أنت الحياة ؛ ومادونك العدم...💙

البارت الثاني

صلوا على النبي 💙

_ بعد مرور ثلاثة أيام
كان أول يوم رمضان أول يوم بشهر الخير والمغفرة
كانت بطلتنا شيراز متحمسة لرمضان وتسوي حلا
دخلت أمها وهي مبتسمه لبنتها
أم جراح : ماشاء الله على بنيتي يازينك ويازين يدينك اللي تسوي حلا
شيراز أبتسمت وتقدمت تقبل رأسها : تربيتك يمه لاتنسين انتي علمتيني كل شي يالغاليه
أم جراح : فديت روحك انا
دخل جراح : الله مجتمعين
شيراز : ايه ليكون تغار بس
جراح : اما عاد انا اغار منك يالسوسه
شيراز بزعل : يمه شوفي ولدك يقول لي سوسه
أم جراح حضنت بنتها : لاتزعلين تراه بس يحارشك
شيراز طلعت لسانها لجراح
دخل أبو جراح فزت شيراز من حضن أمها بخوف
وأبو جراح أشر لهم يطلعون طلعوا جراح وشيراز
أبو جراح بعصبية قرب من أم جراح : انا كم مره قلت لك لما اصحى للشغل ماتنامين هاا
ام جراح بارتباك : هدي يارجال والله موب قصدي راحت علي نومه
أبو جراح صكها كف : وكمان تراددين ياقليلة الادب أبوك ماعرف يربيك بس انا بوريك
أم جراح ودموعها على خدها : يارجال حرام عليك الناس تصوم مروقة وانت ماغير معصب
أبو جراح بصراخ : لا اشرايك تعلميني مسكها من يدها جراح طلع لان خويه دق عليه اما شيراز طلعت من غرفتها على صوت الصراخ وشافت أبوها يضرب أمها بالصاله ركضت ودفته عن أمها
أبو جراح عصب أكثر ومسك عقاله وقام يضرب شيراز بعنف وام جراح اللي تحاول تتناسى آلالم وتحمي بنتها بس بدون فايدة لين تعب
أبو جراح : هاذا درس بسيط لكم والله ثم والله اشوف واحده تعارضني بطردها برا البيت
طلع لبرا البيت
أم جراح وبحضنها شيراز منهارات
شيراز بصراخ: ليه يمه ليه تخلينه يتطاول عليك ليه حرام عليه صرت اكرهه واتمنى يموت
أم جراح تمسح دموع بنتها وتبكي : مابليد حيله يمه أبوك من يومه كذا يهددني انه بيطردني وانا ماعندي أحد اروح له
شيراز حضنت امها وانهاروا أكثر

_ عند جراح اللي دق عليه خويه واتفقوا يطلعون يتمشون بعد العشى

رجع البيت شاف امه واخته بحاله يرثى لها
عرف انه ابوه راح لهم يطبطب عليهم
مايقدر يسوي شي بالنهاية هو أبوه مايقدر يتكلم
لو تكلم ابوه مهدده بيزوج شيراز لصديقة اللي متجاوز ال 50 عام

عائلة أبو جابر

كان الكل متجمع منتظرين الاذان وكان الكل موجود فياض ونايف ونغم ونور وجابر ونادر وساره وعيالهم ووليف وسيما وساميه وابو جابر وام جابر
رفع أذان المغرب وبدأ الكل يفطر بهدوئ
خلصوا الفطور وقام الكل لصلاة المغرب ورجعواا يتعشون خلصوا كل شي
خالد طلع لان صديقه دق عليه بيطلعون يتمشون
اما الباقي فقعدوا يسهرون مع بعض

عند جراح شاف صديقة محمد وريان تقدم يسلم عليهم وقعدوا بكافية وشوي ودخل عليهم خالد
سلم عليهم
وتقدم من جراح وحضنه واتبادلوا الحضن بشوق
محمد : افف يالخيانه تعرفون بعض
جراح بابتسامه : منو مايعرف خالد صديقي من زمان
خالد أبتسم لجراح : اخيرا التقينا ماكنت متوقع لقانا والله فقدت الامل
جراح : يارجال الله لايسامح من كان السبب
خالد : امين اهم شي التقينا
ريان بضحكة : بما انكم تعرفون بعض اليوم قهوتنا على خويلد
خالد : ههيي أصغر عيالك بعدين حبيبي ماعندي فلوس مطفر
محمد بشهقة : منو المطفر انت ياحظرة الدكتور انت لو تصرف على مجاعه اوروبا سديت جوعهم
خالد : اعوذ بالله من الشيطان الرجيم حاسدني
ريان : يله ادفع
جراح بضحكة : ادفع بس
جا النادل ومحمد وريان وجراح ماخلوا شي ماطلبوه وخالد حاسب عليهم
وقعدوا مع بعض وبعد شوي افترقوا وبقى خالد وجراح مع بعض راحوا للبحر
كانوا قاعدين ويشربون كوفي ويسولفون عن ايامهم وكيف كانوا زمان
خالد : اخخ بس لولا طمع ابوك
جراح تنهد : وش نسوي ياخالد ابوي طول عمره كذا ماتغير عجزت اغيره
خالد : جراح تذكر زمان لما كنا ساكنين بنفس الفريج كنا نشوف بعض يوميا كنت دايم تجي ديوانتا الحين كل شي تغير
جراح : خالد ابوي من يومه عصبي خرب حياتنا كلها بسبب الفلوس مايهتم فينا دايم يضرب امي حتى شيراز اذا دافعت عن امي يضربها ضرب مو طبيعي
خالد فز قلبه لطاريها : جراح ابوك ماادري من وش مخلوق وش ذا كيف متحملينه
جراح ابتسم بحزن وهو يتذكر معاملة ابوه
خالد : جراح اتمنى نلتقي دايم وعلاقتنا ماتدخلها بعلاقة ابوك وابوي
جراح : اكيد خويلد
خالد : وبعدين مع ذا الاسم ياخي كرهت اسمي منكم
جراح : هههههههههههههه احب ذا الاسم
خالد : جراحووه وبعدين

نخليهم مع بعض ونروح لبطلتنا شيراز
اللي كانت قدام المراية تتامل الكدمات اللي بوجهها ودمعتها بباب عينها دقت امها الباب وسوت نفسها نايمه مالها خلف لشي ضمت مخدتها وقعدت تبكي بحرقة قلب من ابوها
وبعد نص ساعه نامت بدون شعور نامت وهي مقهورة نامت لتنسى الواقع المر اللي تعيشه

_ عند سامية اللي محتاسة طلبت ملابس لزواجها من موقع بالنت وتوها وصلت وكانت قاعده مع سيما ووليف يجربون الملابس
وسيما لاحضت جيس تحت السرير وساميه تحاول تخبيه غمزت لوليف وقفزوا للجيس يفتحونه وساميه تسحبه منهم شافت مافي فايدة استسلمت
سيما فتحت الجيس وطلعت قمصان النوم اللي طالبتهم ساميه
انفجرت ضحك سيما ووليف
وليف : هههههههههههه يمه سامية وش ذا القمصان
سيما وهي تضحك : الله يسترنا بس
وليف : هههههههه يمه يالفشلة
سيما : ساميووه بتلبسين كذا هههههههههههههه
ساميه صار وجهها أحمر : مو انا طالبته ذا نور ونغم وساره
وليف : اخخخ بطني
سيما : ههههههههههههههههههههههههههه
وليف انسدحت من الصحك وسيما مثلها وساميه تتوعد فيهم

_ عند جراح رجع دق غرفة شيراز شاف مافي رد
راح لغرفته وهو ناوي يقول لشيراز انه لقى خالد واتفقوا يجمعون البنات مع شيراز
دخل غرفته رمى ثوبه ولبس بجامه وانسدح بتعب
وناام

انتهى 💙