᪩ البُقعة السَوداء ᪩

᪩ باࢪت ¹ ᪩

﷽
-------------
ࢪوايةة : البُقعة السوداء .
بـِ قلمِ :
خَيال الصُميدعي ✎.
📍مُلاحضة 📍
الرجاء تصويت وتَعليق لطيف بينَ الفقرات
----------------------------------------
ما بينَ مُعترك الاحداقِ والمُهجِ
انا القَتيلُ بِلا ذَنبِ ولا حرجِ

- زمُرد -

صباح يومٌ شتاءِ بارد ، برودته الخافتة المُرتعشة تسربت بـِ حدة موحشة للروحِ قبلَ الجسد !، انها بغداد العاصمة اواخر شهر اكتوبر ، شهر الشتاء المرير !
دخَلت للغُرفة وابتسمت من شفتهن نايمات ، احلى شي بالدنيا
هنَ خواتِ ومستعدة ابيع الروح لعيونهن ، واتمنى من كُل قلبي اعوضهن عن كُلشي واسعدهن وما اخليهن يحتاجن شي
واكونلهن ام واب وما احسسهن بشعور الفُقدّ لان صعبَ انسان
يفُقدّ اعز شخصين بحياةَ بـ لمح البصر ولسبب مجهول !.
اقتربت من ليلى ندستها من اعلى كتفها احجي بهدوء
ماريد افززها لان بيها خوفة
_ لولو يلا گومي حبيبتي راح تتأخرن ع الدوام .
گعدت تفرُك بعيونها تريد تستوعب هيَ وين ، عفتها واقتربت
من التوأم كحلاء وشهلاء اگعدهن ، ابتسمت من بدت تتذمر وهاذا طبع بيها متگدر تغيرة
ليلى : شوكت يجي اليوم الي اضل نايمَ ومحد يگعدنِ .
_ يجي حبيبتي بس بـ احلامچ يلا گومي كافي تتذمرين .
صرخت كحلاء وهيَ نايمَ واني وليلى نباوعلها بـ صدمة
كحلاء : لاااااااااااا والله حليت الواجب والله .
ندستها ليلى من كتفها وصرخت
ليلى : كحلائوووووووو گومي ليش ما حليتي الواجب جيبي ولي امرچ .
فزت كحلاء تتلفت يمين ويسار مخروعة وليلى باوعتلي
بهدوء بعد ما استوعبت الي گالتَ
ليلى : طلعت عفوية .
ما رديت عليها وباوعت لـ كحلاء تتنفس بعمق وتحچي سريع
كحلاء : شنو منو اني وين ؟.
ابتسمت ليلى مُستهزءة
ليلى : بالگبور الحُمر ههههههه .
سكتت من خزرتها وطلعت تغسل ، گعدت البقية ورجعت
للمطبخ احضر الريوگ بين ما يصحون ، مديت قطعة
قماش صغيرة دائرية دائماً نفرشها ونخلي عليها الاكل من نريد ناكل
جهزت كُلشي وحاولت قدر المُستطاع احلى السُفرة وما
احسسهم بشي ، طلعن اربعتهن لابسات ملابس المدرسة
وليلى كـ عادتها تتذمر ع الصدرية تريد تشتري وحدة جديدة
لان هاي قديمَ وحقها بهاذا الشي بس شسوي العين بصيرة واليد قصيرة
التمينة كُلياتنا ع السُفرة من طلع سَندنة وعزوتنَ بـ هاي الدنيا
سَند التوأم الثالث لـ كحلاء وشهلاء سلم وگعد ياكل بدون ما يحچي شي هاذا طبعَ هادء كُلش .