أنا مركب رفض يقبل نوايا الموج والأرياح اموت بعز لكني... أنا ما اغير مرادي

البارت الثاني

عند باب المستشفى وصلت سيارة ابو موج و نزل ابو موج وهو شايل بنته دخل بسرعه الطوارئ أخذوها الممرضات ودخلوها الغرفه جلس على الكرسي متوتر رايح عن باله بحر اللي وقف وراه: مستحيل مستحيل اسويها ف بنتي الوحيدة بس بحر رجال و النعم فيه بس مين يقنع موج الله ييسرها واخوي الله يهديه ما أعطاني مجال ارفض مدري وش اسوي الله يفرجها يارب
طلع الدكتور: الحمدلله المريضة بخير بس انهيار عصبي بسبب الضغط بس لازم تنتبهون عليها
بحر: شكرا دكتور الله يسعدك نقدر ندخل
الدكتور: العفو و ايه تقدر تدخل بس بدون ازعاج لو سمحتوا
راح الدكتور و دخل ابو موج على بنته وهي منسدحه على السرير و نايمه جلس جنبها وجلس يمسح على شعرها دق بحر الباب و طلع له ابو موج و شكره وقال له بحر ان بس تخلص المحلول يرجعون البيت بعد مرور نص ساعه طلعوا من المستشفى متجهين للبيت موج كانت غارقه في بحر الهواجس لدرجة ما لحظت ابوها اللي جالس يناديها استوعبت ان ابوها يتكلم: هلا
ابو موج: تبين اكل شي قبل نحرك
موج: لا شكرا بس ممكن نرجع البيت
ابو موج: ايه اكيد بنرجع الحين
موج: لا يبه اقصد بيتنا اللي ف الرياض
ابو موج نزل رأسه بيأس من ان ممكن علاقة مع اخوه مايبي يخسر بنته بس بعد يبي اخوه كان محتار مو عارف وش يسوي نزلوا عند المحطه عشان الحمام (الله يكرمكم) دخل بحر البقاله و ابو موج راح يصلي
و موج جلست ف السيارة تهوجس طلع بحر من البقاله متجه ل السيارة شاف عمه جالس يكلم بنته و موج تبكي وقف يعطي عمه و بنته خصوصيه جلس يقول ف نفسه: وراها ذي انهبلت و تتزوج مين ابوي وش جالس يخبص كفايه انه خلاني اخسر امي يبي يزوجني الحين ولا من مين من بنت المدينه وهو قطع علاقته مع عمي عشان متزوج بنت مدينه قطع حبل افكاره ابو موج وهو يقول لها: يا ولدي انا بروح الحمام وانت انتبه ل بنت عمك حرك بحر رأسه بمعنى تم
راح ابو موج الحمام و التفت بحر ل السيارة شاف موج جالسه تتأمل الشارع اتجه ل السيارة فتح الباب و دخل وهي باقي تتأمل ناظرها بحر بحيره وباله مليان اساله كثير عنها وش تفكر فيه وليش رفضت قطع الصمت بحر وهو يقول: احح ي بنت العم
لفت له موج تناظر فيه و ساكتها
بحر رجع تكلم: هي انتي
ردت موج: عندي اسم لو سمحت
بحر: وانا وش عرفني ب اسمك
موج: موج وش تبي
بحر: قال وش قال ابوي ل عمي لدرجة انك انهرتي وليش ف المستشفى عمي جلس يقول انه ما يقدر يختار سعادته على سعادتك (اكيد الكل يسال ليش يسالها وهو يعرف بس هو يبي يتأكد لان مو واثق هو بس توقع) موج: بابا قال كذا
بحر: انتي تركتي كلامي كله و ركزتي على كلام عمي ايه قال كذا
موج: عمي اللي هو ابوك يقول اذا بابا يبي الصلح  لازم يوافق على سكتت وناظر بحر فيه نظرات اللي ايوه كملي كملت كلامها اللي صدم بحر: على زواجي منك
بحر لف وجه على قدام على جيبت ابو موج كان منلخم مو عارف وش يسوي بس كان يبي يرجع البيت بسرعه عشان يكلم ابوه
عند موج كان تفكيرها طول الوقت ف ابوها و زاد تفكيرها بعد ما عرفت كلامه ف المستشفى: موج اسمعي انتي بنت ذكيه و معك مستقبل لو تزوجتي بحر رح تخسرين كل شيء بس بابا تعب عشان عمره ما حسسني ب شعور فقدان الام كذا اجازيه لا لازم اوفق
موج يا موج لفت موج على ابوها: هلا بابا
ابو موج: انزلي يا بنتي وصلنا البيت
دخلوا البيت على صراخ بحر اللي وصل ل اخر الديره كان معصب و يصارخ: ليش يبه ليش تخير اخوك ب سعادته او سعادة بنته ليش تخلي بنت اخوك تتزوج واحد ما تبيه ليه تتكلم قبل لا تسألني ليه انت ما تحس ما يهمك احد اهم شي نفسك ليه انت خليتني اخسر امي بس اني اخسر حياتي عشانك لا مستحيل انا أساسا ما ابيها ما ابيها وشد على الكلمه مره ثالثه انا ما ابيها
قام ابو سطام و اعطى بحر كف من قوته صرخت موج بخوف وعم الصمت بينهم ناظر بحر ابوه بدون اي كلمه أخذ اغراضه وراح العزبه جاء محمد بيلحقه بس رفض ابوه حتى برق ما قدر يروح بسبب عمه
ابو موج: استاذنك يا اخوي والله ان خاطري تسامحني بس ذي حياة عيال ما نقدر نلعب فيها استودعتك الله يا يبه
لف ابو موج طالع وقفه كلام ابو سطام: سطام و محمد أبيكم تعزمون بكرا اهل الديره كلها بمناسبة رجعت اخوي لي
ابتسم ابو برق وقرب منهم و ضمهم وهو مبسوط و ريتال كانت مبسوطة لان زي ما ابو سطام و ابو برق اخوانها بعد ابو موج اخوها الحنون اللي تحبه بس ما تنسى ان ابو سطام اللي رباها تقدمت ودخلت ف الحضن الجماعي اللي صوره برق و ارسله ل بحر
وكاتب له: عمي وافق انه ينسى الماضي بدون زوج
رد بحر: ابوي و اعرفه يومين و يروح يخطبها لي وقول بحر ما قال
قفل بحر جواله و رماه وراح عند ناقته موج يطمن عليها جلس بحر ف العزبه بعد ما تطمن على ناقته فجأة درعموا عليه العيال يسولفون و يضحكون ناظرهم و ابتسم وعدل جلسته وجلسوا معه وجلسوا يسولفون و يضحكون الين جاب محمد طاري موج
محمد: يا عيال شفتوا موج بنت عمي متعب حسيت انها كانت ب توافق على شرط ابوي بس ابوي سبقها وكنسل الفكره
بحر لف ل قدام وتكى و قال لهم: مستحيل توافق تبي شخص من المدينه عشان يخليها تصيع على كيفها
رد عليه عبد العزيز ب نرفزه من كلامه: يا بحر يرحم والديك مو كل بنات المدن صايعات و داشرات في اللي محترمين الحين لو ريتال راحت مع عمي متعب كان قلت عنها وهي بعد صايعه؟؟
بحر: انت بالله كل زق وش دخل ريتال في موج الحين ريتال مستحيل تسوي كذا لان جدي لان اللي ربوها اهل ديره بس موج امها من بنات المدن و لا تنسى انها لعبت على همي عشان يترك اهله
قام عبد العزيز ب عصبيه و اتجه اللي بحر و اعطاه كف انصدموا العيال كلهم و قاموا يمسكون بحر واللي يمسك عبد العزيز: اتمنى يا بحر عمي ما يغير فكرته ب زواجك من موج بكون اكثر شخص سعيد
ناظر فيه بحر بحقد: يا كلب والله لا اخذ نفسك يا حيوان مين انت تمد يدك علي وعشان مين بنت مدينه لا جت ولا راحت
طلع عبد العزيز و لحقه برق وجلس بحر ب عصبيه و جنان وده يروح يسطر عبد العزيز و موج ما يدري وش دخل موج بس كذا يحس من يوم ما جت خربت علاقته مع عبد العزيز
عند البنات كانوا جالسين سوالف و ضحك الا موج بس تهوجس راحت غيم و جلست جنبها و تسولف بس موج لا حياة لمن تنادي دخلت عليهم العنود وقالت لهم ان عمتهم عبير بتجي علطول لفت عليها موج وهي تقول لها: ف ذمتك
ناظرتها غرور نظرات اللي صار لهم ساعة يسولفون معها وهي متجاهلتهم
قامت ريتال و قالت: موج مبسوطة عشان عبير وسارة و انا صار لي كم ساعة اسولف معها و نزلت كم دمعه من دموع التماسيح عشان يعطفون عليها ناظرتها موج و علطول بكت معها(تبكي بصمت)وراحت تضمها  على دخول العيال اللي يوم شافوا عمتهم تبكي كلهم فزوا لها و أولهم بحر: افا يا عميمه من مبكيك
ناظرت فيه و بعدها ناظرت ف موج الا و تشوف موج تصيح علطول مسحت دموعها و تعتذر ل موج وتقول لها انها كانت تمزح و بالعكس ما زعلت منها و عادي و زي ما ريتال تشوف عبير امها حتى موج لان عبير هي اللي ربتهم بعد الدراما ذي كلها خرب ام الدراما برق يوم سوى نفسه يبكي معهم و طاحت موج تضحك بحكم انها من النوع اللي يضحك على اي شي
سطام: بنات عيال يلا ندخل نرقد والله بكرا لا يلعنا ابوي لو ما صحينا راحوا البنت الغرفة حقتهم و عبير اخذت بناتها ودخلت هي وسطام غرفتهم اما برق ف راح بيته بعد ما ودع العيال (عبد العزيز راح بيتهم من اول) دخل محمد المجلس و بحر راح عند غرفة ابوه و دق الباب: مين؟
بحر: انا يبه عادي ادخل
ابو سطام: ايه ادخل
دخل بحر وجلس على السرير وهو يناظر ابوه: يبه انا اسف ما كان قصدي ارفع صوتي عليك وانا والله اني غلطان بس اتمنى تتفهم موقفي وانا جاي عندك عشان اقول لك اني موافق على الزواج بس خل يجلسون فتره وبعدين نتكلم
ابو سطام ب فرحه قام و حضن بحر: والله اني دريت يا ولدي انك كفو و ماتخلي بنت عمك للغرب
قام بحر باس راس ابوه و طلع و هو مبتسم لان كان ناوي يقهر موج و يبين للعيال و بالأخص عزيز انها من بنات المدن و كان في باله انه بياخذها و يربيها ما كان يعرف ان ممكن بسبب ذي الحركه رح يحبها دخل ونام
اليوم الثاني
قامت موج على صوت البنات اللي واصل اخر الديره اخذت لها ملابس و دخلت تتروش طلعت و سويت شعرها وراحت للبنات تساعدهم بعد ما خلصوا طبخ قاموا يسرفون و أكلوا و بعد ما شالوا الاكل قام ابو موج يناديها عشان تسوي لهم شاهي
موج: هلا بابا
ابو موج: ارحبي يا موج بالله نبي شاهي من تحت يدينك
موج: ابشر يبه
راحت تسوي على دخلت بحر اللي كان واضح عليه النكد و سلم على عمامه و ابوه وراح المجلس انسدح و نام