أنا مركب رفض يقبل نوايا الموج والأرياح اموت بعز لكني... أنا ما اغير مرادي

البارت الثالث

لاحظت موج نظرات بحر و استحت ابتسمت له و دخلت على البيت بسرعه و على دخلتها قابلت غيم الي جلست تناظرها نظرات الي اعترفي وش صار مشت موج متجاهلتها الا و تحشرها غيم و تنادي البنات و تجمع كلهم على موج
موج: خير وش في يا ماما
ردت غيم ب مكر: ليش رجعتي و جهك احمر
غيم ضحكت: اف اف كنتي مع مين اعترفي سريع
ريتال: كانت مع حبيب القلب بحر صح
وجلسوا يضحكون
العنود: انتبهي ترا بحر جريئ والله بعدين تلاقين نفسك حامل ما تدرين
موج ب خوف: بنات خلاص اسكتوا
ساره: لا والله ما اسكت الا لما اعرف وش صار
غرور: صادقه ساره علمينا واحنا نسكت
تنهدت موج ب قهر منهم وسوت شي ما كان في الحسبان جلست تصيح و البنات انخرشوا ليش تصيه وجت عبير و تجمعوا الحريم عليها قربت منها عبير بحنيه و ضمتها و جلست تطبطب عليها و اخذتها و دخلتها الغرفة و سدحتها على السرير و انسدحت جنبها وهي تقرأ عليها بصوت خافت حلو يرد الروح غصب نامت موج و طلعت عبير معصبه و جمعت البنات و الحريم مع الرجال و العيال برا ف الحوش
عبير بعصبية: بنات علامكم على البنت
ابو سطام: اي بنت
عبير: موج جيت وهي تصيح بسبب البنات
ابو موج: طيب هي الحين وين هي
عبير: نايمه
ابو موج ابتسم و رجع جلس مكانه
تكلمت ساره ب صوت المظلومه: يمه انا مالي دخل والله البنات
غيم: كذابه وربي كذابه كلنا كنا ف الموضوع و كلنا خوفنا موج
غرور: اح والله غيم اللي بدات و نادتنا معها ولا احنا ما توقعنا موج تصيح والله
عبير: طيب وش الموضوع اللي بيخليها تصيح
ردت العنود ب فهاوه: والله جلسنا نخوفها من بحر
علطول البنات صار يضربونها وهي انحاشت عند سطام اللي ضمها لحضنه و ما سمح ل وحده فيهم تقرب
بس وقفهم بحر: كيف تخوفوها مني
هنا البنات خافوا و عرفوا انهم راحوا فيها
ردت ساره: لا لاتخاف مو جالسين نخوفها جلسين نعلمها الواقع
رد بحر بعصبية: اقول احترمي نفسك لا اعلمك الاداب الحين
جت بترد ساره بس مسكتها العنود خوفاً من عصبية بحر اللي كل اهل الديره يعرفونها
سكتوا كلهم على طلوع موج اللي صدمت الكل رسميا من كلامها اللي هو انهم يجهزون ويروحون المدينه يشترون و يجهزون للعرس كان يدور في راس الكل معقوله ذي اللي كانت بتموت اول ما درت انها بتتزوج سبحان الله مقلب الأحوال
قامت غيم بحماس: يلا صدق خلونا نروح بليز يلا بحر يلا ترا ذا زواجك
قام ابو سطام: امسوا و بكرا و خير الحين الساعه تأخرت
ساره: يا خالي ترا الساعه توها تصير تسعه وين متاخر
رد عليها ابو سطام بعصبيه: انا قلت متاخر يعني متاخر
خافت ساره و دخلوا البنات البيت دخل بحر بس مافي احد لاحظه ودخل عند موج اللي دخلت من قبل
موج: خير وين عايشين ليش تدرعم علي كذا
بحر بضحكه: هدي هدي وراك
موج ذابت ف ضحكته اللي كانت تجذب بعدين استوعبت
بحر: وش أعجبتك
موج بتوتر انه لاحظ نظراته لها: ااااا لا وش دخل
بحر قرب منها وهي خافت خوف قرب وهي تبعد بس وين تبعد وين صقعت ف الجدار و من الخوف مسكت صدره بدون قص بحركه لا اراديه ناظر يدها بضحكة
بحر: ياخي موج اعترفي انك تحبيني
موج بصدمه من كلامه: ها لا والله
ضحك بحر من كل قلبه: ههههههههههههههههه ياخي والله انك تضحكيني لازم اعجل ف العرس عشان اصير الضحك براحتي ههههههههههههههه
لعب بشعرها و طلع وهي ذابت و جدا (نعم بطلتنا بدات تزحلق ل بطلنا او اساسا زحلقت وانتهت)
موج مسكت على قلبها: اخ ياربي وش ذا موج لا تحبينه لا تنسين تراه مجبور عليك الله يعين
الساعة 12:00 الليل
الكل نايم الا بحر و موج كل واحد فيهم يفكر بثاني
بحر كان يتذكر تفاصيل وجهها و ضحكتها ذاك اليوم عليه بحر: ‏غدت ذكراك شمسٍ ما تغيب وصورتك ظلّي ..