• أسـوء الأعداء، ألـذِكريات .
• 𝚆𝙾𝚁𝚂𝚃 𝙴𝙽𝙴𝙼𝙸𝙴𝚂, 𝙼𝙴𝙼𝙾𝚁𝙸𝙴𝚂 .
.......
ادم;
مابايك
اباوعله بحركه سريعه نزع الحزام بعد ماعرفت منين اجتني الضربات
حاولت اقاوم مكدرت يضرب ويصيح البواك الرخيص حذاء وحده تسواك وتسوه امك
لحدما ابتعد وهو يلهث
سحبني من رجلي وشمرني بباب لمحل
شمر عليه 10 الالف
اسحاق: هاي يوميتك وزياده احسبها صدقه مني…
لو اموت الف موته
لو انضرب لحدما ينكطع النفس ما راح اكدر امسح هاليوم من ذاكرتي….
فززني من صفنتي صوت ريتاج. وهي تهمس ادم بصوت ناصي
طفرتلها خليت ايدي علئ كصتها شويه حرارتها اهون همست بصوت مبحوح
ليش نايم هنا
ادم: مانطاني كلبي اعوفج حرارتج شويه جانت مرتفعه
شلون صرتي هسه؟
ريتاج: زينه مابيه شي روح نام
ادم: مو مال نوم ح يأذن الفجر صلي يله ترجعين تنامين
ريتاج: ماشي
ادم: بستها من كصتها وطلعت حيلي مهدود اخ يا ايام الي مااكدر انساهن
رحت توضيت وفرشت سجادتي بقيت اقره قرأن لحدما اذن صليت
ومددت شوي علئ فراشي اتصفح بلجهاز الئ ان صارت ساعه 6 بدلت وطلعت مريت بغرفه ريتاج شفتها نايمه اخذت سويج لسياره وطلعت….
زينب:
وصلت للجامعه وشفت ازدحام البنات يم باب دخول واصل للشارع شهل لعبان نفس من صبح اكثر من نص ساعه واكفه يله كدرت ادخل لمحت لبنات من بعيد توهن دخلن سحبت لجهاز من جنطه وتصلت علئ زهراء سويت صوتي جني وحده توها كاعده
زينب: صباح الخير
زهراء :صباح الورد شبي صوتج
زينب: شويه تعبانه ماكدر اداوم اليوم
زهراء : شكو زينب شبيج
زينب: اباوعلهن وكفن بنص شارع وبت جمهور خلت اذنها براس زهراء حت تسمع
كتلهن شويه فلاونزه ماكدر اداوم اليوم
بت جمهور: ولج انتي ماتوبين كل ماعدنه دكتور ادم وطكيها غياب لو لمن تنفصلين يله ترتاحين طالبه جيس حب
زينب: طز بيج وبي منو كلج اخاف منه
يله ولن ارد انام احسلي وسلملي ع اندومي وياجن
سديت جهاز قبل لايردن
اباوعلهن وحده صفنت بوجه الثانيه واني امشي وراهن وصور بيهن وضحك…
لحدما وصلن للقسم اخذن لابكوتاتهن وكلمن لشعبتها
لان اني وزهراء بلعملي سوه
بس بنضري تلاثتنه سوه
خليت اغراضي بلوكر اخذت لابكوتي وسجل وقلم ولملازم
الف مره حسبتهن مابيه حيل رزايله من صبح
درت وجهي اشوفه دخل وبيده جنطته
لابس قاط رصاصي وقميص اسود فاتح شويه من فوك نضارته سوادها ناصع خصلات قليله نازله علئ عيونه
بعد عشر امتار وصلني عطره
يمكن ذوله يسبحون بلعطر مو بلماي
تلاحكت نفسي وطكيتها ركضه للمختبر لان ميقبل احد يفوت ورا ميتناقش بهيج سالفه ابد
وصلت للمختبرفحطانه
شفت لكل كاعد اول مشافتني زهراء فكت حلكها وسوتلي حركه بأيدها معناها اني اعلمج
حسيت احد حمحم وراي عرفته من عطره
دخلت حتى بدون ماكول السلام عليكم
اسم الله عليه اني اشوفه ويصعد عندي هرمون الثول
دخل كال السلام عليكم
لكل رد وعليكم السلام
بقيت صافنه المختبر ولاستول فارغ وين اكعد
بقيت اباوع بلوجوه
الا ان كال وهو مدنك يرتب بأغراضه
ادم: شبيج جنج وحده متيهه تتصفنين مادكعدين
أنت تقرأ
العوض معجزه
Mystery / Thrillerالعوض معجزه احيانا تكون الحياه اقسى مما نتوقع لكن هناك من يتخطى ويستمر في المقاومه.... وهناك من يستسلم للامر الواقع تتحدث القصه عن فتاة تحلم في مستقبل جميل لكن كانت جميع الضروف حاجز عن الوصول الى ذلك الحلم.
