شمس:- محمد لا لا ما يموت ولكم محمد ما يموت ويعوفني حبيبي لا تموت وتعوفني ولك حبيبي ماعندي غيرك لا تعوفني
سُرى:- كافي شمس ولج كافي فدوه
شمس:- دفعتها وطلعت بالشارع راحو ماعرف وين أختفو الولد ملتمين على محمد هستوني نزلت من رصيف
فقار:- طبي بنت كلب وين طالعة طبي
شمس:- بجيت محمد عايش أريد أشوفة أجاا جرني ولك عوفني حرام عليك هلس شعري اه ولك فقار حقير ضربني راجدني سحلني لا فقار فدوه أبوس أيدك عوفي بس أشوفه عليك العباس فقار عوفني
فقار:- أخذنها وين طالعة بنص شارع هيج فضحتنة و الأمير علي بس تطلع مرة ثانية مابقي وحدة منجن عايشة
شمس:- كعدت بالكاع خليت راسي بين رجلية بجيت بكد عمري لا أني أعرفة عايش ولا أعرفة ميت رفعت راسي حقراء أكرهكم كلكم الله ياخدكم الله يخلصني من عدكم ليش ولكم ليش تكرهوناا ليش عمو حرام هو أبنك ليش الله أنطاك محمد تف عليكم الله ياخذكم چلاب والله چلاب أحسن من عدكم حيوانات بس ماعدهم أذيه على واحد
أبو شمس:- سكتوهاا لا أموتهاا
شمس:- ليش بابا ليش كسرت فرحتي غير أني بنتك
سُرى:- كافي شمس
شمس:- دفعتهاا وأخري محد يحس بياا محد ماعندي غيره كلكم أحسن من عندي بس أني ليش بشنو غلطت وهيج عقابي جبت عمري كله بجي ليش هاا كلولي رحت على بابا ليش بابا كسرت فرحتي أسعد يوم بعمري خربته ليش موتت زوجي مو أني بنتك والله ما مسويتلك شيء حتى ما عندي أذيه على واحد خلصت عمري كله محبوسة بالغرفة لو كاعدة يمه أسئل فاطمة صارلي أسنين وياا ومن ينزل أني باب غرفتة ما أطلعة بس وكت الأكل ننزل ما غلطانين وياك ليش هيج عاقبتنة بلا عوفه هو أني شمسويتلك أبوس أيدك كلي شمسوية وهيج عاقبتني تكرهني مو ما حبيتني مو بنتك كلي بس كلي وريحني مثل كل مرة عافني وراح
أبو ليث:- كافي بابا أسكتي مابي شيء
شمس:- يا مابي شيء عمو خلي يعوفني ليش لازماتني شنو مخبلة وهيج مسويات بياا عوفني أريام فدوه عوفيني حبابة عوفيني سُرى ولجن ليش مجتفاتني عمو فدوه خلي يعوفني
أبو ليث:- عوفنهاا
شمس:- دفعتهن رحت ركض طلعت للشارع لكيته جاي يمشي حبيبي محمد يبعد أبوي عايش تقربت علي حضنته يمه محمد متت من خوف عليك بسته من صدرة عبالي ميت حبيبي أموت وراك محمد والعباس أموت وراك ما بقى يم هذول چلاب يموتوني ما يردوني بسته من خده لا تعوفني حبيبي
محمد:- مسحت دموعها ريت دموعج غسلني كافي بجي يابه چمارة كافي
شمس:- خليت أيدي على شفته كلها دم قميصة الأبيض صاير أحمر من الدم طلقة صايرة بزندة لا تكول هيج حبيبي فدوه أروحلك
