فاطمة:- يلا ولج صارلي ساعة أكعد بيج أدري داخلة غيبوبة
شمس:- بس شوي والله نعسانة
فاطمة:- وخرت المخده من راسها گبر راح تختنكين
شمس:- أحب هيج أنام هسة عوفيني
فاطمة:- دا رفعي راسج
شمس:- وخرت المخده هاي مبدلة وما باقيلها شيء وتخلص وأني حتى ملابس مامحضرة
سم ومرض ليش ماگعدتيني وياج
فاطمة:- حتى جدي من گبره گعد وأنتِ بعدج مطمورة
شمس:- رحت أركض سبحت وطلعت بس بالمنشفة لكيت فاطمة مخلصة دخل محمد بس مو محمد الي أعرفة عيونة حمر ويطافر منهن شرار وچكارة بحلكة
محمد:- فاطمة خليج بالباب
شمس:- طلعت فاطمة سد الباب كعد على جرباية سكوتة كلش يخوف نفس هدوء ما قبل العاصفة عيونة تباوع بتركيز حسيت نفسي مسوية مصيبة ويريد يحاسبني
محمد:- واكفة تاخذين خيرة
شمس:- هاا أي رحت أطلع ملابس بيت أريد أخليهن بالجنطة
محمد:- لا لا شسوين بيهن ماراح تلحكين تلبسيهن أصلاً أطلع ظيم هاي الايام كلها بيج أخليج تصيحين توبة
شمس:- هنا عرفت وكعت وكعة جيب الي يخلصني تندمت لو ما گايلة ماما أروح وياهم من الخوف نزل عليه ثول أنفش بالملابس وماكو ما كاعد الكة شيء يلبس نظراتة كلش وترني
محمد:- أشوفها أدور أطلع وماكو ملابس وأخري أنه أختارلج طلعتلها بنطرون بيج وقميص أسود
شمس:- أنطاني ملابس شنو هاي
محمد:- كس أختج ملابس چا شنيء
شمس:- مو هيج بس أريد هذيج كيمونة سودة بعد وملابس الداخلية لونهن أسود أنطاني أياهن
أحم أريد أبدل
محمد:- بدلي بدلي شايف كلشي يلا بسرعة
شمس:- مثل الحبابة نزلت منشفة وبدلت بسرعة ردت أروحلة يمشط شعري بس كلت بمكان تمشيط يصير كصة مشطت وكملت خليت مكياج و لبست حذاء باوعت بالمراية حلوة كلش طالعة بس هو ماكال اي كلمة خلصها بس يباوع ردت أخذ الجنطة
محمد:- عوفيها
شمس:- أخذها وأخذ جنطة مالتة هم كال فاطمة يلا ننزل نزلنة وتلكتنة ماما
أم شمس:- يمه ماتريكت لا أنت ولا البنات
محمد:- عمه ساعة راح أصير با12 نروح نتغده بيت أهلي
شمس:- ماما ماحجت شيء من جان يحجي وياها حجه طبيعي صعدنا بالسيارة رجع طنكر وبس يشرب چكاير الوضع صامت ماكو صوت بس طكة الجداحة خلص طريق كلة يشغل ويطفي بيهاا
يمه شنو يريد يحركني
وصلنة للبيت نزلت فاطمة
فاطمة:- وأخيراً بيتنه
محمد:- مو بيتج لجنة هيج متلهفة علي
شمس:- كال هيج هز أيده ودخل دخلنة ورا سلام على خالة وأحنه سلامنة عليها عمو بالدوام كعدنا شوية هو صعد وأني صعدت لغرفة فاطمة غرفة محمد قريبة عليها وأخو ماكاعد بالبيت كاعد يمنه
