أنت الحياة ؛ ومادونك العدم...💙

البارت الثالث

صلوا على النبي

_ صباح يوم جديد
كان الكل نايم الا شيراز كانت فوق سجادتها
وتدعي الله وبيدها مصحفها خلصت تقرأ القران
رفعت يدها للسماء : يااارب انت العالم بما فيني
خفف عني حزني وهمي وازل عني كل كرب
اللهم لاتبتليني بجسدي ولا بأهلي اللهم اجمعني
يالله بمن أحببت اللهم ان كان خيرا اي فقربه مني
وان كان شرا لي فابعده عني وارزقني قناعة القلب
نزلت دموعها وهي تلتجئ لخالقها تلتجئ لمدبر الأمور تشكي حزنها إلى الله ترفع له الدعوات دون خجل تطلب الذي لايعجز عن شي
خلصت وراحت انسدحت بالسرير ونامت بهدوئ
وهي تحس نفسها كالريشة بعد التجأها إلى الله
نامت بطمانينه وقلبها وعقلها وروحها تنادي خالقها

_ العصر

بيت أبو جابر
كانت سيما بالمطبخ تسوي حلا من اليوتيوب
سيما : الله عليك ياسيموو مبدعه والله انك فنانه
دخل خالد وهو يسمعها تكلم نفسها : اللهم لك الحمد ولك الشكر الله يخلف عليك يمه
سيما لفت عليه : خير انت ووجهك شجابك تخيل انه مو انا اللي بالمطبخ
خالد : بسم الله شفيك اكلتيني بقشوري
سيما : اتخيل انها وليف هاا ونت مدرعم عليها هالمسكينه بيجيها صدمه قلبية منك
خالد : اعوذ بالله من لسانك ترا سمعت صوتك من برا دخلت فيها شي يعني
سيما : ايييه تعال تعال شرايك تطلعني بكره تعزمني على حسابك
خالد : سلامات مهزئتني وتبين اطلعك وبعد على حسابي صج قليلة حيا
سيما شهقت : انا قليلة حيا والله انت اللي لسانك طويل
خالد : والله ماغيرك طويلة لسان وقليلة أدب
سيما سوت نفسها مصدومه : انا ياخالد انا
وببكى مصتنع : ماهقيتك كذا ياخلود خلاص جرحت مشاعري
خالد صدقها ندم : سيموو خلاص أسف والله موب بقصدي شي بس انتي استفزيتيني معليه ياخيتي وبكره عندي لك مفاجأة بتعجبك مره
سيما : صج وبفضول : وش هي
خالد : لقيت جراح ولد صديق ابوي تذكرينه
سيما فرحت : اما اللي اخته شيراز
خالد هز راسه وهو مبتسم لفرحتها
سيما تذكرت شي وتلاشت فرحتها : خلود ابوي لو
خالد قاطعها : اطمني انتو بتقولون انها صديقتك بالمدرسة وترا قلت لجراح يجيبها عندك
سيما نطت بفرحه : اخيرا بشوف شيراز اخيرا
خالد طلع وهو مبتسم وسيما خلصت تجهيز بحماس وفرحه غامره

_ عند فياض
كان قاعد مع زوجته ساره يسولفون
فياض : من زمان عن اهلك
ساره بتأييد : اي والله بخاطري بكره اسوي حلا وازورهم وبالمره ناخذ وليف معنا
فياض : اي والله وليف من زمان ماجتنا كم مره قلت لها تجي تعيش هنا بس هي رافضة
ساره بطيبة قلب : معليه يافياض وليف تستانس ببيت أهلي عند سيما وسامية
فياض : طيب اللحين زواج نايف مابقى عليه شي
ساره : ماتتخيل فرحني اختي بتجي تسكن عندي
فياض أبتسم : وين العيال
ساره : نايمين اشتبي فيهم
فياض يناظرها : صحيهم مابقى شي عالاذان
ساره : طيب راحت ساره تصحي العيال

_ عند بيت نادر
كانت نغم تجهز فطور على السفرة ونفسيتها زفت
كرشها متر قدامها حامل قعد نادر والعيال يفطرون
ونغم راحت تتجهز بتروح بيت أبو جابر