شَـٰەٓهُـوَەٓتْـ⊰🔓⊱

•پـەڕەی یـەڪ•

کچە بچووکه دوانزە ساڵانەکە بەڕێوەبوو بۆ ماڵە خنجیلانەکەیان، لەڕێگادا بە ڕۆیشتنێکی نەرم و خانمانە دەڕۆشت.

لەچکە سپیە خڕە پەڕۆییەکەی لەگەڵ بایە هێواش و فێنکەکەدا لێوارەکەی دەجوڵا، ئەو مەدالیایەی بە جەنتا قاوەییەکەیەوەبوو دەجوڵایەوەو دەنگی دروست دەکرد.

گوڵێکی شوشەیی پەمەیی بوو لەسەری نوسرابوو «الـلـە»، ئەوە دیاریەکی بچکۆلانەی دایکە میهرەبانەکەی بوو.

گەیشتەوە بەردەم ماڵەکەیان و دەرگا بچووکەکەی باخچەکەی کردەوە و پاشان چووە پێش دەرگای چوونە ژوورەوەکە و چەند جارێک بە دەستە بچکولانەکانی بەهێمنی لەدەرگاکەی دا.

دوایی گوێلێبوونی چەند هەنگاوێک دەرگاکە کرایەوە.

دایکە ناسک و جوانەکەی ئەوی دەرخست کە لەچکی نوێژەکەی لەسەری دابوو.

:سلام وعلیکم دایە گیان.
نازەنین بە دەنگە ناسکەکەی بەهێمنی وتی و زەردەخەنەیەکی شیرینی بەڕووی دایکیدا کرد.

:وعلیک سلام، نازەنین خانم. بەخێربێیتەوە.
دایکی بە دڵخۆشی دەرگاکەی بۆکردەوە و ڕێگای بە کچە بچووکەکەی دا بێتە ژوورەوە.

:سوپاس دایە گیان.
هەرکە پێیەکانی خستە ژوورەوە بۆنی میسک بەهەموو گیانی داڕۆشت وەک هەمیشە دەنگی قوڕئان لەماڵەکەیان نەدەبڕا.

پێڵاوەکانی بەهێمنی لەپێ کردەوە خستیە یەکێک لە تاکەکان.

:دەی... گیانەکەم بڕۆ خۆت بگۆڕە و وەرە خوارەوە خوانی ئێوارە ئامادەیە ئێستا باوکیشت دەگەڕێتەوە.
دایکی بە نەرمی وتی و دەستێکی بەسەر لەچکەکەوە بەسەری کچەکەیدا هێنا.