وجوه لاتعرف النسيان

البارت الخامس والثلاثون

البارت الخامس والثلاثون
وجوه لاتعرف النسيان
بقلمي ........آيـار | ayar
✨✨✨✨✨✨✨✨✨✨✨

الأقدار مكتوبة لنا وكُلنا للقدر ...

•••••••••••
تابعو حساب الانستا (اقحواناتي) الجميلات 🦋
الانستا: t6_fe2

ما ينكتب هذا الشعور اليذبح
من تكتشف هذا الطريق المو صح
والرجعة صعبة وما تكمل تكدر
والیوگف بنص الدرب يتدمر
ومن ترجع ومكسور لمن ترجع
ومن تذكر السويتة روحك تطلع
وما تبچي يم احد ومحد عندك
بكل المواقف انت باچي لوحدك

━─━────༺༻────━─━

خمار: شوية ودخل قيصر حيل ضايج فرك وجهة وباوعلنه اني ولمار

_صعدن نامن ماكو شي

_بس ليش هيج ندكت الباب قوي ؟

_خمار صعدي نامي ماكو شي وانتي هم لمار بنيتي يلاا جدامي

امير: اكلك قيصر هوه مو نفس الشخص ...

قيصر : اي اي امير كافيي هوه بحدره

_ماعرف ليش من امير راد يحجي شي قيصر حاول يمنعه وبكل وضوح وباوعلي بقلق والتاف يحجي ويا امير عادي ... ضلوا يحجون باشياء عامة عاد محجيت بعد شي وصعدت فتحت الباب سربيل نايمة وحاضنة غياهب وخسوف مـٰטּ الصفحة الثانية .. همست خسوف ادني حتى انام

خسوف :هممم خمار

_ادني انام يمج سربيل نايمة بمكاني

_اي تعالي نامي خمار ليش تكعديني

_اي مو غير تصفيلي شبيج .. نمت ؏ فراشي وافكر بمامة وشنو الي سويته واثر بينه كلنه ودوم اسئل نفسي هذه السؤال الي مـــآ اعرف اجابته بالضبط وهوه الي سويته صح لو غلط واتمنى جنت احد يگدر يجاوبني عليه •بـْـٰس احس مـــآ اكدر اكول لاحد كذالك

وارد افكر شلون وضعهة حاليا مامة ياترى ...!! نايمة جوعانة عطشانة جاي تفكر بينه ؏ اكيد وخايفة علينه ضعف خوفنه عليهة ياترى هية هسة نايمة لو كاعده هية شبعانة لو جوعانة هية مرتاحة لو لاا وشلون هناك يعاملوها اذا احنة هيج يعاملونة كلتها بعقلي وبجيت متحملت رفعت اديه امسح بدموعي واحس گلبي متشضي واني السبب بكل الي صار وكل الصوج صوجي

خسوف : خمار شبيج احد محاجيج عمري؟؟؟

_لا حبيتي مابيه شي نامي ..

_ لعد ع شنو تبجين خمار!!؟

_ ماكو شي خسوف نامي حبيبتي .. التافيت ع الصفحة الثانية حتى ماتشوفني وحاولت انام بعد معاناة