون اخوكم ولا سحبتو
نجم : من قال نبيك روح دوامك بس
تالا : نجم صادق روح دوامك ههه
نجد : ما عندي مشكله المهم بروح اتجهز
فارس : بخاويكم حتو انا
نجم ناظر ابوه : يبه ؟
محمد فهم ولده : مستحيييل ولا تفكر
نجم : يبه تكفى بس اليوم
محمد : تبي الجيب خذه غيره لا
نجم : يبه مابي الجيب ابي الكزس
محمد : مستحيل
نجم : يبه اوعد ما اخذ ولا مخالفه ولا مطب وترجع السياره سليمه تكفى
محمد بحده : ولد قلت لا
فارس : ي عم ماعليك من نجم عطني ياها انا
محمد : ما عطيت نجم اعطيك انت كل واحد سواقته اخس من الثاني
نجم : يبه تكفى الله يسعدك
محمد : لا اخر كلامي
نجم اخر خله هو جده يتوسط له
نجم : جدي وناظره بنظره حزن ( 🥺 نفس ذا )
الجد : محمد وانا ابوك عطهم السياره وان صار شي انا الي بصفقهم وهم كبار وعقلو صح
فارس وفهد ونجم : صح صح
محمد بقله حيل لان ابوه الي طلبه وكان عارف نجم راح يرجع لجده : بعطهم عشانك يبه
نجم بفرح وينططط راح عن جده : الله لا يحرمني منك ي الغالي
وراح عن ابوه : والله ما يجيها شي وانا ولد محمد
محمد : ونعب وبلدي بس ياريلك تجيني مخالفه وحده والله ان تدفعها انت وتنصفق كمان
نجم اشر على خشمه : على خشمي
محمد : عليه الشحم ! ولطع الفتاح خذ ذا المفتاح
