اختلاس الصلابة

البارت الاول

بسم الله الرحمن الرحيم
{يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللهَ لَعَلَّكُمْ تُفْلِحُونَ} صدق الله العلي العظيم

مصطفى كاعد يم اخوانا بغرفة امهم وابوهم بعد مرور اربع ايام على وفاتهم ومحتوي اخوانه ومنومهم بحظنه

مصطفى: تعرفون اصعب شعور من تتحمل مسؤولية ماتعرف اذا راح تكون كدها او تفشل صح ماراح انطيكم حنان وعطف امي وابوي بس كل الي اكدر اسوي اني ماراح اقصر ، بس اريدكم تساعدوني لان حيلي على كدي والمصيبة كسرتني .

سليمان: اني بعد ماروح للمدرسة منو يوديني والدنيا حاره

مصطفى: لا حبيبي لا تكول هيج تتذكر امي شكد توصيك وتكلك اقره وانت ماتريد تزعلهم تقبل وهم بالقبر يزعلون منك وهمَ يحبوك هواي لا ياحبيبي اني اوديك واجيبك واذا ماكدرت كاظم موجود وبالاضافة الجو كم يوم ويتغير

سليمان: بس ماعرف اقره وحدي

مصطفى: اني راح اقريك لا تصعب الامور وتصير كسولي  انتَ بطل وكلنا نعرفك بطل

انتبه مصطفى على كاظم وهوه غافي بحظنا وأشر باصبعه لسليمان ( اششش ) وسحب رأس كاظم على كيف ونومه على المخده بالجرباية ونام بنصهم وحظن سليمان وكانت ليلة صعبة على الاخوان

ثاني يوم

فز كاظم مخترع من كابوس وفزز اخوانه ويا ، وكعدله مصطفى حظنه ويمسح على راسه وعرف كمية الكتم والضغط سبب بحالة كاظم

سليمان: كاظم انت مشتاق الامي وابوي مثل ما اني مشتاقلهم مو

كاظم: بدون امي وابوي كل هذا البيت اظلم ماعرف شلون راح اعيش كل العمر بدونهم

مصطفى: لازم نعيش حياتنا وكلنا على هذا الطريق لازم نفكر شنو نسوي لان عشنا حياتنا معتمدين على ابوي فلوسنا وطبتنا وطلعتنا عود اني بالفترة الاخيرة بديت اشتغل وملابسنا ولا واحد بينا يعرف شلون يغسل او ماعين او يلزم مكناسة ويكنس لازم نفكر شلون نعتمد على نفسنا هذا اهم شي ماكو فائدة من البجي ماراح يرجع شي

كاظم: مصاريفنه شلون مصطفى شنو راح تسوي

مصطفى: راتب ابوي وراتب امي ونمشي حالنا بي ومكفي مثل قبل شنو المشكلة

سليمان: يعني ماراخ ياخذون راتبهم ؟

مصطفى: لا حبيبي ماراح ياخذون شي هذا حقنا وامي وابوي يعتبرون شهداء

كاظم: اكلك مصطفى ليش ماتخصص من راتب ابوي وامي كل واحد مصرف خاص كل شهر

مصطفى (باستغراب): شنو السبب يعني

كاظم: احسن من ما نظل نطلب منك او انت ماموجود والي يحتاج فلوس انت مخلي عنده

مصطفى: زين اخليلك كل شهر اما مصروف سليمان عندي واني اوفر كل احتياجاته بس انت مصرفك يجيك وبشرط تتعلم تقتصد الا في حال الضرورة

كاظم: متفقين بس لا تبخل عليه

بعد مرور ساعتين اندكت الباب.

فتح الباب مصطفى واذا بعمه بسام الاكبر من ابيه

بسام: شلونكم عمي صحتكم

مصطفى: بخير عمي تفضل تفضل

بسام: ليش هيج عمي مصطفى اني مو كتلكم امشو وياي للبيت يمي لو يم خوالكم او خالاتكم او عماتكم على الاقل يديرون بالهم عليكم

مصطفى: عمي بيكم البركة بس انت تعرف كلش زين مانرتاح وضعنا مو مال نحرج احد ويانا وماتقصرون

بسام: تعال تعال ندخل نسولف جوه

كاظم: هلا بعمي بسام

بسام: يا هلا وليدي

سليمان: ها عمو شلونك

بسام: هلا بابو لسان

بعد ما طمئن على صحتهم

بسام: اني اريدكم بموضوع واتمنى تتفهموني وماتزعلون مني

مصطفى: كول عمي الي تكوله تامر بي وانت بمقام الوالد

بسام : بصراحة يا وليدي .............

نهاية البارت الاول .

طول البارت يعتمد على حماسكم وكلامكم الحلو✨️