᪩ البُقعة السَوداء ᪩

᪩ باࢪت ¹⁶ ᪩

﷽
------------

ࢪوايةة : البُقعة السَوداء .
بِـ قلمِ :
خَيال الصُميدعي .

📍الرجاء تَصويت وتعليق بينَ الفقراتْ لُطفاً📍
----------------------------------

- زمُرد -

طلعن يدورن عليها ومرت نُص ساعة وهنَ ماكو اتصلت عليهن ولا وحدة ترد ، مرت نُص ساعة ثانية وهَم ماكو لبست عباتي وشالي وفتحت الباب اريد اطلع وصارن بـ وجهِ ثلاثتهن وجوهن مخطوفة ، اردفت احاول اطرد الافكار السيئة الي راودتني

زمُرد : ها بنات بشرن ؟؟.

اردفت ليلى تحچي بخوف وضي تبچي وشهلاء تهدئ بيها
ليلى : زمُرد سمرة ماكو !!!!.

زمُرد : شلون ماكو بنات لا تخبلني هيَ مو راحت تنفذ فكرتها الگشرة وترجع شلون ماكو ؟؟؟؟؟.

ليلى : دورنا عليها بغرف الشباب كلها ما لگيناها عدا غرفة سيراز وشَهم لأن موجودين بـ الغُرفة ما گدرنا ندور بيها وسئلناهُم اذا شافوها وثنينهُم ما شايفينها .

مسحت وجهِ استغفر واهدئ بنفسي ماريد اتوتر لأن ما راح اعرف اتصرف اذا توترت
زمُرد : زين سولفلي شنو هيَ الفكرة الگشرة الي راحت تنفذها ؟؟.

ليلى : الفكرة تاخذ كيس نمل من هذا الاحمر يصير ناعم كُلش وگرصتة قويةة وتروح تخلي بـ ملابس الشباب ويصير طشارهُم ماله والي .

لطمت على وجهِ مصدومة من هالفكرة الي لا تخطر ع البال ولا الخاطر شلون خطرت على بالها يربي
زمُرد : اريد افهم شلون خطرت على بالها هيچ فكره ؟؟؟؟.

ليلى : ما اعرف والله سئليها هيَ ام البلاوي .

زمُرد : وانتن شلون وافقتنها على هيچ فكرة معقولة ما بيچن وحدة براسها عقل ؟؟؟؟؟؟.

ليلى : زمُرد شنو هاي شو مصرة تطلعين بينا الغلط غير هيَ فكرتها وتعرفيها من تصمم على شي تسوي واكبر راس ما يوگفها مو تعرفين طبعها انتِ اله احچي .

شهلاء : همزين ما منفذتها اني چان صار بيا الي هسة صاير بـ سمرة .

من سمعت ضي كلامها زادت بـ البچي ، رفعت راسي للسقف احچي بـ حرگة
زمُرد : الله يصبرني الله يصبرني على هيچ مخابيل ،
دُخلن دُخلن جوة هسه اني اتصرف  .

دخلتهن وسديت الباب ، سحبت تلفوني واتصلت على سَند طول شويَ يلا جاوبني
زمُرد : الوووو سَند وينك ليش ساعة تا تجاوب ؟!.