أنا مركب رفض يقبل نوايا الموج والأرياح اموت بعز لكني... أنا ما اغير مرادي

البارت الاول

يوم الجمعة الصباح اخر بيت ف الديره بيت ابو سطام (صالح عقاب آل جابر) البنات ف المطبخ يسوون فطور و العيال اللي نايم واللي يتروش واللي يجيب اغراض البيت قام ابو سطام وراح المطبخ وقف عند الباب يتأمل البنات دخل عليهم وهو يقول: السلام عليكم
البنات مع بعض: وعليكم السلام
ابو سطام: وين العيال
العنود: والله يا عمي سطام يجيب اغراض البيت والباقي مدري
غرور: يبه محمد ف الحمام و انتو بكرامة و بحر
ترددت تقول بس ابو سطام فهم و قال: لا حول ولا قوة الا بالله ذا ما يتوب طول الليل ما ينام
غيم: يبه حرام امس طول اليوم جالس مع موج (ناقته) تعبانه
ابو سطام راح وخلاهم يكملون
قامت غرور تضحك على دخلت سطام اللي ابتسم يوم شافها تضحك
غيم ناظرت فيه وقالت: تخيل المهبوله ليش تضحك
سطام وهو مبتسم: ليه عشان ابوي بيسطر بحر لأنه نايم
سطام جلس يضحك و بقوه لان سطام امس ف الليل ما نام يعني مستحيل يصحى بسرعه جلس ابو سطام يناديه يحركه لاكن بحر رايح فيها نايم اخر شي رفع العكاز و ضرب فيها بحر اللي قام مفجوع
ابو سطام يالله صباح خير قوم يا ولد قوم لا صلاة ولا عبادة قوم الله يصلحك و يصلحكم جميعاً قوم قامت قيامتك
طالع ابو سطام و بحر منخرش دخل محمد لقى بحر في وضع يفجع خاف عليه: ياولد علامك كذا وش فيك ترا مو اول مره تقوم منجلد من ابوي
ناظر فيه بحر: يا اخوي حلمت ب عمي متعب
محمد: خير اللهم اجعله خير وش حلمه
بحر: حلمت فيه جاء عندنا يطلب من ابوي يسامحه بس ابوي رفض وطلع من البيت زعلان و صار عليه حادث و كان معه بنت
محمد كان ساكت و يحاول يفسر الحلم و ما قدر فجأه طب عليهم ابو سطام و سطام: الا يا كلاب اخوكم قام و تروش و لبس و جاب اغراض وانتو هنا تسلفون قام محمد وقال بسرعه انا جالس البس بس شفت بحر نايم وصحيته
بحر وقتها حس بغدره و جاء بيتكلم انجلد من أبوه ناظر سطام محمد وهو عارف انه كذاب بس اشر له محمد اللي لا تتكلم لا تجيب العيد ف بحر علطول سطام سكت بحر قبل يتكلم: خلاص يبه ريح بالك الحين يتروش ويجي صح بحر
واشر ل بحر اللي كمل لا تروح ف ستين داهيه قام بحر و حب راس ابوه وهو يقول: ابشر يا ابو سطام بس تعرف موج مدري وش فيها تعبانه وجلست معها شكلها حامل
ابتسم ابو سطام لهم وطلع قال سطام: انتو وراكم علم بس بعد الفطور أتفاهم معكم
طلع برا على دخلت عمه و اهله قام يرحب: يأهلا والله يا عم نورتنا
ابو برق: النور نورك يا وليدي
سلم سطام على الباقي و جلس طلعوا بحر و محمد وسلموا عليهم وجلسوا يفطرون والحريم ف البيت بعد ما خلصوا اكل و البنات رتبوا وسوا شاهي ل الرجال ف الحوش ابو برق: اسمع ياخوي والله ان الزعل مو حلو بذات ان زعلت من اخوك اللي انت ربيته ترا الحياه ماهي طويله وانا اخوك متعب اخونا و المفروض نسامحه الحرمة شافت حياتها واحنا زعلانين على اخونا ياخوي ما تدري يمكن ربي ياخذ عمرك بعيد الشر او هو يصير لها شي مستحيل تسامح نفسك ياخوي هو جاي اليوم حاول تسامحه
ابو سطام: مدري والله اش اقول بس عطني وقت افكر هو كسر كلمتي قدام عمي اللي انت بنفسك تعرف قد ايش اكره بسبب اللي سواه فيني
بس خلاص حياه الله
العيال
برق: اقول يا عيال تتوقعون ابوي وش قال لعمي عشان وجه قلب كذا
بحر ناظر محمد و سكت و لا تكلم بحرف واحد بدا يهوجس اللي نطق وقال: تكلموا عن عمي متعب
العيال ناظروه ب استغراب كيف عرف
عبد العزيز: ياولد كيف عرفت ولا هبدتها من عندك
محمد: لا الاخ حلم بعمي جاي يعتذر من ابوي و عمي محمد عشان كذا تكلم من يوم صحى و هو مزعجني يقول رواية
برق انهار يضحك والعيال منصدمين ليش يضحك قام برق قال: يابوي ذا ذاك اليوم قال انه حلم بعمي متعب يوصيه على بنته وهو اساسا ما يعرف معه بنت او لا انا اقول خلوه يروح عند شيخ يقرا عليه شكله في جني متلبسه
انهارو العيال ضحك على بحر اللي مو معهم اساسا ويهوجس ب ابو موج والبنت اللي معه ف السيارة
فجأه الباب دق والكل قام مفجوع راح عبد العزيز يفتح و يوم فتح الباب بحر فز وهو يناظر اللي على الباب ويناظر بحر و العيال
ابو موج: السلام عليكم هلا والله هلا والله بعبد العزيز هلا بولد اخوي
رد عبد العزيز السلام و هو مفجوع كيف توهم يتكلمون عنه فجأه دخل عليهم دخل ابو موج و سلام و ردوا عليه السلام قام ابو سطام يقول للعيال: يا عيال يلا على المجلس و بحر دخل بنت عمك عند البنات هز بحر راسه و اشر لموج تلحقه كان يمشي وهي وراه تناظر الأرض فجأه بحر وقف وصقعت فيه و طاحت ناظر بحر فيها نظرات استحقر و ما اعتذر انقهرت منه مره و قامت فجأه جت ريتال تركض و تنقز على موج و تضمها و هي مبسوطه انها معها ناظر بحر فيهم وراح للعيال ف المجلس اللي اول ما دخل نقزوا عليه يسالونه وش شاف ب التحديد بس هو قالهم بعدين تعرفون نروح ل الحوش الأخوان مجتمعين وكل واحد يناظر الثاني تكلم ابو موج و قطع الصمت و هو يقول: ياخوي انا اعتذر والله بس افهمني تكفى انا ماكنت ابي البنت و لا احبها بس انت الله يصلحك بس ما اخذت شوري ورحت علطول خطبت لي وانا اساسا كنت ب صارحك اني ابي وحده قلبي اللي اختارها
ابو سطام: اسمع وانا اخوك انا مسامحك بس ابي بنت موج ل ولدي بحر
فجأة ما يسمعون الا صوت الكاسات على الارض و العيال طلعوا من المجلس و البنات من البيت ابو موج خاف يوم شاف موج واقفه و مصدومه نطق ابو موج: يابنتي ا
قطعت كلامه موج وهي تصرخ و تصيح: لا يبه لا يبه تكفى يبه تكفى ما ابيه يبه الله يخليك يبه كانت تبكي و تصيح بشكل مخيف يبه تكفى يبه ما ابي اخسر حياتي و دارستي عشان صلح تكفى يبه اساسا ذا مو اخو ذا الاخ ما يزعل من اخوه يبه تكفى الله يخليك يب...
أغمى عليه و اخذها ابو موج و هو يركض ل السيارة و راح فيها بسرعة على المستشفى