العوض معجزه

بارت 2💙

لتنسون التصويت+تعليق بين الفقرات

والاشتراك بقناه التلي

https://t.me/amimeAli24

وأغُضُ طَرفي إن مَررتُ تعففاً ...
وعُيونُ قلبي عِندها تتلعثمُ ...
عَلمت بأني مغرمٌ ، فَتبسمت ...
خجلاً كأن فؤادها يتكلمُ ..
تلكَ التي بلغت جمالاً فائقاً ...
لكنها عن حُسنِها لا تعلَمُ ✨🤌

،،،،،،،،،،،،،،،،،
سيعوضك لأنك رضيت
في وقت لم يكن فيه الرضا عليك سهلًا 🤎.
      

         &&&&&&&&&&&&&&

سناء: بت خالتج ام احمد بالحديقه دكول عدي سالفه وياها ديربالج تحجين شي

زينب: ليش يمه شتريد

سناء: دروحي البسي شالج وطلعي بعدين نحجي

زينب:
خليت شال ع راسي
وطلعت بوجهي للحديقه لكيتها كاعده ع ثيل
منتضرتني
هلوو شلونج ام حمودي

ام احمد: هلا يكلبي بخير شلونج  انتي
شلون صحتج

زينب: تمام… امي كالت رايدتني بشي احجي اسمعج

ام احمد: اي ولله اسمعيني زنوبه بهاي الفتره احنه جايين ندور مره لحماي لحسام واني كلتلهم عليج

زينب: شنوووو شبيج تخبلتي انتي

ام احمد: يا شبيج خترعتي

زينب :ع بختج صدك تحجين انا بيا حال وانتي تحجين بالعرس شسالفه

ام احمد: ماعليج بس تزوجين نفسيتج كلها تتغير
ولزكتني بغمزه

زينب: لا حبيبتي هذا لموضوع منا وينسد فدوه لاتخليني بموقف كدام اخوالي
كلش مالي خلك المشاكل
ويله اني اترخص الطبخ ع الطباخ لا يحترك….
درت وجهي ورجعت للبيت بدون مااسمع ردها شنو

رجعت لامي سويت عركه شكبرهااا يوووم ذولي صدك يحجون اني ما صدكت صرت زينه سدو لموضوع لا اسويها سالفه شكبرها
امي صارت تملخ بوجها لاتسمعني بت خالتي
وراحتلها تركض……..

شو للعصر وهم دزو وناس وماضل شخص ما ودو وصار لحجي صاعد نازل(بما انو احنه مجتمع عشائري فكل بنيه ترفض يضلون يطلعون اسباب لا على بال ولا على الخاطر لكل اقتنع لكل قابل ماعداي لان متأكده هل شخص ميناسبني هو عصببببببببي نارررررر واني لسانننننننننني طويل وعاند ابد ابد منتراهم….

بس بقى لكل يقنع ويلح وكساع دازين ناس ابويه كال هاي حياتج اني ما أدخل تقبلين ما امانع ترفضين هم ما أمانع بس خلي ابالج يا بابا لتتوقعين راح ترفضين وميطلعون عليج حجي اخوالي واعرفهم زين….

(بالمناسبه نسيت اوضح شغله بابا ابو متوفي هو وصغير فمربينه اخواله يعزهم ويحترمهم كلش لذالك احنه هم نسميهم اخوالنه)