"أعطيتكُ سَيفي لأريك وفائي
فَمالي أرى سَيفي تملأه دمِائي"
؛؛؛؛؛؛؛؛؛
زينب :لا دكتور مو جرئه مني بس اكدر اعرف ليش يعني متعمد تاخرني لو شنو؟؟
دكتور ادم:
كتف ادي لصدره
وجاوبني وشبه ابتسامه مرسومه ع ثغره
اي تكدرين تعرفين
زينب: تمام ليش سويت هيج ؟؟
دكتور ادم: بكيفيييييي
زينب: شنووو
دكتور ادم: شنو عندج خلل بسمع
لمهم تكدرين تاخذين راحتج وسبوع ليجي اعيدلج الامتحان وي الطلاب
زينب: بقيت صافنه هسه هذا شرد عليه تجيبه منا يوكع منا عفته وطلعت واحس الدنيا صغرت بعيني يا رب ليش هيج كل ما احاول اوكف على رجلي تطلع لي عثره وترجعني الف خطوه لورا
الحمد لله على كل حال طلعت بوجهي للبيت لكيت الخط منتظرني لان ما شاء الله اخرني يمه تقريبا 3 ساعات من غير وقت المحاضره ساعتين او اكثر اصلا ما رحت للعزيمه اتصلت على زهراء كلت لها اني طالعه للبيت انتضرج بسياره لان صدك اختنكت و دموع ماليه عيني ليش هيج يسوي وياي ما اعرف وصلت البيت سبحت وصليت ونمت حتى ما اكلت للعصر كعدت لكيت يمنى خطار اختي وزوجها واختي الثانيه كذلك التهيت وياهم بين السوالف وبين الطبخ مشه اليوم عادي ونسيت المشكله بس بقى الموضوع حاز بكلبي حسيت الطلاب كلها انتبهت لهذا الشيء صارت الف علامه استفهام ببالي ليش اني من دون البنات! ؟
حضرت ملابس باجر وقريت لي محاضره لان ما شاء الله هو بالعملي ما يتفاهم ابد اكثر يومين اكرههم بالدوام همه الايام اللي بيهم عندنا محاضرات الدكتور ادم لان صدك يطلع روحي بيهن مشت الايام وما مريوم عندنا محاضره الدكتور ادم اذا ما فشلني او رزلني او خلاني بموقف محرج كدام زملائي رجعت نفسيتي تتعب مثل قبل اذا مو اكثر وبلشت اكره الدوام الدرجه وصلت مرحله انه اليوم اللي عندنا محاضره عند دكتور ادم اكعد ابجي لان اعرف راح يخليني بموقف ولا اكدر اغيب وهو ابد ما يتفاهم بالغياب اذا الطالب صارت عنده ثلاث محاضرات او اربعه غياب احتمال كلش جبير يقدم بطلب فصل بسبب كثره الغياب فصرت مجبوره انه اداوم واتحمل كل شيء الدرجه كرهت الدوام كله بحد ذاته الحمد لله على كل حال
%%%
صباحا
فزيت من النوم ساعه 6 ونص يربي باقي نص ساعه ويجي لخط شلحك غسلت وصليت وبدلت ملابسي ركض ركض
دائما احضر ملابسي من ليل حتى اجنب هيج مواقف
طلعت لكيت لخط منتضرني
وصلنه للكليه
زهراء :صباح الخير
زينب :صباح النور
زهراء :شلونج شخبارج
زينب :بخير الحمد لله وانتي شلونج
زهراء :والله تمام بس ما مرتاحه اليوم عندنا تجربه الدكتور ادم
أنت تقرأ
العوض معجزه
Mystery / Thrillerالعوض معجزه احيانا تكون الحياه اقسى مما نتوقع لكن هناك من يتخطى ويستمر في المقاومه.... وهناك من يستسلم للامر الواقع تتحدث القصه عن فتاة تحلم في مستقبل جميل لكن كانت جميع الضروف حاجز عن الوصول الى ذلك الحلم.
