شعرها الاسود وعيونها الحور تحرق قصايدگم قصيده قصيده.

//البارت الثامن⁸//

//البارت الثامن⁸//

‏ والله إنّي لو تجي عيني بعينك
‏مابقى ببالي وجيه و لابقى أسمى

كل الي بالمجلس حولو نظرهم لعناد الي كان مصدوم وما قدر ينطق من صدمته
ابو مشعل: حنا لنا الشرف نناسبكم يبو عناد لاكن انت تعرف حنا مارح نغصب البنت علئ شي ماتبغااه ولف علئ عناد المهم عناد موافق علئ الزواج
ابو عناد التفت لولده: عناد موافق؟
عناد للحين تحت تاثير الصدمه ولارد  حس لسانه ارنبط من حركه ابوه المباشره ناظر ابوه يبيه يفهم نظراته لاكن
ابتسم ابو عناد من شاف نظرات ولده ولف للشيخ:السكوت علامه الرضا يا شيخ عناد موافق
عناد الي زادت صدمته اكثر من ابوه كيف يوقف قدام العربان ويطلب البنيه وكيف يوافق ويقرر من نفسه حس بضيق فك اول زرار من الثوب يبي  يتنفس نسف شماغه يعدله يبي يلهي نفسه بشي غير سالفتهم عن زواجه الي يخططون عليهاا وهو مب راضي من الاساس
ابو الدره الي كان ساكت ويناظر الي يصير بصمت  كان يبي يتكلم لكن ابوه سبقه وهو يقول:
انقز يا هزاع وانشد اختك وخلها ترد لنا رد الحين
((في بيت ابو طلال))
كانت الدره بغرفه مشاعر ومشاعل تمشط شعرها كان يوصل لركبتها وكان اسود حيلل فجاءه فتح البنات الباب وهم يضحكون بس تسمرو يوم شافو شعر الدره
الدره لف للبنات سلامات شفيكم جمدتو بارضكم؟؟
مشاعر: ماشاءالله تبارك الله ذا شعرك
الدره انفجرت تضحك:ههههههههههههههههههههههههههههههه لا ولي يسلمك ذا شعر امي
مشاعل قربت منها وصار تناظر شعرها: لا منجد يختي ماشاءالله شعرك حلو وطويل اول مره نشوفه لانك تكوني حابستيه بالشيله
جود: منجد وش تسوين لشعرك عشان يطول كذا
الدره وهي تربط شعرها: بسم الله علئ شعري من عيونكم ابد اسوي له حناء سوداء
جود بحمااس لفت للبنات: ابد من بكره اسوي حناء من معي
مثايل:انا معك وناديه وفوز غصب عنهم بيسوون
ناديه جت بتتكلم بس قاطعتها مشاعل: اعرفك ان نطقتي بحرف مارح تسكتين اسكتي وكلنا بكره بنسوي حناء اسود ويا ويل وحده تعارض
الكل:تمممممم
توجهو البنات وصارو يفرشو فرشاتهم وبعدها تسدحو
الدره الي انسدحت رفعت ايدها وشافت خاتمها مب باصبعها فزت تدوره بالفراش ناظرتها جود باستغراب
جود: وش تدورين؟
الدره: خاتمي مدري وين
جود: يشيخه نامي تراه بس خاتم
الدره: لا ذا خاتم غالي علي؟
جود رجعت تنسدح: الصباح رباح بكره بندوره
انسدحت الدره وهي تفكر بخاتمها صارت تتذكر تبي تعرف وين حاطته متناسيه لما انرمئ معا الورده بالحوش واخذه الوليد
تقلبت علئ فراشها بتعب من التفكير تلحفت وقرت اذكار النوم وغفت علطول.
((في محل ابو مصعب للبشوت))
كان قاعد يرتب المحل وقف وهو يمسح العرق عن جبينه ناظر محله برضاء تام وخرج وقفله صار يمشي متوجه للبيت حجب عليه الرؤيه ضو السياره الي وقفت قدامه نزل من السياره رجال وحرمه ومعاها بزر ناظرهم ابو مصعب باستغراب واتجه للرجال بيسلم عليه
ابو مصعب: السللام عليكم
ابو بهاج: وعليكم السلام
ابو مصعب: جديدين انتوو بالديره
ابو بهاج بشوفه نفس: ايه
ابو مصعب: منورين الديره
الرجال ناظر ابو مصعب ودخل البيت هو والحرمه والولد بدون ماينطق شي
ابو مصعب الي استغرب من سلوك الرجال لاكن كمل مشي شوي الا يسمع صوت صراخ طالع من البيت اسرع بمشيته وهو يسمي بالله
(( في المجلس الكبير))
كانو الشياب مستعدين ينامون تسدحو كلهم  والشباب قاعدين بملل
طلال وقف وراح لابوه
طلاال وقف مواجهه ابوه:يبه تكفئ لا تروح تجبر العيال علئ النوم يبغون يجلسون شويتين معا سراج ويمكن يروحون المخيم حق ابو نايف
ابو طلال: ما اكفاهم اليوم بطوله قاعدين معه،وشوله المخيم ?
طلال : يبه انت تدري ان الجلسه ما تزين الا باليل وابو نايف مسوي اليله طرب بنروح شوي وبنرجع
ابو طلاال: عساء ما الوليد رايح معاگم؟
طلال بتوتر: والله يبه يقول يبي يروح
ابوطلال بحده: وشو يروح وهو  توه اليوم خارج من المستشفئ
طلال ناظر عمه ابو جواد عرف عمه مغزئ نظرات طلال لف ابو جواد لاخوه وربت علئ كتفه : خلهم يروحون ويستانسون والوليد اكيد بيكون طفش من اليوم مسدوح بالمجلس خله يخرج معهم وويغيرون جو ويرجعون
ابو طلال ناظر طلال ونطق بحده :
والله ان تاخرتو عن الساعه"1" يا ويلكم وعاد تعرفون وش بسوي
طلال وهو يبوس راسه: تسلم يبه
رجع طلال والابتسامه شاقه وجهه وقف وناظر العيال: ابوي وافق وقال يا ويلنا اذا تاخرنا علئ الساعه واحده
الكل نطق بفرح: منجدك
طلال: اي والله منجدي
العيال وقفو بحماس وكل واحد راح يلبس له لبس يليق بالليله سراج الي كان قاعد على الفرشه ويناظر قعده الشياب ابتسم كيف ملتمين ويسولفون دخل ابو مصعب وهو يلقي السلام انظم لاخوانه وشاركهم بالسواليف
طلال هز سراج من كتفه: سراج خذ هاذا ثوب من ثياب سياف
سراج: ماله داعي ابروح بثوبي
طلال: انا قلت كلمه وما اثنيها قم البسس
سراج  وقف بقله حيله واخذ الثوب وصار يقيسه فتح عيونه علئ وسعهم: سلامات معطيني ذا شايفني فيل
((ثوب سياف كان كبير بسبب بنيته الجسديه كان عريض وطويل والوليد مثله وجمال كذالك بس جمال يفرق انه اقصر شوي عنهم))
طلاال ضحك وعطاه ثوب الوليد: طيب خذ قيس ذا
سراج اخذه وصار يقيسه: ياهوه شايفيني ديناصور البس ذولا عز الله لا لبستهم ان اضيع فيهم 
طلال: طيب شسوي لجسمك الي نفس عكاز ابوي
ومد له ثوب جمال
سراج اخذ الثوب : عكاز ابوك اجل
طلال: ياخي قيس الثوب وانت ساكت
سراج قاس الثوب:هاذا تمام معا انه عريض شوي لاكن بنعديها
((عند كريمه))
كانت تفرش الفرشات لها ولامها ولهزاع انسدحت هي وامها الا ويدق الباب بقوه فزت كريمه بخرعه
وركضت تفتح الباب  الا ويندفع منه هزاع مبتسم
ام هزاع: علامك يا الخبل خوفتنا؟
هزاع: يمه يمه ابو عناد طلب ايد كريمه لولده عنادد
كريمه جمدت مكانها من الخبر الي سمعته لفت بشويش وصارت تفكر بخالها وينن جاء؟! ليكون جحدني وراح وما نفذ الوعد الي كان يوعدني ومهند بعد ليكون تخلئ عنيي غورقت عيونها بالدموع هزت راسهاا بالنفي تطرد كل الافكار من راسها ولفت بشويش تسمع للحوار الي يدور بين امها واخوها
ام هزاع هزت عناد من اكتافه: تقول الصدق ياهزاع ابو عناد ماغيره
هزاع: اي يمه ابو عناد بشمحه ولحمه
ام هزاع بتسرع: اجل رح واعطهم الموافقه
كريمه نطقت بتردد: بس انا ماني موافقه
التفت هزاع وعيونه تنقط شرار: وش قلتي ؟؟
كريمه بصوت يرجف من الخوف: ماني بموافقه علئ عناد
هزاع بدون سابق انذار اندفع يضربها بقسوه: وش مانك موافقه احمدي ربك ان واحد مثل عناد بيتزوجك يا غراب الشؤم ياوجه النحس انتي
ام هزاع بعدت هزاع عن كريمه   وصارت ترتب ملابسه وشكله الي انعفس: ما عليك منها دلخه مارح تفهم رح قل للشيخ انها موافقه قبل لا تتاخر عن الجماعه
خرج هزاع من الباب والتفت علئ كريمه الي مرميه بالارض
هزاع بنبره تهديد: قسم بالله ان سمعتك انك قايله لعمي او جدي شي اني لا ادفنك وانتي حيه وبصرراخ فاهممههههه
كريمه هزت راسها بخوف
ابتسم هزاع ورفع طرف ثوبه وركض بسرعه للمجلس
ام هزاع راحت لكريمه ووقفتها وضربتها علئ راسها بشويش: يا بنت اعقلي ترانا ما نبي الا مصلحتك وترا عناد غنيييي غنيييي بيعيشك ملكه وبيعشك علئ كفوف الراحه فتحي عقلك وخليك فطينه وامشي في مصلحتك والله ان سمعتك تشتكي لفلانه وعلانه وبذات ذيك العقربه الدره والله لاقول لهزاع وبيعرف شغله معك
كريمه بعدت عن امها وراحت لفرشتها و
انسدحت تبكي بوجع وحسرهه من حظهاا الي دايم يكون عكس توقعاتها بكت بصمت تحسست جسمها كيف يالمها من الضرب الي تلقته من هزاع سكرت عيونها وانهمرت علئ خدها دمعه تحمل كل معاني الظلم والتعذيب غفت ودموعها متحجره بعيونها
وام هزاع ولا عليها واقفه عند الباب تنتظر رجعه هزاع
في المجلس  وقف هزاع بشموخ ونطق: ابد يا شيخ رحت للبنت ونشدتها عن رايها وقالت انها موافقه
عناد  هناء تحطم كلياً كان ينتظر رد الرفض وكان متامل انها ترفض بس هيهات ما تحطم لماسمع بالموافقه استوا عناد بجلسته والخيبه باينه علئ وجهه ناظر ابوه الي نطق يفرح: الله يتمم علئ خير ((ومن بعد هالكلام))
اعتلت صوت التهاني والتباريك بالمجلس لعناد الي بس يناظرهم ويهز براسه
ابو عناد بتفكير: اجل وش رايك يشيخ ان الزواج يكون الاسبوع الجاي لاني ابي نرجع للقصيم عشان الشغل
ابو مشعل:ان كان يناسب اهل البنت فاتوكلو
ابو عناد ناظر هزاع : يناسبكم ياهزاع
هزاع منغير تفكير: اكيد يناسب
ابو عناد وقف: اجل علئ بركه الله انا استاذن
عناد الي وقف بسرعه كان ناوي يخرج بس حاوطوه والرجال الي يسلمون عليهه عناد كان وده يدفهم ويخرج بس استهدا بالله وصار يسلم وبعدها خرجو الرجاجيل من بعد ماسلمو علئ عناد
هزاع الي اتجه للبيت واستقبلته امه بمئه سؤال
قعد هزاع وصار يحكي لامه بسالفه
((في المخيم))
اقبلو عيال ابو طلال بهيبه علئ المخيم  اصتفو كلهم وتوجهت الانظار عليهم
سياف بصوت جهوري:مساكم الله بالخير يالربع
الكل الي فالمجلس: مساكم الله بالنور
نايف الي من شافهم توجه لهم: اقلطو يا رجال منورين المخيمم
اقلطو وقعدو يسولفون معا نايف
تقدم لهم خلف وهو يسلم عليهم
((خلف ولد الشيخ))
العيال وقفو وسلمو عليه وصارو يتحمدون للوليد بالسلامه لفو العيال للرجاجيل الي يتعاركون  بالمحاوره
 وكلن كان يعطي بيت اقوا من الثاني اشتدت المواجهه في الحوار واندمج الكل معهم
قطع عليهم نايف الي مسگ العوود ونطق:انا بدندن علئ العود لاكن من بيغني
ساد الصمت بالمجلس تافف نايف:
احد بيغني؟
الوليد: انا بغني
اخوانه لفو له باستغراب
جواد دق كتف الوليد: صاحي انت تراه مب لعب هنا يبغون صوت زين مب صوت نشاز وانا اعرف صوتك يطيح الجنين من بطن امه
الوليد بضحك: اسمعني وبعدين احكم علي
نايف: وش تبي تغني
الوليد: اصدق معاذيري
سعود: تم وبدا يدندن علئ العود بهدوء
الوليد الي بدا يغني بشعور كله احساس والمجلس كله اندمج معا عزف العود بدا الوليد يغني بابيات كلهاا شعور
ان كان حبي لك هو اعظم خطاياي
ماقول يا نفسي عن الحب توبي
اجمل خطاياي واخر حدود دنياي
واصدق معاذيري واطهر ذنوبي
نزعات روحي لك تباري نواياي
والقلب يمك والمشاعر سعو بي
حب لك الله ماكن في حناياي
ابيه بضعفي لو اكبر عيوبي
كل الهوئ والحب باقي بقاياي
خذت اوله واتلاه واقول دوبي
ومن له مثل حبي يسوئ سواياه
ياصل مواصيلي ويسلك دروبي
كمل الوليد يغني وكل كلمه كان يقصد فيها مليكه قلبه
سياف ناظر المجلس وشاف عيال الديره كلهم منطربين ولسعد حظهم كان المخيم كله شباب ماكان فيه شياب لاكن سرعان ماضاق صدر سياف من شاف  عايش يدخل المخيم رجعت له ذكراها الي لطالما حاول يناسها لاكن ماقدر وقف بسرعه وخرج من المخيم بكبره تحت انظار العيال
كمل الوليد الاغنيه وصارو العيال يصفقون ويصفرون بحماسسس
جواد ضربه علئ كتفه بدفاشه: انا مصدوم من وين جاء هالصوت الزين
جمال: ياخي لا يكذب عليك اكيد ماكل عسل عشان ينعم ويرقق صوته
الوليد: ياشينك بس ولف يبي يشوق سياف لاكن ماشافه
جمال فهم نظرات اخوه: تراه خرج من المخيم
الوليد الي فز بسرعه ولمح عايش عرف وش مضايق اخوه اسرع بمشيته وخرج ناظر يمين ماحلصه ناظر يسار شافه قاعد علئ صخره توجه وقعد بجنبه سياف حس باخوه قعد جنبه تنهد
الوليد بحزن لحال اخوه: وش فيك يالعضيدد؟
سياف بضيق: ضاق صدري من شفت اخوها وتذكرتها!؟
الوليد: ما نسيتها للحين ياسياف؟؟
سياف:حاولت لاكن ماقدرت؟
الوليد: تراك قدها وانا اعرف انك بتقدر تنساها وتتخطاها
سياف: ماهقيت اقدر
الوليد ربت علي كتفه: بتقدر وانا اخوك بس انت هونها وتهون
وقف الوليد ومد يده لاخوه ووقفه وحضن الوليد اخوهه وشد عليه
لاكم لمح الوليد شي من بعيد ناظر فيه بتدقيق وابتعد عن اخوه وصار يناظر الشي بس سرعان مااختفئ رجع يسولف لسياف الا ويلمحه مره ثانيه ناظر فيه وصار مثبت نظره عليه سياف الي استغرب وصار يناظر محل ميناظر الوليد
سياف باستغراب: ابك وش ذا؟
الوليد: معرف؟
سياف: ليكون جني؟!
الوليد ناظره كيف صار يتقدم لهم بسرعه رفع طرف ثوبه: ازبنن وانا خوك
ركضو الاثنين بقوه متجهين للمخيم
سياف بصوت عالي: ياجماعه الخير في شي متجهه للمخيم ازبنو
كل الي في المخيم خرجو بخوف وشافو الشي الغريب وانحاشو
اما سراج وجمال وفيصل وخلف وجواد ونايف كان يركضون وقدامهم سياف والوليد وعايش الي سبق الكل واتجه لبيتهم خايف
ركو العيال وهم يسمعون صوت كلاب
صرخ خلف: يعيال شكلها كلاب المسلخ اسرعو قبل يمسكوننا
اسرعو العيالل والتفت فيصل بيشوف اذا  الشي الغريب شاف شي ابيض يركض ووراه كلاب ويركضون وراه
فيصل صرخ من الخوف ونط وتعلق بظهر سراج
وسراج يالله انه يلحق نفسه حس ان احد تعلق بظهره خاف انه الشيي الغريب وبدا يصارخ: الحقووونننييييي الجني تعلق بظهرييييي
فيصل  ضحك مابين خوفه: اركض لا بارك الله فيك انا فيصل
التفت سراج وراه بسرعه ولا حصل الجني 'علئ قولته' ارتاح ودف فيصل من علئ ظهره : ياعيال الجني راح تمهلو
وقفو العيال يرتاحون وبدو يضحكون علئ اشكالهم
سراج ناظر العيال: ديرتكم ذي مسكونه
خلف الي منحني وياخذ نفس: من قال
سراج: اكبردليل انها مسكونه الي قبل شوي ولا وش الي كان يركض ورانا ولا بعد حسيت بكلاب كانت تلحقه مالاحظتو
الوليد بنعاس رفع ساعته وناظر الساعه
12:58
صرخ الوليد باقي دقيقتين وتصير الساعه 1
جمال وش يعني سكت من تذكر كلامم ابوه ناظرو العيال بعظهمم وطيراننن للبيتتت
الكل كان يركضون وانفجرو يضحكون ههههههههههههههههههههههههههههههههههههههههههههههههههههههههههههههههههههه
خلف ناظرهمم وابتسم واتجه لبيته
وصلو العيال البيت بلوقت المناسب وانسدحو ومن التعب نامو علئ طول
الساعه4:30 صحب ابو طلال للاذان وراح اخذ العصاء وبدا يجلد العيال عشان يصحون سراج فز علئ صوت ابوطلال وفز قبل لا يضربه
ابو طلال صرخ بعصبيه من شاف انه ماتحرك فيهم ساكن: قم انت ويااه الصلااه خير من النومم
قامو الكل بعد صرخه ابوهم الي زلزلت المجلس عليهم توضو وخرجو متجهين للمجلس وهم مايشوفون من النعاس
الحريم صحو للصلاه وصحو البنات قامو صلو وكانن ناويات يرجعن ينسدحن
الدره برفعه حاجب:بنات والحناء طيب؟
جود بنعاس: تكفين خليه بكره
الدره بحده: مافيه اليوم يعني اليوم
البنات بنعاس: طيب
راحت الدره وعلمت امها تسوي لهم حناء رجعت الدره بتقول للبنات الحناء جاهز حصلتهم نايمين
الدره طقت الباب بقوه
فزو البنات علي صوت الطق بخرعه الدره شافت اشكالهم وقعدت تضحك
ناظيه فركت عيونها بنعاس: غثيثه
الدره ناظرتها ولفت: يالله تعالو
مشو البنات وراها وبدت ام الدره تساوي لهم حناء وكل شو يصارخن عشان الحناء مايجي عليهم
((عند العيال خرجو من المسجد ))
ابومصعب: اقول وانا امس راجع من المحل شفت لي رجال ومعه حرمتن الله يستر عليها داخلين علئ البيت الي بجنب بيتي
ابوطلال: اجل وينه الرجال ماشفناه
ابو جواد: سرينا لعنده نسلم عليه
ابو طلال: اصبر خلنا نشوفه يخرج من بيته
ابو جواد هز راسه لف ابو طلال لعياله ونطق:
تراني ماني بناسي العقاب واليووم تروحون العزبه وتنضفون الحلال والوليد تحشرونه بالوسط بينكم عشان لا يطير عليكم
العيال تحطمو كانو يحسبون ابوهم نسي
العيال: ابشر
توجه الشياب للدگه ابو طلال الي قاعد يناظر عياله برضاا وسراج قاعد بجنبه
الوليد كانو يزهب القهوه
وسياف وفيصل يشبون النار
وجمال توجه للوليد وطلال الي دخل بيتطمن علئ زوجاته
ابو طلال لف للعيال: الساعه7تذلفون العزبه
العيال:ابشر
جواد بتحلطم همس لسياف: ابوك ماينسئ
سياف ضحك: اذكر الله
جواد: ماشاءالله
عند البنات  خلصت ام الدره منهم كلهم وكانو قاعدين متصنمين من الحناء ما يتحركون
الدره بضحك: علامكم متصنمين كذا
ناديه وهي تمسح الحناء الي بجبهتها: يختي مااقدر اتحرك من الحناء
مشاعل تحاول تنسدح: اي رقبتي وجعتني كيف انسدح الحين
جود وقفت بسرعه: بقوم اغسله خلاص
الدره مسكتها: ولا وحده بتغسله الا الساعه10
البنات قعدو بضيق وكل وحده كارهه نفسها من الحناء
((في عزبه الجد طايل))
وقف يناظر ناقته منيفه عبر الشبك دخل لعندها وتقدمت له الناقه بهدووء حط لها الاكل وانحنن الناقه تاكل وقعد يناظرها ناظر السلسال الي معلق برقبتها ضحك بنفسه وهو يتامل الحرف الي متوسط السلسال
جاه صوت من خارج العزبه يناديه: الفزعه ياسلمانننن
سلمان الي فز بسرعه وخرج وقابل قصي بوجهه:
قصي انحنئ وصار ياخذ نفس: فاررس طلقق سلطانه والحين يبي ياخذ عيالهه الحقق ياسلماننن
سلمان  ركض بسرعه للسياره ووراه قصيي حرك السياره متجهه للديره وصلو ونزلو وشافو الوضع محتاس بين العائلتين
فارسس بصرااخ: عيالييي بيجووون مععييي والي مايبي يطق برااسهه الجدااررر وبنتكم اذا فيها خيرر كان صانت بيتها بس لا تبي الطلااققق
سلمان نزل من السياره وقف مواجه فارس:
العيال منت بماخذهم ونجوم السماء اقرب لكك والحين فارققق
فارس بصراخ: تلاييطط انت هذول عيالي والحين انقلعع
وتوجه بسررعه واخذ العيال من الجد طايل
صرخت سحايب بخووف من ابوهاا : فكنني مابي معككك
حسين ببكئ: ابي عنددد مامااا
في بيت الجد طايل وقفت سلطانه تناظر عيالها كيف يصارخوون بكت بقوه وهي مابايدهاا تسوي شيي
ناظرت سحايب الي انفلتت من ابوها وركضت لعمها سلمان ناظر قصي وفهم عليه اخذ سحايب ودخلها البيت
تقدم سلمان واخذ حسين منه صرخخ فارس بغضب ومسك سلمان من ياقته كل اهل الديره صرخوو علئ فارسس يبغونه يقصر الشر لاكن كانن معند دف سلمان فاررس علئ الارض وركض ابو فارس لولده
فارس ابتسم بسخريه: مسوي فيها الاخو الشجااع اجل
سلمان بقهر: اسكتتتت يالسكيرررررررر
بعد ذي الكلمه حل الهدوء بالديره وصارو يناظرون فارس الي نزل راسه بفشيله
سلمان: ايه سككييررر ومدمننن بعدد تقولون ليش اختي تطلقت منه ولابعد يبي يااخذ العياالل والله انگ تخسيييي يالرخمهه تاخذهمم واذا بتاخذهمم ضرب سلمان علي رقبته ونطق بتاخذهم علئ قص رقبتي
فز فارس من الارض بسرعه ونظرات العربان كلها موجهه عليه
نطق الجد طايل وهو يناظر فارس باستحقار:اجل حنا ما نتشرف بسكير ومدمن يكون بديرتنا ولا لا يارجالل
تعالت الاصواتت بالديره يعززون لقرار الجد طايل ابتسم سلمان لما قلبت الديره كلها ضد فارسس
ونطقق بنصرر: اجل بكره تلمو عفشكم وتتقلعو من الديره
ابو فارس سحب ولده من بين الناس ووجه ااسود من الفشيله الي صارت
تفرقو الرجاحيل وكلن رجع لشغله تنهد سلمان بيرجع للعزبه لاكن قاطعه صوت جده وهو يامره يدخل البيت
((في الجلسه عند الحريم والبنات))
خرجت سمر وهي متزينه ومتعطره وقعدت بنفسيه  بدون لا تصبح عليهم
ناديه همست لروان اختها: ابدري كيف متحملتيها للحين
روان بقرف: عشان طلال والا انا متقرفه من وجودها بالشقه معي
ام الدره ناظرت سمر بغير رضا ونطقت باسلوب نصوح : سمر يا بنيتي مايجوز كذا علئ الاقل صبحي عليناا مب تجلسين بدون ما تتكلمين
سمر وهي تاخذ تمر: عاد انتي يا العجوز لا تتدخلين فاهمه
الدره فتحت عيونها علي وسعهم كيف تكلم امها بذي الطريقه
ام طلال بعصبيه: سمر وش ذا الهرج احترمي الي اكبر منك
سمر طنشتهم
الدره وقفت وناظرت سمر ورفعت سبابتها بمعنئ التهديد: انتي احترمي نفسك ولا والله وقسم بالله ان تشوفي شي ما يعجبك 
سمر وقفت ودفت الدره عن وجها: وش بتسوين اتحفيني؟!
جود  شافت الوضع متكهرب وقفت تهدي الدره: خلاص يا الدره طنشيها اعذريها تراها بزره ماتفهم
سمر بصدمه: منهو البزر وتقدمت لجود ودفتها لين طاحت علئ الارض
جود من قوه الطيحه حست كان ظهرها انكسر من الطيحه  صرخت بصوت متقطع من الوجع: اه ه ه الحقونيييي
البنات وقفو وصارو يساعدون جود  ناديه الي شمرت اكمامها ورفعت طرف ثوبها وهجمت علئ سمر وصرخت جايتك الفزعه يابنت العمم
وهاخذلك تبدا الهوشه بطق وشد شعر وصراخ من ناحيه الطرفين
ناديه الي مسكت كتف سمر وعضتها بكل ما اوتيت من قوه صرخت سمر بوجع وخدشت ناديه باظافرها  بوجههاا
بعدت ناديه  ماتحملت الدره الاساءاه الي تقدمت لامها وبنت عمها وركضت لسمر وهي تشتط من الغضبب ناديه شافت الدره وهجمت معها وقفت جود بوجع تبي تاخذ حقها من سمر وانضمت لهم بالهواش
وصار يضربون سمر وهي تضربهم
الحريم الي كانو يصارخون علئ البنات عشان يهدون لاكن كل ما تزاد الهوشه بينهم
فوز بعدت عنهم وهي تلاحظ كيف يتهاوشون نطق بخوف: بسم الله كانهم ثيران
روان وقفت بفرح وهي تناظر كيف يضربون سمر صارت تصفق وتضحك: اضربوهاا يابناتتت اي نتفشو شعرها كسرو سنونها اي اييي ناديه عضيهاا ناظرت  الدره الي ماسكه شعر سمر وتشد فيه كفوو كفوو يالدره عليك بها
لاحظت جود الي برغم وجع ظهرها لاكنها تشد بشعر سمر ضحكت روان: جود خلي هاشعرتين الي براسها تسترها لا تنتفيهمم
ضحكو البنات علئ روان وانفعالهاا  لفو علئ صراخ سمر : فكوني يابناتت *****
ناديه: اجل حنا بنات*****
خذي وصارت تضربها اكثر
سمر مازالت تضرب بقوتها وتقولون ياجبل مايهزك ريح وكل شوي تسب البناتت والبنات يضربوها
الحريم صارو يصارخون من شافو الوضع اشتد بينهمم جود الي تعبت وتسندت بالجدار تناظر البناتت بتعب
مثايل بخوف: مشاعل لحقيني بيموتون الحرمه
مشاعل بتشفي: لا خليهم يكملون عليها ونرتاح منها ومن بلاويها
خارج عند الدكه الرجاجيل سمعو الصراخ وفزو وسرعان ما اطلقت سمر صرخه هزت  ارجا البيت ركض ابو طلال وعياله وراه دخلو الحووش وناظرو الحوش الي قايم فوق تحت
صرخ ابوطلال بصوته : بسسسسسسسسسسسس
((في البيت المجاور لبيت ابو مصعب))
ابو بهاج ناظر مضاوي
: انا كفيت ووفيت والحين ابرجع القصيم
مضاوي ببگئ: تكفئ يبه وش تبيني اسوي بديره ما اعرف فيها احد
ابو بهاج: ماتعرفين احد تعرفي عليهم طيب اما موضوع الصرفه بكون ارسل لك كل اسبوع مبلغ لك ولولدك تمشين حالك فيهم والحين انا بروح
مضاوي مسكت ايده بسرعه: يبه حرام عليك وش ذنبي عشان تعاملني كذا
هناء ابو بهاج ماقدر يكتم اكثر صرخ بوجهاا: وش ذنبك تساليني وش ذنبككككك يامضاويييي ذنبككك انك قاتله زوجك وتقولين وش ذنبي يامضاويي صرتي مجرمهه بعيون الناس ماتحمل ابو بهاج حس بارتعاش بجسمه وقعد علي الكرسي رفع سبابته نحوها وصار يتكلم وهو يرتجف
نزلتي راسي بين العربان وصارو ينادوني  يبو القاتله يبو المجرمه صد عن بنته وهو يحس العبره تخنقه ودموعه بتخونه باي لحظه كمل وهو يحس بالوجع ينهش بصدره
خليتيني امشي بالشارع وانا منزل راسي ما اقدر ارفعه من الفضيحه كل ذا بسببك يا مضاوي كل ذا بسببك سكت من حس بدموعه صارت تنزل بدون توقف
مسح دموعه بشماغه بسرعه ونطق بكل حزن 
سودتي وجهيي  يامضاوي سودتي وجهيي بين العربانن
مضاوي قعدت عند رجول ابوهاا تترجاه ودموعها تسبق كلماتها: يبه والله والله كله كذب وافترا انا ما قتلته والله ماقتلته رفعت عيونها لابوها وعيونها غرقانه بدموعها والله مب انا يبه انا تربيتك انا مضاوي بنتك مضاوي بنت عبدالله ما تسوي كذا خذت ايده وصارت تبوسها تكفئ لاتروح عني يبه والله ما قتلته والله فز ابو بهاج بسرعه وخرج من البيت ركضت مضاوي ورا ابوها بس شافته راكب سيارته وحرك علطول مبتعد عن الديره اختفت السياره عن نظر مضاوي بكت بصوت يقطع القلب وصارت تردد والله ماقتلته والله ماقتلته انهارت علئ الارض وقعدت تضرب نفسها وتبكي بحسره
نواف من شاف امه تبكي ركض لعندها وحضنها  وصار يبكي معاها
مضاوي شافت نواف وصرخت بوجهه: انت السبب بعد عنيييي ان منت بولدييي بعدد ودفت نواف عنها وقعدت تبكي بزاويه ونواف يبكي بزاويه

((بيت اببو طلال))
وقفو البنات من سمعو صوت ابو طلال

دخلو العيال بعد ابوهم بس تراجعو علئ طول من سمعو صوت البنات بالحوش رجعو العيال للدكه وقابلو بطريقهم طلال الي يركض متوجهه للحوش متجاهل صراخ اخوانه بانه لايدخل
طلال دخل الحوش وكان يدور بعيونه علي سمر
سمر من شافت طلال نزلت دموع التماسيح وصارت تبكي وتستنجد بطلال طلال توجه لها بسرعه وصار يناظر شكلها المعفوس  البنات ناظرو طلال كيف درعم عليهم وطيران للبيت
طلال بصدمه: من مساوي بك كذاا؟!
سمر شهقت بقوه ونطقت بصوت متقطع: اااا ل بنااا ت
صرخ طلال: منننننننننن البناااتتت الي ضريوووو زوجتتييي
ابوطلال بعصبيه: قصر صوتككككك ياطلالللللل
انلجم طلال من صوت ابوه وهدا من نبره صوته ونطق: شف يبه كيف حاله سمرر يعجبك
مشاعر تبي تهدي الوضع: اهدئ ياطلال وافهم الموضوع
طلاال بعصبيه: مابي افهم شي ليشش ضربتوهااا
خرجت الدره لابسه الجلالل وقفت علئ باب البيت ونطقت:
اول يا ولد خالي علم مرتك كيف الاحترام الصح وكيف تتكلم معا الكبار وهاذا الي صار فيها قليل
ام الدره: خلاص يا بنتي لا تزيدين الطين بله
ابو طلال ناظر الدره بحده: ووش صاررر
الدره ناظرت سمر وقالت لخالها بالسالفه
ابو طلال ناظر طلال بعصبيه: طلالللل كم مره وانا اقول علم مرتك تخلي طوله اللسان ترا مارح تفيدهااا
قسسمم بالله اذا شفت هالمخلوقه تتطاول علئ اختي او حفيداتي لرويها نجوم الظهر ودق بعكازه الارض وخرجج للدكه ومعالم الغضب مسيطره عليه
طلال اخذ سمر وراح للغرفه والحريم من بعد الهوشه ادخلو للصاله والبنات قاعدين يناظرون الكدمات والجروح الي صارت فيهم من الهوشه
بالغرفه عند طلال وسمر
سمر مازالت تبكي بكذب عشان طلال يرحمها وما يفاتحها بالموضوع رحمها طلال وقعد يطبطب علي ظهرها: ياسمر يا حبيبتي يكفي بكئ
سمر اشرت علئ يدينها: ناظر كيف ناديه عضتني واشرت علئ شعرها والدره نتفت شعري يعجبكك يصير فيني كذاا وحطت يدينها علئ عيونها ورجعت تبكي
فقد الامل طلال بانه يهديها وخرج تارك لها الغرفه لحالها لعل ولعسئ تهدا من حالها
سمر ناظرت طلال خرج وقفت ومسحت دموع التماسيح واخذت جوالها واتصلت علي امها تشكي لها
.
.
.
القاگم ببارت جديد
.
.
.
بسم الله الذي لايضر معا اسمه شي في الارض ولافي السماء وهو السميع العليم

النجمه تقديراً لتعبي🌷.