فهد : استاذنكم اذا صار شي معنا علمتكم وانتو نفس الشي
محمد : طيب استودعتكم ربي
راح فهد لسيارته وقف وركب نجم وراح ركب من الجهه الثانيه وتوجهو للمركز الشرطة
ونزلو وراحو لظابط محمد
دخلو عليه نجم : تكفى قول انها بخير
الظابط مفجوع : وش بلاك انت ومن تقصد وش تبي ؟
فهد مسك نجم : نجم اهدا مو كذا رفع راسه وقال : معليش اعتذر بس حابين نسال هل فيه اخبار عن نجد ماجد عبدالرحمن ال فهد ؟
الظابط : معذور ! لا والله الى الان مافيه شي اذا فيه شي بعلمكم
فهد : مشكور
مسك نجم : نجم قم خل نرجع
طلع نجم وهو يبكي ومنهار وفهد حزن عليه اول مره يشوف نجم كذا ما تعود عليه انه ضعيف ما توقع ان حب نجد بيلعب فيه كذا
اخذ نفس عميق وقال : نجم مايصلح تجلس كذا تتعب نفسك ريح بالك
نجم : كيف وانا حاس انها مو بخير فيه شي داخلي يقول نجم نجد تبيك نجد مو بخير
_______
مرت ايام واسابيع ولا لقو نجد بعد شهر بضبط
في بيت الجد الي كان عام فيه الحزن والكل متجمع هناك بحزن وخوف
ونجم الي من يوم انخطفت نجد وهو يتعب كل يوم اكثر واكثر وصار بس في الغرفه لحاله ويدخل عليه فهد غصب عشان يهديه ويتطمن عليه بس كل شي ينتهي بانهيار نجم
____
دق جوال ماجد فز من شاف انه رقم غريب بس كان داخله شعور يقوله رد تراها بنتك رد : الو .. وعليكم السلام من؟
المتصل : معك المستشفى نبيك تجي باقرب وقت
ماجد بخوف : عسى ماشر ؟
المتصل انت ماجد عبدالرحمن ال فهد
ماجد : ايه نعم
المتصل : تعال المستشفى وتعرف كل شي
ماجد : طيب
سكر وقالو وش من
ماجد: المستشفى وقالو تعال باقرب وقت وتعرف
نجم بالم بقلبه الي رجع له بعد فتره ماجه بس جاه الحين وبقوه لدرجه انع دموعه نزلت ومسك مكان قلبه وصرخ بالم الكل فز له فهد فهم عليه وراح له : ولد وش فيك
نجم بهمس : رجعت رجعت انا متاكد
فهد بااستغراب : نجم تعوذ من ابليس وخل نروح نشوف
محمد : نجم ولدي وش بلاك لك شهر كذا يومم بخير وعشر تتالم وتتعب وتروح المستشفى و يقولون ما فيه شي علامك وانا ابوك
نجم بحزن : ولا شي تعبان شوي
الجد : اطلعو كلكم ما عادا نجم ابي اكلمه شوي وتجهزو عشان نروح نشوف المستشفى
الكل رد بكثر من رد بس كلها بنفس المعنى ( طيب ابشر سم )
وطلعو وشغلو السيارات واتفقو ان سطام و فيصل وفارس يكونون مع الحريم
الجد : نجم تعال لمي وانا ابوك !
نجم قام وراح لجده : سم.
الجد : نجم ولدي لا تكذب علي انت تحب نجد
نجم بصدمه وحزن : ليه تقول كذا يا جد
الجد : نجم ماني بجاهل تمشي علي زي الباقي
من يوم اختفت نجد وانت مو على بعضك مو نجم الي اعرفه شهر وانت تعبان و نوديك المستشفى ويقولون ما بك شي انت تحبها ؟
نجم : محشوم يا جد بس مابه شي تعب خفيف ويروح
الجد : نجم لا تكذ علي ماني بجاهل وضعك تحبها ؟؟
نجم ارتمى بحضن جده وانهار ويبكي ويشاهق كانه طفل
الجد فهم وحزن عليه : اهدا وانا ابوك وان شاء الله انها بخير لا تخاف
نجم : يبه خايف ماعاد ترجع خاف افقدها يبه ليه ما رجعت للحين وانهار
الجد حزن اكثر ونزلت دموعه على حفيته الي لها شهر ما يدرون عنها و حفيده الي يحبها وتعذب وتعب من بعدها واختفائها
الجد : يا بوي قم غسل وجهك وتعوذ من ابليس وتعال خل نروح تشوف وش سالفه اتصال المستشفى
قام نجم وغسل وجهه ورجع لجده : جد تكفى لا احد يعرف خلها بينا
الجد : ماعليك وانا ابوك
طلعو وراحو الكل للمستشفى اول ما وصلو ونزلو نجم رجعله الاحساسا بس باكثر واانها موجوده وتتالم
اخذ نفس وشافه فهد وراح وسانده ودخلوا
راحو للاستقبال
ماجد : سلام عليكم
الموضف : وعليكم السلام هلا امرني
ماجد : اتصلو علي من المستشفى وقالو يبوني
الموضف : انت ماجد عبدالرحمن ال فهد
ماجد بخوف وتوتر : ايه نعم
المرضف روخ للغرفه رقم 307 وتعرف ليه متصلين
راحو ونجم زاد الالم وبدا يرجف جسمه كله فهد : ولد وش فيك
نجم : فهد ناد جدي تكفى
فهد راح لجده وهمس في اذنه جد نجم يبيك
الجد راح لنجم الي جلسه فهد
وجلسه عندع وقال : نجم ولدي وش بلاك ترتجف
نجم : جدي احس ان قلبي ينغزني وداخلي شعور انها موجوده بس تتالم وانهار فهد انصدم ان جده يعرف
الجد : مسك نجم وقاله سم وتعوذ واذكر ربك وقوم خانا نشوف وانشالله كل شي بخير ونجد بخير
فهد مسك نجم وساعده يقوم وكل ذا تحت نظر محمد ( ابو نجم )
دخلو الغرفه وانصدمو من الي موجود فيها
لقهو الشرطه مع ثللاث رجال والدكتور والصدمه البنت الي كانت على الكرسي
مجاد : نجد بنتي وراح وضمها بكاء
الجد راح لها وسلم علها والكل سلم نجم الي ما قدر يقرب وطلع وانهار انها بخير ويدعي ربه انه بخير وانها قدامه
ماجد للظالط كيف لقيتوها ومن ذولي ؟
الظابط : اول شي الحمدلله على سلامت بنتكم
ثاني شي كان هنى وجانا بلاغ وجينا ومسكناهم وتكلمنا مع البنت وعلمتنا كل شي
و الفظل من بعد الرجع لشخص
ماجد : منهو؟؟
الظابط : تعرف واحد اسمه حمد ال فهد
ماجد باستغراب : لا
الظابط : ذا هو الي بلغنا وقالنا انه شاف ناس قبل قتره ومعهم بنت وباين انها مخطوفه ورسلنا الموقع ورحنى وراقبنا المكان واليوم بعد اسبوع من المراقبه طلعو ولحقوهم رجالنا واول ما وصلو المستشفى ودخلو جانا بلاغ انه مشتبهين وارسلنا رجالنا واحنا وصلنا بعدهم بوقت وحقققنا معهم ومع البنت وعرفنا كل شي
ماجد : حمد ذا منهو وكيف يعرف بنتي
الظابط : والله ما عندي علم بس تقدر تقابله
ماجد : اكيد وينه
الظابط تعال معي
وراحوا ماجد ومحمد مع الظابط
دخلو مكتب الدكتور وقف حمد : بشر يا الظابط هي نجد بنت خالي ماجد ؟؟
الظابط تفضلو فيه ناس بيقابلونك توتر حمد
دخلو ماجد وراه محمد
وسلموا
ماجد : حمد بسالك سوال انا عرفت كل شي من الظابط وشكرا لك
حمد بتوتر : سم اسال ! ابدا ذا وجبي
ماجد استغرب اكثر ومحمد نفس الشي
ماجد : حمد من انت وكيف تعرف بنتي
حمد بتوتر : كيف ما تبيني اعرف بنت خالي ؟
ماجد ومحمد : بنت خالك ؟؟ احنا خوالك ؟؟
حمد : ايه نعم انا حمد ولد عبدالله وجميله
ماجد ومحمد باستغراب : كيف دقيقه جميله اختنا
حمد ايه ابوي قبل يموت قالي انه امي ما تعرفني وعلمني كل شي عنكم وانا لي فتره اراقبكم ويوم المخيمم كنت بجي واقلكم كل شي بس انصدمت يوم اسمعكم تقولون نجد اختفت ورحتو بلغتو واحد من الي في القسم يعرفني وبلغمي حتى الي جاء وقدم البلغ انت ياخالي ماجد و نجم ولد خالي محمد
ومن ذاك الوقت ادرر معكم واحاول اوصل لموقعها ودخلت لكل الجوالات العايله بس ماقدرت اوصل لجوالها الى قبل اسبوع وبلغت الشرطه وعلمتهم كل شي واني اقربلكم واني لوء في الشمال في حائل واني جيت عشان اهلي ادورهم واقابلهم وساعتهم بسبب شغلي وان لي قرابه
الكل انصدم محمد كيف ما نعرف ان جميله عندهاولد الي نعرفه بس ببنتين
حمد جلس بحزن وقال امي ما تعرفني عشان كذا ما تعرفون
محمد قال: ولد وش تخبص
حمد قال بعلممكم كل شي بس قبل ابي اشوف امي تكفون انحرمت منها 23 سنه من اول ما ولدت وانا معرفها وكبرت مع عمتي وابويه وابوي مات وقبل يموت علمني شي بس مافهمته ويوم مات علمتني عمتي كل شي وان وصيه ابوي انها تعلمني وتعلمني كل شي وينهم وجيتكم طيران ونقلت شغلي كله هنى بنجد عشانكم وعشان امي ابي اشوفها
حمد قال قوم وتعال وبعدين نتفاهم
راحو لنجد الي كانوا الكل برا ماعدا ونجم والجد استغربو ماجد ومحمد وراح ماجد لفهد ولد وش فيه ليه برا وين ابوي ونجم فهد مدري والله بس جدي طلب نطلع ولا احد يدخل وطالب نجم معه وقال لا احد يدخل لين اقولكم
انتضرو برا
الجد : نجد يبه كيفك عساك بخير
نجد : بخير بس كنت خايفه مرره شهر وانا بخوف. ياجد ما يدرون اني حفيه ال فهد وعلمتهم نجد انها كانت تنضرب كل يوم ونهم حاول اكثر من مره يقروب لها وهي تدافع هن نفسها وتصفقكم الجد انصدم بس قال : معليه يا بنتي ماضي وراح وكفو عليك ماخليتهم يسوون فيى الي يبونه
نجد : قلتلهم ولله ما تقربون وانا حفيد عبدالرحمن ال فهد والله اخليكم تندمون
الجد : وللنعم والله بتتي
نجم ينتضر جده يخلص عشان يروح يصفق الخاطفين لانهم ضربو نجد وعذبوها وحاولو ييقربون اكثر من مره
