شعرها الاسود وعيونها الحور تحرق قصايدگم قصيده قصيده.

//البارت العاشر¹⁰//

//البارت العاشر¹⁰//

ياليت لو  وجهك أول  صباحـي
وياليت كل صباح يمتلـي فيك.

في اليوم التالي الساعه6:30 صباحاً
صحو الگل في بيت ابو طلال علئ صوت طق بالمسامير والاخشاب خرجو الحوش وناظرو الوليد بزوايه من الحوش قاعد يطق المسامير بالخشب
ابو طلال: يالله صباح الله خير وش تسوي
الوليد مسح جبينه وقف: ببني اسطبل صغير للازاريف
ابو طلال: والعزبه؟
الوليد: يبه ابيه يكون قدام عيونكم دام انا بروح من هناء
ابو طلال: علئ خير ولف يدخل البيت
رجع الوليد يكمل شغله باتقانن وحرفيه 
جمال وسياف خرجو من البيت وراحو صبحو علئ اخواهم ساعدوه بالي يقدرون وتوجهو كلن بيروح شغله لاكن مشاعر خرجت وصارت تنادي:سيافف
لف سياف:هلا مشاعر
مشاعر: ابوي يقول يبيك ضروري الوليد يروح يمسك المحل بدالك
فز الوليد : اجل رح لابوي وانا بروح للمحل
تفرقو الاخوه وكلن راح طريق شغله

عند سمر من بعد موقفها الاخير وهي حاشره نفسها بالغرفه شوي الا يفتح الباب وكانت روان ومعها زايد الصغير تاففت روان ونطقت بهدوء: طلال وين؟
طلال الي طل من البلكونه: هلا روان
توجهت له روان وقعدت عنده طلال اخذ زايد وصار يلاعبه بفرح ابتسمت روان علئ حركات طلال الي يساويها عشان ولده
روان بهدوء: طلال ابي اروح عند اهلي عشان اكمل الباقي من الاربعين يوم عندهم
طلال لف لها: احد مضايقگ ؟
روان: لا والله بس طبيعي ذا الشي ابي عند اهلي
طلال بتفهم: متئ تبي تروحين
روان: العصر
طلال رجع يلاعب زايد: اجل تم
وقفت روان : اخذ زايد؟
طلال: لاخليه عندي
روان لفت بتمشي: بس انتبه له
طلال ضحك: تراه باقي ولدي
روان ضحكت وناظرت سمر الي متلحفه بالسرير  خرجت قابلت بوجهاا مشاعر
روان: وين مشاعل؟
مشاعر: بالحوش الخلفي تكلم ناديه
روان: امشي بنروح عندهم
خرجت روان ومشاعر واجتعمو عند الثغره الي بالجدر  الي كانت دايم مگان تجمعهم وصارو يسولفون الاربعه سوا شوي الا تنضم لهم مثايل
مشاعل غمزت لناديه وفهمت عليها: اقول يعبد العزيز من بعد الزواج لا تنسانا
ناديه: عبد العزيز اذا نسيتنا بهفك كف
مثايل انصبغ وجهها الوان وانفجرو البنات يضحكون عليها بعدت منهم مثايل: تكرهون الواحد بالحياه
ولفت تركض للبيت وقفت بالصاله تاخذ نفس لفت ناظرت فوز واقفه علئ الدريشه
مثايل دخلت عند فوز: وش تسوين؟
فوز فزت وسكرت الدريشه: ولا لاشي
مثايل بحسن نيه:طيب وخرجت من الغرفه
فوز رجعت تبي تناظر بالدريشه لاكن صدت بسرعه خرجت من الغرفه تبي تلهي نفسها بشي ثاني غير النظر بالدريشه الي صار يعتبر عندها روتين يومي

في بيت ابو مشعل جهزت الدره فطور فيصل ونادت بزر من الشارع عشان ياخذه للمحل لاخوها دخلت علطول وقابلت جدها قاعد وبايده بشت تقدمت وصبحت علي جدها وقعدت عنده
الدره: جدي لمين البشت؟
ابومشعل: هاذا لهزاع
الدره: بيعرس؟
ابو مشعل بابتسامه: ايه بيعرس عليگ
الدره بصدمه: ووشش؟
ابو مشعل بحده: ليكون ماتبي هزاعع
الدره وقفت والغصه تخنقها: ياجد مابي هزاع ماابيههه
ابو مشعل وقف وصرخ: وشو ماعندنا بنات يقولون كذاا وهزاع بتاخذيه غصب عليك
الدره بكت: جدي تكفئ لاتسوي بي كذا
ابومشعل : تبيني ارضئ عليك اتزوجي هزاع
الدره مسحت دموعها: الا هزاعع ياجدي ابوس ايدگ الا هزاعع
ابومشعل: اجل من تبي يعرس عليگ هاه
الدره سكتت من صوت جدها الا اعتلئ وصار يصارخ عليها نزلت دموعهاا لان ذي اول مره يهاوشها جدها كذا لطالما ماكانت الاحب لقلب جدها وماكان يجبرها علي شي ماتبغاه
جت ام الدره بخرعه علئ الصراخخ: وش صارر؟؟
ابومشعل لف بغضب: بنتگ هالمقروده رافضه ولد عمهاا الي من لحمها ودمها
ام الدره تقدمت لبنتها وقفت قبال ابو مشعل: لالا مايصبر الا الي تبي والدره بتاخذ هزاع
ارتخت اعصاب ابو مشعل من سمع كلام ام الدره وبعدها اخذ عصايته وخرج من البيت الدره لفت لامها تبكي: يمه ليش تقولين له كذا ترا مابي هزاع
الحسناء اخذت بنتها وقعدت انسدحت الدره علئ رجل امها وصارت امها تمسح علي راسها
ام الدره تنهدت: انا ابي لك ولد الحلال الي يصونك ويحفظك
الدره: بس هزاع مارح يصوني
ام الدره: اعرف يبنيتي والله اعرف بس ما بليد حيله
الدره: واذا جدي جبرني شسوي؟
دف الباب فيصل بقوه ودخل لعند امه واخته وصار يرقصص
الدره ضحكت مابين حزنها: فرحني معاك؟
فيصل: بيصير عرس بديرتنا الاسبوع الجاي
تغيرت ملامح الدره وناظرت امها
فيصل: عنادد خطب كريمه بنت عمييي وعرسهم الاسبووعع الجاي
سكتت الدره تستوعب الخبر وبعدها فزتت: صدقق؟
فيصل: اي صدق
ام الدره: بسم الله عليكم الي يشوفكم يقول محرومين من الاعراس
فيصل: من زمان يمه عن العرضه ابي ارقص لين ياذن الفجر
الدره ركضت تسحب عبايتها: اركدد بس
سحبت عبايتها وناظرت انها المقطوعه تذكرت موقف امس وابتسمت دخلت غرفتها وخرجت عبايتها وطيران لكريمه
ام الدره: وين بتروحين
الدره فتحت الباب: بروح عند كرومتي