عند غزل الي ماكنت تعرف وش تسوي وماسكة الدمعة وتشتم نفسها ميه مرا عشان شكت في صديقتها واختها وحبيبه قلبها مر الوقت وكانت الساعة ورجعو البنات من المدرسه طلعت من المطبخ ميار وشافت ان غزل لي الحينها ع المرجوحة في الحوش الخلفي وحولها ورود تطالعهم مشت عندها وجلست جنبها
ميار :حبيبتي ليش جالسه هنا وخده البنات رجعو من المدرسه
غزل:عمة تهقين ايه تسامحني
ميار :وليه ماتسامحتس انتي صح غلطت يومتس شكيتي فيها بس بعد غلطت يوم ماعلمتس وايه قلبها طيب راح ترضى عليك
غزل :تهقين كذا
ميار :ايوا ويلا قومي روحي لها
غزل :طيب
وقفت غزل وقالتها ميار :ترا ابوي حدد زواجك انتي وعلي وايه ومحمد نهايه الاسبوع
غزل بخرشه:شلوون
ميار :والله ابوي زهق منتس ومنها ومنهم كلهم وقال بجوزهكم نهايه الاسبوع عشان يرتااح منكم
غزل الي رمت حجره صغيره عليها وراحت
فوق عند ايه فتحت غزل الباب طالعتها ايه وضحكت لها وراحت ضمتها وهي تبكي:اسفه والله ماكنت ادري ولا ركزت تكفين يامحيني لا تزعلين مني
ايه:انا مازعلت منتس وانا بعد غلطت ماقلتس انهم نبتهم شينه
غزل:اي كان قلتي لي وش كان بيصير
ايه :خلاص اخر مرا
فتحت الباب بشرى وضحكت:مشاء الله طاح الحطب
ايه وغزل مع بعض:طاح الحطب
بشرى :اجل يلا ننزل نتعشا
غزل :ما ابي الحين يطلع في وجهي علي مابي
بشرى:حبيبتي انتي بتزوجينا وبتصبحين وبتمسين في وجه وتقولي ما ابي!
غزل :انا ماخاييفة على نفسي خايفة من الي قاتلها الحب ذي
بشرى طالعت ايه:تحبي
ايه :امووت فيه مو بس احبه
غزل :خايسه
دخلت فطوم :وجع نرسلتس عشان تكلميهم وتسمي معاهم
ضحكو وطلعو ينزلو مع بعض
الجد قاضي :ربي يدووم عليكم
البنات :امين
فطوم :ارسلنا بشرى عشان تناديهم اصعد والقيها تسولف معهم
ميار:امووت واعر وش السي الي تسولفونه وقت الاكل
غزل وهي تلعب بخصله من شعرها :اسرار دوله
بشرى بتذكيرر:بكرا ايه بتسوي لنا سينابون حقها مرا اعجبني وفنان
ايه:متى ماقلت
بشرى :ماقلتي بس بتسوي ولا اقول الي قلتي
ايه:ماحد راح يصدقكك
بشرى وهي ترفع الجوال لودن غزل :ماخلت كلمه ماسجلتها
ايه :مارح اسبك احتراما لي الموجودين
بشرى:باسوي لنا ولا اسمعهم
الجده غزال :بسكتوون ولا شلون
سكتوو وتعشو وقال لهم الجد :بكرا بتملكون
انصدمو الاربعة وقال علي:مو كانه قريب
ايه :وقريب مرا بعد
غزل :ومايمدي ان نتجهز وندور فساتين او نعزمم
محمد :خلها في يوم الجواز وخلاص
الجد :انا قلت بكرا بعني بكرا دق الباب عيسى ودخل
عيسى:بابا في جماعة برا يقول تعال
طلعو الجد وعياله وانصموو لما شافوو شنار وعياله برا
الجد قاضي :وش تبغى يا شنار
شنار:لا يا قاضي ماهقيتها منك كذا تستقبل ضيوفك
الجد قاضي :تفضل
دخلو لي المجلس وراح سلطان يصب قهوه
الجد قاضي:ماقلت لي وش تبغى يا شنار
شنار:جيت ابغى اطلب ايد بنت المرحوم خالد لي ولدي منصور على سنه الله ورسوله
الجد قاضي طالع عياله وعينه جت على العلي الي يطالع منصور وهو وده يقوم ويقتله والمعروف ان منصور وعلي بينهم عداوه ومايحبو بعض
الجد قاضي :بس البنت مخطوبه ماقالو لكم الحريم
شنار :الا قالو بس نحنا جينا قبل
علي بانفعال :وشدرااك ان جيت قبلل ها!
منصور :لما الكبار تحكي انت يا صغير اسكتت
علي كان بيقوم ويرد بس وقفه الجد قاضي:بس احنى قلنا لي الحريم يبلغووكم والبنت امرها منتهي وبكرا بتملك
منصور :ومن الي متقدم لها
الجد قاضي:ولد عمها علي
منصورر بصدمة وقرف:انت
علي :لا يكون مو عاجبك
منصور :بس كذا انتم لعبتو علينا ليش في الاول تقولو حيااكم وتفضلو
علي:البنت بنتنا ومالها الا ولد عمها
منصور ماطالع في علي ولا حاول اصلا ووقف وطالع الجد قاضي :بس انا ابغاها وهي تبغاني ولا انضن انها وافقت على ذا بطيب
عبد العزيز :منصور احشم المكان الي انَت فيه والناس الي قدامك
علي اخو غزل :وبعدين بناتنا متربياات ومالهم في الحركات الوسخة ذي
منصور اجل روحو شوفوها وكلموها وفتح جواله وصار يوريهم شاتات باسم غزل
انصدم علي والجد وكل الي في المجلس ووقف الجد وقال :بستأذنكم بنشوف البنت سبق الجد قاضي عبد العزيز وراح يناديها وهي من الاساس كانت علىطاوله العشا تتعشى
غزل:هلا وش بغيت
عبد العزيز :وين جوالك
غزل :هذا هو وشتبي
عبد العزيز: افتحي
غزل باستغراب :لييه ؟
على اخو غزل والمعرووف بعصبيته قرب منها ومسك يدها وقال:يقولك افتحي يعني افتحي ليش الاسئله الكتيره
الجد :وخر يا علي وانا واثق فيها
مسكها عبد العزيز وقال:افتحي ولو في شي قولي لي بوقف معك
غزل:جوالي مافي شي انا ماعندي ارقام احد الا عمي ابراهيم وعزوز واخواني والبنات اما الباقي ماعندي احد
الجد :عشان كذا افتحي يلا
فتحت عزل الجوال وعطاته عبد العزيز وصار يفتش ودخل الواساب وشاف رقم غريب :من ذا
غزل الي كانت خايفه تقول لهم انه منصور قالت :ما اعرف دخلي وصرت اسئله ما يجاوب وفي الاخير قال انه منصور ولد شنار
علي اخو غزل :يعني كنتي معه في علاقه
غزل:لا وش ذي الخرابيط تتوقع اني اسويها بعدين هو ناشبلي من وبن جايب رقمي ما ادري
عبد العزيز :لا تخافين احنى نعرف تصررف معه
وراحو خلوها مقهووره
في المجلس
الجد قاضي وهو يناضر شنار وولده :اسمع يا شنار مالك انت وولدك نصيب عندنا ومجلسي يتعدرك
محمد ولد شنار:تعقب وتخسى تطردنا
علي الي ناقدر يمسك نفسه وراح مسدد له بكس على خشمة وقلت هوشه بس فرقووها
شنار :ماشي ياقاضي بينا الايام
الجد قاضي :ايدك وماتعطي
منصور وهوطالع راح لعلي و له وهمس في ادنه والله مارح خليك تتهنى والله لا احرق قلبك عليها واخليك تبكي دم كان بيضربه بس مسكة عبد العزيز
فرحوني حتى بنجمه 🥹💔.
وقولو لي لو عجبتكم الروايه 🥹💔.
