قلبي يتقطع صدري ضاق ،نتصنع في دور البريء على قد مانقدر , نرمي في كامل الافكار لجتني لمخي دروك
علاه ميضحكليش كيما يضحك معاها،
علاه محبنيش كيما حبها هي ،
علاه مشافنيس ،محسش بيا معرفش بلي كاين ليحيا ويموت عليه,
عندهم فرحة وانا جنازة،
متحملتش المنظر اكثر من هكا، خرجت لبرا،هنا طرشقت
تصنعت دور لقوي اما دموعي خانوني،
الانسان لعمر ما بكى على حاجة شوف وين وصلتو ياسي أمير وانت لاخبر،
نهار اليوم راح يبقى محفور في مخي وقلبي لزوز،
قلبي من قهرتو وحزنو على فراق حبيب ،وعقلي ليستنى في النهار برك ليرد فيه كلش،
مش هارون ليسكت،لا مانيش ضعيف وبعمري لا كنت ضعيف،
كان سكت اليوم مش معناها راح نبقى ساكت طول عمري،
الوقت برك هدا وش نحتاج،
قسما برب الكعبة ماتكون لواحد غيري أمير انت لي انا وحدي،
انت قدري انا أخرتك ترجع عندي ،
مسحت دموعي ورجعت تقمصت دوري بأمتياز،
صح صعيبة اما لا زم نصبر ،
دخلت الفيلا غمضت عيني بتعب اصعب منظر تقدر تتصور انو يتجسد قدامك،
بين يديه متعانقين ويرقص،
أقل احلامي كانت ان نعنق ونشم ريحتو،
هديت روحي المجروحة وبلا منزيد دقيقة طلعت لشومبرة،
قفلت الباب ورايا ودخلت لدوش،
نحيت كامل قشي ودخلت في البنوار،
دموعي تخلطت مع الماء،
"علاه ،علاه محبتنيش قول علاه"
عيطت بكيت اما ناري مطفتش،
"ضاع من بين يدي "
مانيش مأمن بواش صرا،
طحت في البينوار تكمشت على روحي ،
بكيت حتى رقدت بلا منحس على روحي،
........
"اضحك أمير علاه مشنف "
كانت هدي شرين للفرحة ماهيش سايعتها ،
حب حياتها ايامات قليلة وتولي مرت حلالو،
هبط يديها من رقبت وحكا معاها بنبرة باين عليها الغش ،
"اول واخر مرة تحطيني بالامر الواقع شيرين"
زعفت وتجمعت الدموع بعينيها،
"راهي خطبتنا أمير راك عارف ياك"
دنى لحد وجها وقلها بصوت منارفي "
"لو هديك الغلطة مصرتش عمرك ماكنتي خطيبتي حطيها في راسك مليح شيرين"
خلاها تبكي وخرج البرا يتنفس بالقوة،
حط يدو لموشمة بجيبو وجبد ڨارو،
هو هكداك حتى جا ليه واحد تقريبا فطول،
تلفت ونفخ الدخان في وجه،
السيد مسكين ماكان منو غير يكح بالقوة مش فمقدور يوقف بوجه الشيطان،
"حل فمك"
زوز كلمات تعدل في بلاصة وخبرو بواش جا على جالو،
"سي أمير لبضاعة وصلت للوهران "
"هيه اما"
همس أمير بحدر، على حسب رعشت لطرف لوخر الدعوة مطمنش،
خانتو الكلمات وش راح يقول حرف واحد ممكن يسبب في موت،
هبط عينيه للارض ونطق بكلمات يادوب لاصقين في بعضاهم،
"سي ..أمي.ر "
"متتمنيكش على زبي انطق"
بلع ريق وقال حاجة خلاتو يقابل ملك الموت شخصيا،
"لبضاعة وصلت بنصف الكمية سي أمير والله..."
هز يدو بمعنا حبس ،
طيش الڨارو وعفس عليه ،
"شكون المتكلف بعملية النقل"
"إسلام"
"مليح طير من قدامي"
كشغل لفرج عطى لرجليه الريح بلا ميتلفت للور،
تنهد بالقاوي وجبد تيليفون وعيط لصاحبو الوحيد وعشيرو،
زوج دقايق وسمع صوت الطرف الثاني،
"ألو "
ضحك كسمع صوت صاحب المدمر أكثر منو،
"علاه مجيتش"
"متتمنيكش أمير الطفلة كان مش المشكلة لصرت معاه عمرك مراح تقبل بيها"
"حصلت صح اما ايامات وتتحل , المهم وش حوالك حليت مشاكلك مع مرة باباك ولدها"
سمع صوت ضحكات صاحبو ، باينا وش معناها،
"راح نهبل أمير"
"علاه"
"لمرا بلوى ولدها اكثر منها وين يمشي وين تمشي معاه المشاكل"
"تسما حياتنا من النيك ماهيش خارجة"
"نبصملك عليها"
ضحكو في زوج على حياتهم وحكو على أمور أخرى مش مهمة،
"حقا أنس, سمعت بلي صار"
"لا"
"مقلكش مراد"
"تقريبا شهر محكيناش"
"نص لبضاعة تسرقت"
"شكون ليوصلها"
"إسلام"
"خليها عليا أمير"
"بسلامة خو"
"بسلامة"
رجع تيلفون للجيبو وعاود ولى للفيلة اما طلع لشومبرة يرتاح شوي بعيد على الحس والمشاكل.
أنت تقرأ
you are mine (انت لي )
Teen Fictionرواية جزائرية bl "علاه" "انا حبيت هكا معناها يسموك تتمحى من وجه الكرة الارضية" "نتا الشيطان بداتو"
