عند دانه الي كانت على كتبها وتدرس وكان تفكيرها يشرد بين فتره وفتره لان ابوها ماخلها تروح لي العرس وتنبسط دخل ابرها فجأة وصار يشتمها ويضربها واخد دفترها وشقة وهي تصرخ وتقوله وش سويتت
دانه:قولي وش سوييت لاتضربني
ابودانه:وش سويتي هاا وش سويتي ليه ماضيفتي ضيوف عمتس اليوم هاا
دانه:اي ضيوف انا ماشفت احد ولا احد كلمني
ابودانه وهو يضربها:وتكدبيين بعد والله لا ارد اربييك
بعد نص ساعة من الضرب طلع وتركها في المها ووحدتها وخوفها تمنت وقتها انها تكلم عبد العزيز وتقوله وتكلم غزل او اي احد يجي ينقدها من العذاب الي هي فيه وقفت وراحت لي الحمام غسلت وجت لمت اغراضها الي في الارض وراحت على فراشها الي على الارض ونامت بعد موجة بكاء
في القاعة عند غزل الي صار وقت زفتها وهي حاسه نفسها رح تموت وقفت على الدرج وصار وقت الزفه وانزفت على اغنيه
لا اله الا الله لا اله الا الله
الف الصلاه والسلام
عليك ياحبيب الله محمد
وانزفت وقفت وهي تشوف اخوانها ويتوسطهم جدها وعمها ابراهيم وزوجها
حست بالعبره تخنقها وكانت تحاول تبعدها بس ماقدرتت وتقدمت تروح لهم وحضت علي الي كان فراقها صعب عليه بكت وبكت وهو كان يهديها وصلت عند سلطان الي يحاول يخبي دمعته بس خانته دمعته ونزلت وحضنها بكا معها بعد سلطان جاها المدني اخوها وخضنها وهو الوحيد الي ماقدر يفكها الا ب الغصب من كتر مابكا معها
وصدلت عند الجد قاضي وقال لها:ربي يحفضك يابنتي وديري بالك على نفسك وعلى جوزك وبيتك ولاتهملين دراستك اعرفتس انا مهمله وقال لها عشان يغير مودها ولا غيرتي رايك نفس ماتقولين زمان ان تزوجت والله ما ادرس
غزل بضحكة فيها بكيه:خلاص ياهي كنسلت
ودعوها وياعدوها اخوانها تركب في السياره وراحت وكانت طول الطريق ساكته وعلى ساكت مافي غير اغنيه
عن جمالك لو درو اهل الجنووب
صارت الخطوات لاجلك مشمله
كملو لعند ماوصلو الفندق ونزلت وساعدها لعند وصلو لي غرفتهم
على:انا بجيب العشاء
غزل هزت راسها من دون ماتتكلم راحت وغيرت الفستان ولبست فستان ناعم بيض وفي اطرافه لولوتدكرت نصايح عمتها ميار لها قبل2ساعتين
ميار :حبيبتي غزل لاتقعدين مفهيه ويروح زوجتس مننتس لازم تكشخي وتتزيني
غزل :عمة لا انا احبه ولا هو يحبني
ميار خلي يحبتس ليه لا ولا تبي وحده تجي تاخده منتس
غزل :عمه ولو سويت ذا كله وماحبني وش منضري اكيد بتفشل
ميار:لا ماراح تتفشلين
ضفت النور وخلت الابجوره مشغله كانت نيتها انها تستلقي بس خانتها نيتها ونامت
الصباح عند ايه ومحمد الي من الاصل مانامو وكانت نيتهم انهم يكملون سهرتهم وينامو بعد الصهر خرب عليهم مخططاتهم انصال الجد الي وصلهم
الجد قاضي:تسمعني ياولد
محمد وهو وده يصيح:ايوا ياجدي اسمعك
الجد قاضي:اجل وش كنت اقول
محمد:نجي نتغدى عندك اليوم لان علي بيسافر
الجد قاضي :بيض الله وجهك يلا ربلغك حرمك
محمد:ابشر
سكر الجد من الاتصال والتفت عليها وهي توها متروشه وترطب جسمها
محمد:ايه جدي يقول تعالو تغدو عندي اليوم
ايه بتنرفيزه:ليه ابغى اناام
محمد :مسوي غداء عشان علي بيسافرر اليوم المغرب
ايه :امرنا لله وش نسوي نقووم نروح قامو وهم يجهزون نفسهم
عن. علي وغزل
صحو الصبح وفطرو وقال علي
علي:جيت امس لقيتس نايمة
غزل الي ودها تطق ميانه بس ماهي عارفه اشلون:انت تقول طالع تجيب عشاء وتاخرت وانا ماقدرت اقاوم ونمت
علي :والله مو بقصدي بس تاخرت شوي
غزل :ليه وش عندك
على الي منصدم شلون تسولف معه بكل ارياحيه:والله طلعت لي شغله في المركز ورحت
غزل: وهي تاخد زيتون :وانت معرس؟
علي :لا بس طلبو من توقيع على اوراق النقل ورحت
سكتت غزل وراحو هم الاتنين يتجهزون غزل وهي تلبس عبايتها
وعلي يعدل شماغة نزلو لي السياره وشغل علي اغنيه
عشقي انا عشق الشيووخ
مافيه معنه لي الرضوخ
كان يدندن معها شافته غزل:عشتوو وشتيف نفسه بعد اقول لاتصيير خويي وشغل لنا شي ينسمع
علي وهو ماسك الضحكة:وانتي وش محرق رزتس هاا
غزل بطرف عين:مخليني نايمة بلا عشاء والصبح متاخر ماصحيت بدري والحين يغني كانه ماصار شيي
علي:الاخت ماخده على خاطرها
غزل :والله لعلم جدي هدي من اولها كذا
ضحك علي عليها وعلى تصرفها الي كانه بزرر
شافته يضحك اخدت الجوال وحطت اغنيه
فارقة ماتشبهين الاك ياصعب المنال
لك محبه يلعنود وكل قلب يوسعك
علي ناضرها وقال:اسووف النرجسه قويه عندتس
غزل وهي تلعب باضفرها:مالك دخلل
سكت علي وسكوته يعلن ان وصل لي بيت الجد قاضي
دخلو الحدقيه ونزلو وكان مقابل المجلس كذا جلسه صغيره يجلس عليها الجد لنا يبغى يخدم العيالل
الجد قاضي:ارحبو تراحيب الحياة يالله انك تحيهمم وقف وهم اسرعو له
غزل:الله يحيك ويبقيك يا ابويي
الجد قاضي وهو يبوس راسها :حيا الله غزل قلبي وهلا ومرحبا انشهد انك كنتي مسريه لنا جو في البيت
غزل:كنت ادري انكم بتموتون من دوني
عبد العزيز من وراهم :لسانتس ماقصر لي الحين
غزل:وليه يقصر حبيبي ريح نفسك
عبد العزيز وهو ماسك ادنها وضمها:اي والله ابوي صادق والله اشتقنا لتس
علي الي كان تاكي على الجدار:ترا انا بعد بعدت عنكم ولا هي بس الي تزوجت وبعت عن اهلها
غزل قبل يردوم كلهم :مووت حره زي ماخليتني امس من دون عشاء وراحت وخلتهم
عبد العزيز وهو مقطب حواجبه:وش يالفة العشاء
علي :كل الي صار اني رحت اجيب عشا وطلبوني في المركز وتاخرت شوي
الجد قاضي:راح تمسكها لك ليوم الدين
علي:الواضح كذا
دخلو وصارو يسولفو لعند جاء وقت الغداء التمو حول الطاوله وكل احد اخد مكانه بس المرا ذي غير ايه جنب محمد وعلي جنب غزل وبدو ياكلو ويضحكو خلصو اكل ومر بيهم الوقت لعند ماوصل المعرب صلو الرجال جماعة ودخل علي ينادي غزل:غزل يلا قبل يتاخر الوقت اكترر
غزل هزت راسها وودعت جدتها والبنات وطلعت ودعت اخوانها وجدها وركبت في السياره
غزل:علي بسائلك انت جبت الاغراض من الفندق
على:ايوا جبتهم ورا حاطهم
هزت راسها غزل ومشى علي ووقف على قهوه واخد له ولها قهوه ودونت
وطلعو وهن في الطريق تافف علي وقال لها:شغلي لنا شي نسمعه
غزل:يمكن دوقي مايعجبك
علي :نجرب وش ورانا انتي وش دوقتس
غزل:شوف انا احب كل شي واكتر شي احبه عبد المجيد عبد الله
بس الحين يعني صرت امييل لي اغاني الشامي
علي:يعععع وش دا الذوق المخيس
غزل :بسمعة غصب عنك
وشغلت
ولييه بعتي البي وصارت تغني وترقص مع الاغنيه وهي مبسوطه وعلي مبسوط على خبالها ويضحك عليها .
