وجوه لاتعرف النسيان

البارت الثالث والعشرون

البارت الثالث والعشرون
وجوه لاتعرف النسيان
بقلمي ........أيـار | ayar
✨✨✨✨✨✨✨✨✨✨✨

مَاتت كُل المشَاعر في داخلي ..

••••••••

شايف من تظل تنعاد الايام ؟
نفسها وماكو شي بيها يتجدد
يجي شكم باجر وما يختلف شي
نفس البارحة بس عمرك ازيد
ساعتها العمر مستعمل يصير
واحلامك شوية شوية تنهد
صح ينكتب عايش بالسجلات
بس انت مجرد رقم ينعد
مثل الهوا الـ بالمكبرة يدور
لا تخنگ ولا يشتمك احد
اكبر مشكلة يواجهة الانسان
من ع المشكلة يبدي يتعود .. .. .. !! 

━─━────༺༻────━─━

حيفا :ضليت صافنه وماعوفت شنهو اگول ايت عمتي وحضنتني تمسد ؏ راسي عيوني دمعوا وبگلبي اكول ليش ابوي تخليني بموقف صعب هيج

_امي كلشي رزق الله ولابد مـٰטּ حكمة بهذه الشي لاتزعلين امي ۿــــــاي علاوي ابنج تره

_نزلت دمعتي ومكدرت اسيطر عليهة رجعت حضنتني وتواسيني وادكول سامر عنده انتي تسوين كلشي بعدين هوه عنده علي شيسوي بعد بالخلفة واذا انتي ردتي ۿــــــاي اكو ايتام اتبنوا وكسبوا اجر بيهم امي

اسيل : اي حيفا واني هم اذا تردين اعتبريني بنتج

_ابتعت مـٰטּ عمة وضحكت ؏ سوالف اسيل شوية ورجع سامر عمه اشرتلي بان يسكت وما يحجي شي يعني كدامي نزلت نضري ماباوعتله و سليمة تبتسم ادكلي شفتي صبرتي وياج الافضل حيفا لاتفكرين بشي ثاني سامر مبين خوش سامر

همست اي حاولوا يسدون الموضوع همة همات ويتلافونة

نزلت جوه وطيف تريد احللهة الواجب ايت عليهة كعدت اعلمهة •بـْـٰس بالي كله شكوو شصار ويا سامر التافيت وكتلها اكتبي انتي واني هسة ياية رحت للصاله حتى اسمع

سامر : بعد اصلاً ميكدر يتقدم لحدها

_ليش يمة ليش سويت هيح

_يوم انتي صدك تجين لعد تردينة يجي بعد هوه هذه الاسبوع نتزوج وننتقل للبيت مالنه دخل هنا عادي يعني يجي •بـْـٰس هناك ابد بسرعة ينشمر بالمركز اذا فكر يجي

_من سمعت هيج نوعاً مـــآ ارتاحيت ورجعت اعلم بطيف وباقر همات اراجعله مهراب جانت تسوي كيكة لان باقر خبصها وسلومي تغسل الهدوم

خالده جانت كاعده بالديوانية تاكل عنب وتستمع لاطياف شلون تقره

مر سبوع سريع ماعرف شلون وياي يوم العرس ٢٠٠٥/١/١١
جنت لابسة البدلة البيضة واكفه كبال المراية واذكر امي مـٰטּ ادكولي شوكت اشوفج بالابيض وماكدرت دمعت عيوني واني اتذكر جاسر همات

وفاطمة وتصرفاتها وخمار ومجتبى واليهال رفعت اديه اهفي ؏ ويهي اخفف دموعي وطبت مهراب شافتني وصلت ؏ النبي وهية تباوعلي تقدمت عليه وكالت حيفاا تخبلين طالعة