شمس:- هيا كلها دقيقة بس حسيتها عمر هنا جانت الصدمة أني شسويت بنفسي أني ومحمد مسوين مصيبة والفكرة جانت من ليث فوك كل هاي صار أسنين أنام ويا محمد أذا عرف بابا يموتني مو خوفاً عليه ولا حباً بيا لا بس علمود سمعته وأسمه بين الناس وأصدقائة ومحمد ماراح يعديها سلامات أصير يا كاتل يا مكتول ليش مايريد يخليني أفرح ليش حارمني من كلشي أني ماعرف شمسويتلة ماعرف شلون لازمت نفسي وما بجيت جسمي كله يرجف وكلبي دكاتة صارو الف أباوع على محمد حالة مو أحسن من حالي ضاغط على أيده أي كلمة أيكولوها بعد ينكلب الأستقبال ساحة حرب مخلي سلاحة على طبلة لدقيقة كلت يفرغة كله بي واحد يصير كدامة متت من خوف خلصتها أعصر بيدي أعرف محمد كلش زين وأعرف بابا شنو هما الأثنين ما يتراهمون
بابا طفه الچكارة بالنفاضة وشغل وحدة ثانية وسحب من عدها نفس أحسه يلعب على أعصابي أني ومحمد
أبو شمس:- أنه شمس ما أنطيها اله برضاتها محمد عزيز عليه بس شمس بنتي وفرحتي الأولى ما أكدر أجبرها على شيء القرار الأول وأخير راجع الها وأنه كبل ما أنطيتها ردتها تكبر وتعرف الغلط من الصح لأن زواج عمر مو يوم ويومين وحتى لو ما وافقت بعد كلشي بالقسمة
*ياا بابا شنو ما وافق غير أتمنى أشرد بي ومحد يلكانا تخيلو لو كايلتها بصوت عالي😔😂
أبو شمس:- أي بابا شتكولين محمد خوش زلمة ومعدل وأعرف كلش زين راح يسعدج هاي صبر كل هل سنين علمودج القرار قرارج بابا
شمس:- أني مدري منين نزل عليه خجل بابا يباوع عليه كلها منتظرين شاكلة وجهي بوخ من خجل
أحمم الي أشوفة بابا سوي
أبو شمس:- أعتبرها صارت الك أبو جاسم
شمس:- هو كال هيج وهلاهل صارت مدري منين تجي ليث وفاطمة كلبو الجو كلهم تباركولي بس أكو أثنين من ورا خشمهن عادي أهم شيء فرحتي تكمل مالي علاقة بيهن
أبو محمد:- مبروك بابا شايفة كل الخير
شمس:- الله يبارك بيك عمو
فاطمة:- هاا ولج مبروك تقربت عليها خلصتو ولج
أفرحي
شمس:- ضحكت الله يبارك بيج
حجه ليث وهو يضحك خبيث
ليث:- مبروك أبو جاسم من جن بعد وكت
محمد:- الله يبارك بيك ولك شنيء تضحك عليه هم يلا أشوف جهالي
ليث:- عندك بعد حيل تخلف نعمة
محمد:- عندي كل حيل أنزع وشوف شسوي بيك
ليث:- شنيء سالفة مايصير نشاقة وياك
شمس:- أباوع عليهم وأضحك غمزلي حجت بيبي
بيبي:- ولج شميسة بلكي من تزوجين تعقلين يصير براسج حظ ولو ما أظن طول عمرج تبقين جاهل
