مرحبا بناات
نفس موضحت بالاعلان
طبعا حذفت القصه وح اعيدها الاكثر من سبب
منهن
الوقت الطويل بين التنزيل ونسيان الاحداث
ومنهن اختصار البارت وقله الاحداث بسبب الضروف الجنت امر بيها اختصرت هواي
ف راح نعيدها سوه
وننطي القصه حقها من كل الجوانب
اضافه احداث هوايه
وممكن شخصيات......الخ
؛؛؛؛؛؛؛!!!!!!!!!!؛؛؛؛؛؛؛؛؛؛
في مكان ما....
زينب: كاعده بالصف الي مليان طلاب والتوتر يقره مليار علئ بعد مسافه كاعدين مقابيلي المدير وشكم استاذ من اساتذتي كاعده على اعصابي منتضره المدير يصيح اسمي حتى اعرف نتيجتي رغم متأكده راح انجح وبمعدل عالي لكن كان القلق متغلب عليه وكل عاده اخفف منه بهزه رجلي القويه
وصل اسمي وكال :
المدير: زينب حسين
زينب :نعم استاذ
المدير :الف مبروك بابا ناجحه وكل عاده الاولئ علئ دفعتج
زينب :الفرحه حتلت كلبي و الابتسامة حتلت وجخي ولو جان عندي جناحات جان طرت كمت بخطوات اشبه بالركض والهفه سابقتني متجاهله التصفيق الحار من زملائي والمباركات من الاساتذه الي متواجدين بالصف
اخذت نتيجه اباوعلها ودب شعور لفخر بداخلي من الدرجات الي ترفع الرأس
مشيت اهرول شبه اركض
بخطوات كأنما جاي اطير
وكالمعتاد لكيته كاعد ينتضرني بسياره
بابا الي هو جان اكثر من اب الي سندي بالحياة
صعدت بالكرسي الي يم السايق
ونطيته النتيجة باوعلها يقره الدرجات
ورجع باوعلي بنضرات تشرح شكد هو فخور بيه
قبلني من جبيني ونطلقنه للبيت
وصلت البيت والفرحه ماليه كلبي الحمدلله اليوم كملت الخامس العلمي بتفوق وان شاء الله راح ادخل للسادس بتفوق اكثر بعد
بعد مرور اسبوع تقريبا بلشت رحلتي بالسادس وبلش تحديد المصير لازم احقق حلمي ومااخيب امل ابوي
واوصل المبتغاي الي جنت اخططله من صف أول ابتدائي..بلشت ادرس قبل لا يبدي دوام المدارس حتى اسيطر اكثر الحمدلله ماواجهت صعوبه بأي ماده سوى ماده الاحياء الطامه الكبرى عندي الي مهما اقره واحفض ما اسيطر عليها قسمت وقتي بدقايق والتزمت حرفيااا
خلصت ايام العطله الصيفيه علئ هالنمط وبلش دوام المدارس
حسين: يله بابا زينب راح تتأخيرن علئ دوامج
زينب: اي بابا كملت يله نطلع…
وصلت المدرسه واليوم اول يوم النا بدوام ..
مشه اليوم بتعب المدرسين متشددين اكثر لان مرحلتنه مرحله تحديد المصير
تسابقت الايام بسرعه جدآ فائقه ماحسيت بنفسي الا واني راح امتحن نص السنه…
لازم اكثف دراستي لان من خلال هل امتحانات يتحدد دخولي للوزاري
سناء: ماما زنوبه تعالي اكلي قبل لترحين للامتحان مزين عليج يا أمي تمشين بلا ريوك
زينب: ماما صدك تحجين عندي متحان كيمياء ياريوك مااشتهي فدوه لضغطين عليه
أنت تقرأ
العوض معجزه
Mystery / Thrillerالعوض معجزه احيانا تكون الحياه اقسى مما نتوقع لكن هناك من يتخطى ويستمر في المقاومه.... وهناك من يستسلم للامر الواقع تتحدث القصه عن فتاة تحلم في مستقبل جميل لكن كانت جميع الضروف حاجز عن الوصول الى ذلك الحلم.
