فيك الجمال وصادق الحب فيني شعري يزين بوصوف زينك وطاريك

البارت « ٢ »

"  غرفة غُصن ، الليل  "

فتح عيونها تشوف النافذه يلي واضح منها ان وقت نطق الليل  ، استقامت تدخل الحمام وطلعت تصلي وبعد ما انتهت حست ببرد شديد بحكم ان بجامتها عارية الاكتاف وتقدمت تبدل وتلبس بلوزه صوف بلون البيج وبنطلون اسود  واخذت وشاحها الاسود ، طلعت من غرفتها وتقدمت تدخل المصعد وتضغط على زر الدور الارضي وفتحت جوالها تشيك على الرسايل وابتسمت من شافت من رساله من المستشفى تباشر بدوامها باكر  ، رفعت عيونها من انفتح باب المصعد وطلعت ومشت بخطواتها للمطبخ وابتسمت تشوف البنات من  النافذه  في الجلسات الخارجيه وشابين النار  ، طلعت لها كوب وحطت فيه السكر والنعناع والشاهي واخذت المويه من الغلايه تصبها واخذت كوبها وطلعت للجلسات الخارجيه والتفتوا البنات من شافوا غُصن مقبله عليهم تردف اريج : هلا بمعشوقة الشاهي ! ، ابتسمت بخفه غُصن تردف :الجو مره حلو  بس فيه برد مره قوي ! ، ابتسمت وجدان واردفت : اي مره برد الرياض مايمزح ترا ، التفتت ريم على وجدان واردفت : وجدان وش تقصد جدتي بننا نتجهز  ونجيها ؟ ، ابتسمت وجدان تردف : علشان فيه ركز عزيمه ل غالب واولاده والحريم يبون يشوفون غُصن ، عقدت حاجبها تردف : انا ؟ هزت راسها وجدان واردفت غُصن : يمه بنات ما قد رحت عزيمه ! ، ضحكت وصايف واردفت : معليك حنا معك ! ، ابتسمت غُصن واستقامت تردف : يلا انا لازم رجع انام تو وصلتني رساله من المستشفى اباشر بالدوام باكر ! ، ابتسمت وجدان تردف : زين الله يوفقك ، ارفعي راسنا يا الممرضه  ! ، ضحكت برقه وعذوبه تهز راسها وطلعت غرفتها .

،

"  الصباح ، غرفة غُصن "

طلعت من الحمام وتقدمت تلبس لبس دوامها ولابكوتها  ولبست حجابها واخذت شنطتها وطلعت من غرفتها ونزلت تحت ، ابتسمت من شافت غالب وتميم وعُدي جالسين يفطرون معا الجازي وهزاع و وجدان ، ابتسمت تردف : صباح الخير ! ، ابتسمت تميم يردف : انتي الخير ! ، ضحكت بخفه واردفت : عُدي ،سيارتي وصلت من جده ؟ ، هز راسه يردف : اي ياحلوه وهذا المفتاح ، ابتسمت تاخذ المفتاح وتردف : يلا انا بروح الدوام توصون على شيء ؟ ، هز راسه هزاع يردف : نبي سلامتك يابنيتي ، طلعت من البيت ومشت تركب سيارتها وقاطعها صوت والتفتت على مصدر  يردف : كيفك يابنت عمي ؟ ، ابتسمت بخفه ونطقت بتفكير : عساف صح ؟ ابتسم يهز راسه يردف : ايوه كيفك يا غُصن ؟ ، ابتسمت بخفه تردف : بخير الحمدالله كيفك وكيف عمي وعمتي ؟ ، ابتسم بخفه يردف : الحمدالله ، هزت راسها واردفت : دوم يارب ، انا لزوم امشي الحين قبل اتاخر  تبي شي ؟ هز راسه بالنفي  وركبت سيارتها ومشت تطلع من قصور آل نهيان ، تنهد بخفه يردف : والله انها مزيونه ، ليتها حلالي بس .

"  المستشفى  "

وقفت سيارتها  واخذت شنطتها ومفتاح سيارتها ونزلت تمشي بخطواتها يلي ساقتها لبوابة المستشفى ودخلت تتكلم معا البنت يلي في الاستقبال وارشدتها وين مكان دوامها ومشت بتجاهه المصعد ، دخلت تضغط على الدور الرابع دور المختبرات الخاصه بتحاليل ، مشت تباشر بشغلها والتفتت على البنت يلي دخلت واردفت غُصن : متبرعه انتي ؟ ، هزت راسها البنت وتقدمت تجلس واخذت الابره غُصن تحقنها في البنت وسحبت الدم تخرج الابره وتضع لها اللصق ومشت البنت تطلع ووضعت غُصن الدم في عبوه وتركتها تكمل شغلها .